قصة جميلة وعبرة للجميع صحينا على خناقة أمي ومرت أخوي
قصة جميلة وعبرة للجميع يقول صاحب القصة التاسعة صباحا صحينا على خناقة أمي ومرت أخوي مرت أخوي قايمة الصبح تعمل السجاد بالمكنسة الكهرباء وصوت المكنسة عالي وأمي ما عرفت تنام من الصوت فقامت صرخت فيها بتقوم الثانية بتسكت؟ ابدا وهات يا حكي من قديم و جديد لدرجة ما طبيعية المهم رحت دقيت تلفون لأخوي يفيق من نومه يقوم يهدي المشكلة بين أمي ومرتو قام وإستنى لما خلصوا خناق وشرب الشاي وأخد المكنسة منها وقالها ما تزعلي حالك وتشتغلي البيت يوم الجمعة إنتي ما مخلوقة للبهدلة ونزل عند أمي قالها هيدي المكنسة يا حجة والله ما طالعة معي على شقتي مرة تانية
ليش أنا عندي كام أم يعني أنا فيني اتجوز كل يوم واحدة إنما جيب أم من وين قالتله الله يجبر بخاطرك ياابني قالها انا بس خايف عليكي يوم القيامة البهدلة اللي بهدلتيها لمرتي رح تتحاسبي عليها في الآخرة قالتله ماهي لسانها طويل قالها يا حجة سيبها تدخل النار هي ،شو رح تبقي دنيا وآخره معنا.. !!!أنا وإنتي بإذن الله في الجنة أنا مستحملها منشان الأولاد وانتي عارفة وقالها يا حجة السيئة لازم تكفري عنها و لازم تطلعي صدقه او تتأسفي لها لأن هيدي ذنوب عباد. قالتله لا ما بتأسف قالها طيب طلعي صدقة قالتله بطلع فقال لها شوفيلنا وحدة تنضف البيت ونعطيها اللي فيه النصيب ومنها تبقي صدقة مخفية كمان قالتله اي وليش لا يابني بنجيب وحدة ونعطيها وتبقى صدقة بس ماحدا يدفع المصاري غيري مرتك ما بتحط ليرة في الصدقة هيدي طلع عند مرته وقالها أول وآخر مرة الإيدين الحلوة هيدي بتمسك مكنسة مرة تانية يوم الجمعة وتنفض السجاد رح نجيب وحدة كل جمعة تنضف وانتي تقعدي
و تتدللي بس انتي غلطتي لما رديتي على امي اعملي شي شغلة بتحبها و نزليها بطيب خاطرها و اليوم هيدي تاني جمعة بتجي البنت اللي بتنظف أمي قاعدة تدعي لأخوي وبتقلي شفتي أخوك بيفكر في دنيتي وأخرتي وانت حتموتني بالجلطة ومرته فوق بتقوله الله يخليك الي لإنك خايف على تعبي وراحمني من شغل يوم الجمعة وجايبلي شغاله كمان بعض المشاكل بتنحل بذكاء ما بالصراخ و البهادل والقطيعة امسكوا العصا من النص ،و اعطي امك حقها و مرتك حقها امك ضيفة بحياتك لا تخليها تحس مكانتها اقل و حاول تطمنها بانها ست الكل و زوجتك ام اولادك و رفيقة عمرك بكلمة حلوة بتمشي كلمتك خليك عادل بيناتهم بتكسب رضا الإثنين. 💜