أجمل قصة واقعية ماقبل النوم لاقيت نفسي مرميه علي الارض بفستان الفرح

 قصة واقعية لاقيت نفسي مرميه علي الارض بفستان الفرح

لاقيت نفسي مرميه علي  الارض بفستان الفرح وحواليا دم كتير واهلي كلهم حواليا وبيعيطو بحرقه عليا اتصدمت من المنظر وقولت بصدمه .. ايه ده مين ده دي انا ايوه انا طب ازاي ما أنا اهو ولابسه فستان فرحي اهو اومال مين اللي قدامي دي فضلت اصرخ ونادي.. يا بابا واخويا علاء واقولهم .. أنا عايشه اهو انا مموتش انتم مش سامعيني ليه حد يرد عليا  فضلت اصرخ بصوت عالي  بس لا حياه لمن تنادي وهنا ادرقت فعلا اني خلاص موت وانا مجرد روح بس ازاي انا موت  حد قاتلني ايوه افتركت  اللي عمل فيا كده ورجعت بزاكرتي لي اول فرحي بس اعرفكو بنفسي انا رحمه عندي 25 سنه محبوبه بين الكل وده بشهاده كل اللي يعرفني مخطوبه وخطيبي بيحبني وانا بحبه ومتفاهمين جدا مع بعض وكان النهارده يوم فرحنا وكنت مبسوطه جدا وفرحانه بي فستاني الابيض زي ما اي بنت بتفرح بي فستانها وتحس كأنها ملكه ومستنيه الأمير  بتاعها وفجاه تليفوني رن وكان كريم خطيبي اللي قالي.. انا مبسوط اووي يا رحمه اخيرا هنتجمع انا وانتي في بيت واحد كلها دقايق وتبقي مراتي يا حبيبتي رحمه.. وانا كمان مبسوطه اوي اني هكون معاك رد عليا بفرحه وقالي.. ربنا يخليكي ليا أنا جاي في الطريق قفلت معاه ودخلت عليا يارا ودي بقي صحبتي وزي اختي  معزتها حاجه كده مقدرش اوصفها هي بالنسبالي كل حاجه قالتي بغرحه.. زي القمر يا رحمه انا مبسوطه اووي وكأني انا اللي يتجوز مش انتي رحمه.. ربنا يخليكي ليا يا يارا يارا.. هو العريس فين اتأخر رحمه.. جاي في الطريق يارا... اخوكي حالا هيدخل يعملنا هوليله علشان كريم اتأخر دخل علاء وقال.. مين بيجيب سيرتي رحمه.. جبنا سيره القط اهو طلع ينط علاء.. هههههه بقي كده ماشي الله يكون في عونك يا كريم رحمه.. ريح نفسك ده بيموت فيا شوف نفسك بقي يارا.. لا يا حبيبتي انا وعلاء بنموت في بعض وكمان ده جوزي حبيبي علاء.. شوفتي بقي رحمه.. هههههه ربنا يسعدكم المهم شكلي حلو ولا ايه يارا.. قمر يا حبيبتي رحمه.. يا تري كريم لما هيشوفني هيقول ايه علاء.. مش كفايه انه هياخدك مننا رحمه.. محديش يقدر ياخدني منكم ابدا دخل بابا وقالي.. بسم الله تبارك الرحمن قمر يا حبيبتي رحمه.  ربنا يخليك ليا يا بابا بابا.. ويسعدك يا حبيبتي علاء.. اومال فين كريم كل ده علي ميجي بابا.. مستعجل علي ايه زمانه جاي في الطريق خلينا نشبع منها شويه دخلت مني وقالت.. مين العروسه ناو علاء.. أهي جات تي نونو اهيه مني.. يا رخم انت ملكش دعوه أنت رحمه.. تعالي يا مني مني.. حاسه انها من غير نفس يا رحمه رحمه.. مالوش داعي الكلام ده دلوقتي يارا.. طيب يالا احنا دلوقتي كلهم خرجو وفضلت مني اللي قالتلي.. انا عارفه انك زعلانه مني بس والله كان غصب عني رحمه.. غصب عنك انك تحبي خطيبي غصب عنك لما الاقي صورته عندك بالصدفه مني.. قولتلك انها كانت من زمان ونسيت امسحها انا كنت بحب كريم بس لما عرفت انكم بتحبو بعض والله شلتو من دماغي بس فعلا نسيت امسح الصوره والله صدقيني رحمه.. معني انك تحتفظي بصورته يبقي انتي لسه بتحبيه مني.. كنت دلوقتي لا صدقي بقي رحمه.. عالعموم مش وقته الكلام ده يا مني دخلت حور وقالت.. يا عروسه مبروك رحمه.. الله يبارك فيكي يا حور حور.. زي القمر يا حبيبتي ربنا يسعدك تليفوني رن وكان كريم وقولت.. طيب عن اذنكم مشيت من قدامهم وقالت حور.. يختي منصوفه هتجوز قبلنا وكريم قمر ومز اتنصفت مش زينا معرفتيش تزقعيه انتي يا خايبه مني.. يالا بقي نصيب حور.. ما هو كان قدامك طلعت ناصحه عنك يالا المعفنين دايما ليهم حظ روحت عليهم وقولت.. ها بقي بتنمي علي ايه يا حور حور.. لا ابدا ده انا كنت لسه بقول لي مني إنك قمر اوي بي الفستان رحمه.. عقبالكو يا حبيبتي دخلت مرات ابويا وقالتلي.. مبروك يا عروسه حور.. طيب هنخرج احنا علي متخلصو وخرجو فعلا وقالتلي.. خلاص صممتي وعملتي اللي في دماغك رحمه.. النهارده فرحي يا مرات ابويا مش وقتو مرات الاب.. قولتلك اتجوزي محسن ابني وكان هيسعدك وكانت فلوسك مش هتروح لحد بعيد بس اقول ايه واطيه زي امك رحمه.. ملكيش دعوه بي ماما الله يرحمها لو سمحتي ردت عليا وقالتي.. جتك نيله عليكي وعليها معرفتش تربي بس وحياه ابوكي اللي بره ما هخلي جوزك يتنهنا علي مليم من ورثك سلام يا عروسه خرجت وانا قولت.. الله يسامحك يا بابا جبتها منين دي بس دخل محسن وانا قولت.. هو في ايه بقي النهارده هو كلكم ورا بعض كده محسن.. جاي اباركلك يا عروسه ما خلاص اخر يوم ليكي النهارده رحمه.. ليه هموت ولا حاجه محسن.. وليه لا حد عالم رحمه.. محسن افهم انا عمري ما حبيتك ولا هحبك انت زي اخويا يا محسن محسن.. يعني انا اللي كنت بحبك انا بس اللي مستخسر فلوسك دي مش انا كنت اولا رحمه.. أنت بجح اووي انت وامك اطلع برا محسن.. ماشي بس هتندمي خرج محسن وقولت.. يا ساتر ده كويس اني هغور من وشهم دول أهل دول لاقيت الباب بيخبط ودخل سليم وقالي.. قولت اجي اسلم عليكي رحمه.. الله يسلمك يا سليم عقبالك سليم.. لا خلاص بقي انا عرفت نصيبي رحمه.. ليه بس يا سليم انت لسه صغير سليم.. الواحد مبيخدش كل حاجه يا رحمه رحمه.. مالك يا سليم انت زعلان من حاجه سليم.. لا ابدا مفيش حاجه مبروك يا رحمه رحمه.. طيب انا حلوه بالفستان سليم.. انتي اجمل عروسه شافتها عيني يا رحمه رحمه.. الله علي الكلام الحلو كان نفسي كريم يعرف يتكلم زيك يا سليم سليم.. ده مش كلام يا رحمه كده ده كلام جاي من القلب رحمه.. ربنا يسعدك يا سليم ولاقيت صوت زغاريد مره واحده وقولت.. كريم جه اهو سليم.. خلاص هتمشي يا رحمه رحمه.. اه ابقي تعالا زورني دخل كريم وقال بنبهار.. ايه الجمال ده يا رحمه رحمه بكسوف.. بجد يا كريم كريم.. ايوه بجد انا مراتي قمر يا جدعان سليم.. طيب استأذن بقي ومبروك يا رحمه خرج سليم وقال كريم.. ايه اللي دخل ده هنا رحمه.. ليه يا كريم مش فاهمه كريم.. باين عليه اووي أنه زعلان اننا اتجوزنا رحمه.. حرام عليك يا كريم سليم زي اخويا بالظبط وهو عمره ملمحلي بي حاجه زي كده خالص بلاش تبقي سئ الظن كده كريم.. امم ماشي ياستي ومش وقته الكلام ده مبروك يا حبيبتي جه علاء وقال.. يالا كريم علشان المأزون جه كريم.. عن اذنك يا حبيبتي اكتب الكتاب وارجعلك تاني رحمه.. ماشي يا حبيبي خرجو من للاوضه وبعد دقيقه حد دخل عليا كله لابس اسود في اسود مش باين منه حاجه خالص اتصدمت وقولت.. انت مين مين وعاوز ايه صرخت صرخه بس هو كتم بؤي ورماني من البلكونه 

رجعت من زكرياتي وقولت بصدمه وحزن .. يعني انا خلاص موت يعني محديش سامعني بصيت علي بابا واخويا ويارا هيوحشوني واكتر ناس مبهدله نفسها عليا قولت.. معقول كنت بتحبوني اووي كده مع السلامه هتوحشوني اووي بصيت علي نفسي وانا مرميه  جثه علي الارض بحزن ومشيت لاقتي في دنيا تانيه غير دنيتا ناس معرفهاش قعده وانا مش عارفه اعمل ايه لاقيت راجل عجوز قاعد روحت عليه وقولت.. احنا فين وبنعنل ايه هنا الراجل.. انتي في دار الحق بس للمقتولين اللي روحم مش مرتاحه رحمه.. ايوه انا فعلا مش مرتاحه الراجل.. انتي هنا في مكان احسن استغفري ربنا وقربي منه رحمه.. بس انا عاوزه اعرف مين اللي قتلني الراجل.. وهيفيد بي ايه ما انتي خلاص موتي رحمه.. عاوزه اعرف مين اللي عمل فيا كده اكيد اهلي زعلانين عليا اكيد كريم هيموت علشاني وصحابي كمان الراجل.. مصيرهم ينسو الإنسان نساي رحمه.. بس برده عايزه اعرف مين اللي عمل فيا كده وليه عمل فيا كده الراجل.. صدقيني مش هترتاحي بالعكس هتتعبي اكتر كده احسلك رحمه.. لا عاوزه اشوف بنفسي واسمع بودني الراجل.. قدامك 3 ايام تشوفي بنفسك وتسمعي بودنك وبعد كده هترجعي للمكان اللي مينفعش فيه رجوع رحمه.. موافقه بس اعرف الحقيقه واطمن علي اهلي الراجل.. مش هيشفوكي ولا هيسمعوكي انتي بس اللي تقدري تعملي كده رحمه.. موافقه وفعلا لاقيت نفسي في بيت بابا اللي كان بيعيط بي حرقه عليا قلبي اتقطع علشانه اوي كان نفسي اخده في حضني واقوله انا كويسه كده بس عاوزه حضنك بس لاقيت مرات ابويا بتقوله.. يا خويا بدل ما تعيط عليها عيط علينا احنا مش كانت ماتت قبل ما يكتبو الكتاب اهو جوزها هيورثها وهياخد اكتر منك بابا.. ورث ايه دلوقتي انا مش عاوز حاجه انا عاوز بنتي ترجعلي ردت وقالت.. بنتك خايبه لو كانت اتجوزت ابني كان زمان الفلوس رجعتلنا بلا خيبه دخلت وراها وقالت لي محسن.. عجبك كده يا خايب اهي البت طارت بي فلوسها جتك نيله محسن.. اه ياما والواد كريم ابن المحظوظه خد كل الفلوس يبختو مرات الاب.. لو اعرف بس مين اللي قتلها محسن.. وهستفادي ايه اكيد اللي قتلها كان بيكرها علشان مستفدش بي فلوسها مرات الاب.. يبختك يا كريم سبتهم ومشيت بعد ما اتأكدا أن مش هما وقولت.. حور ايوه هي حور اللي كانت بتحب كريم وهي اللي عملت فيا كده وفعلا روحتلها بس انصدمت لما لقيتها بتعيط بحرقه ومامتها بطبطب عليها وبتقول.. كفايه بقي يا مني ادعلها بالرحمه مني.. مش قادره يا ماما انتي متعرفيش رحمه بالنسبالي ايه انا اللي مزعلني أنها ماتت وهي فاكره اني بحب كريم وانا والله شلته من دماغي بمجرد بس اني عرفت أنها بتحبو بعدت عني مع اننا كنا  اقرب اتنين لي بعض كان نفسي اخدها في حضني حضنها وحشني اووي يا ماما كنت بسمع كلامها وانا مصدومه ازاي كنت قاسيه ووحشه كده معاها وهي بتحبني الحب ده كله انا اسفه يا مني نفسي ألزمن يرجع بس علشان اخدك في حضني وعتذرلك مشيت من عندها وقولت اروح لي صاحبتي حور اقرب واحده ليا وهي اللي قالتي أن مني بتحب كريم كانت بتخاف عليا روحتلها بس انصدمت لما لقيتها بتحط ميكب وبترقص دخلت عليها مامتها وقالت.. وطي يبنتي الاغاني دي مش صحبتك لسه ميته حور.. متغور في داهيه ازعل نفسي ليه ومن امتا وانا كنت بطيقها اصلا يا ساتر عليها ده بركه انها غارت في داهيه سبيني بقي ارقص وافرفش كده الام.. طب أنتي متعرفيش مين اللي عمل فيها كده حور.. مش عارفه هموت واعرف بس مش عارفه ليه شاكه في مرات ابوها وخصوصا انها كانت عاوزه تجوزها لي ابنها علشان فلوسها اهو كريم خد الفلوس ابن المحظوظه ميتحوزنيش انا انصدمت وقولت.. ياااه ياحور انتي انا اللي كنت فكراكي صحبتي للدرجادي طلعتي واطيه ووحشه انتي اللي خلتيني اكره حور وهي احسن منك ميه مره روحت علي علاء اخويا ولاقيته بيعيط عليا وبيقول.. وحشيني يا رحمه اووي كنت عاوز اسلمك لي عريسك بس ملحقتش يا حبيبتي يارا.. انا مش مصدقه انها مبقتش معانا ده انا وهي مكناش بنفارق بعض ابدا وحشتيني يا رحمه قعد اعيط بحرقه واقول.. وانتم كمان نفسي تسمعوني انا معاكو شيفاكو وحشتوني اووي روحت لي كريم لانه كان اقرب حد ليا لاقيته في اوضته سرحان باين عليه الحزن قلبي اتقطع علشانه قعد جنبه حاولت اطبطب عليه بس مكنتش حاسس بيا خالص وقولت.. وحشتيني يا كريم اووي انا عارفه اني موتي كان صدمه ليك يا حبيبي بس غصب عني القدر كان اقوي مني ومنك خلي بالك من نفسك يا كريم وانا هفضل معاك طول الوقت مش هسيبك خالص مشيت وسبته وانا مش عارفه اعمل ايه افتكرت سليم وقولت.. معقول يكون هو ايوه اكيد هو مفيش غيره روحت علي بيته بس لاقيته ماسك صورتي وبيعيط بنهيار وبيقول.. موتي وسبتيني ليه انا حياتي وقفت من بعدك انا كنت عايش بس علشان انتي موجوده انا محبتش حد قدك ولا هحب كنت واقفه مصدومه من كلامه وقولت.. معقول سليم بيحبني الحب ده كله وانا محستش بيه للدرجادي كنت قاسيه عليه مشيت ورجعت بيت اخويا مكنتش برتاح غير عنده بس فجاه لاقيت يارا بتتسحب وبتتكلم في التليفون وبتقول.. ايوه يا حبيبي وانت كمان وحشتيني اووي اتصدمت معقول دي يارا ازاي بتخون اخويا للدرجادي ادخدعت فيكي انتي كمان لاقيتها بتضحك وبتقول.. اهو متنيل نايم جته مصيبه عليه انا خلاص زهقت منه وعاوزه اسيبو كنت في حاله زهول من اللي بسمعو يارتني ما جيت يارتني ما قولت عاوزه اعرف الحقيقه يا تري وراكي ايه يا يارا ومين ده اللي بتخوني علاء معاه لاقيت يارا قفلت وراحت عند صورتي وقالت.. بقي تموتي كده وكل فلوسك تروح جتك نيله اهو اخوكي هيطلعلو ملالين في الاخر كنت انا نقصاه هو كمان لاقيت علاء خرج من الاوضه وبيقول.. بتعملي ايه يا يارا يارا.. ابدا بقرا الفاتحه لي رحمه الله يرحمها علاء.. الله يرحمها يارا.. هو انت مش هتكلم مع كريم في موضوع الورث علاء.. ورث ايه بس يا يارا ده وقته ده الله يكون في عونه يارا.. يا خويا الحي ابقي من الميت المهم الورث ولازم تفهمو أن هو المفروض يتنازل هو اصلا كتب الكتاب اه بس دي قبل ما تموت بس دقايق يبقي مالوش ورث علاء.. ازاي بقي مش بقي جوزها خلاص

يارا.. والله انا شاكه أن هو اللي قتلها علشان يخلص منها علاء.. مستحيل يكون كريم ده كان بيموت فيها يارا.. الفلوس متخليش حد يعرف حد يا حبييي مقدرتش اسمع اكتر من كده ومشيت روحت عند بابا اللي لقيته بيسقف ومرات ابويا بترقصلو انصدمت من المنظر ياااه هو انا مكنتش فارقه معاك خالص كده يا بابا لاقيت مرات ابويا بتقولو.. ايه رايك بقي طلعتك من اللي انت فيه بابا.. اه والله ربنا يخليكي ليا هي.. مدام بسطك يبقي تسمع كلامي بابا.. انتي تأمري يا حبيبتي هي.. عايزاك تصحصح كده ومتخليش جوز بنتك ياخد حاجه ويتنزلك عن الورث ولا هو هياخد الفلوس كده عالجاهز بابا.. بس ده حقه يا وليه هي.. جت كسر حقه بقولك ايه انت لازم توقفو عند حده وقولو كده بالعربي مالوش فلوس وأعلي ما في خيله يركبه اه خليك كده ناصح متبقاش خرع بابا.. هكلم معاه وهشوف ناوي علي ايه اتصدمت بقي دلوقتي كل اللي هممكو الفلوس ومفكرتوش تشوفو مين اللي قتلني يااه انا كنت عايشه في كدبه كبيره اووي روحت لي علاء لقيت سليم معاه وبأين عليه التعب وقال.. خير يا علاء عاوزني في ايه علاء.. يارا كانت عاوزه يارا..  انا هتكلم يا علاء عاوزيك تشوف اجرأت الميراث وتعرف كل واحد حقه ولو تعرف تخلي كريم ميطولش جنيه يبقي احسن وانت محامي بقي وشغلتك واكيد هتلاقي حل ومتقلقش هيكون ليك نسبه في الفلوس سليم بصدمه.. انتم بتتكلمو جد دي رحمه بقالها يومين ميته لادرجادي مش هماكم وبتفكرو في الفلوس طيب هي غريبه يا علاء انت بقي ايه هي اللي ماتت مكنتش اختك ده انا افتكرتك عاوزني علشان نشوف مين اللي قتلها يارا.. رحمه اكيد انتحرت مين اللي ممكن يعمل كده سليم.. هتنتحر ليه وهي اصلا كانت مبسوطه بالجواز وأنها هتجوز حب عمرها يارا.. سليم مالوش لازمه الكلام ده خلينا في الفلوس سليم.. يا خساره كنت فاكر ان يارا تهمكم بس طلعتو زيكم زي الغريب بيفكر في الفلوس وبس علاء.. لا طبعا دي اختي واكيد مش هتحبها اكتر مني سليم.. محديش حب رحمه ولا هيحبها قدي كان نفسي تعرف كده بس انا اخترت اعيش في جحيم وانها تكون مبسوطه يارا.. يوووه ما خلاص بقي زهقنا من الاسطوانه دي يا سليم عارفين انك كنت بتحبها وانا قولتلك روحت قولتلها وهي موافقتش نعمل ايه تاني انصدمت من اللي سمعته وقولت لنفسي.. لا كدابه محصلش انا فاكره اليوم ده كويس اوي ..فلاش باك.. يارا.. انا اتكلمت مع سليم وقالي انك بالنسباله أخته وعمره ما فكر فيكي خالص انصدمت وقولت.. للدرجادي مش حاسس بيا خالص يارا.. سيبك منه بقي يا يارا ده بيحب واحده وكمان هيخطب رحمه بدموع.. كمان يارا.. انسيه وشوفي غيره ومتفكريش فيه تاني مهما حصل فاهمه ولا حتي تتكلمي معاه ودايما اتهربي منه رحمه.. حاضر هعمل كده ..باك.. رحمه.. يعني كنتي بتكدبي عليا كل ده فاقت من زكريتها ولاقيت سليم بيقول.. يارتني ما سمعت كلامك وبعد انا كمان ممكن لو كنت قربت منها واتكلمت معاها كانت حبتني يارا.. سليم خلاص اللي فات مات خلينا في الورث دول ملايين سليم.. وانا مستحيل اساعدك في كده حتي لو هتدوني نص الفلوس سلام مشي سليم وقالت يارا.. فقري وحمار دي اختك الله يرحمها بقي علاء.. سليم عنده حق يا يارا المفروض ندور علي اللي قتلها مش الورث يارا.. علاء انا قولت اللي عندي وهنمشي بإجراءت الورث من غير حتي سليم كنت واقفه مصدومه للدرجادي انتي وحشه اوي كده يا يارا وانا مكنتش شايفه وحشتك لقيتها بتقول.. انا ماشيه علاء.. راحه فين يارا.. مش مهم تعرف سلام مشيت وراها علشان اعرف هي رايحه فين وقولت.. اكيد وراها سر ولازم اعرفو بص كانت الصدمه لما لاقيتها رايحه بيت بابا ازاي ومقلتش لي علاء ليه دخلت الشقه وقالت.. ايه عماله ترني ترني صدعتيني جتك الهم فيكي انتي وأبنك محسن.. الله وانا مالي أن انا يا لمبي مكنتش فاهمه ايه إللي بيحصل وايه علاقه يارا بامرات ابويا ولقيت يارا بتقول.. علاء حاسس بالذنب ومش عاوز يمشي اجراءات الورث مرات ابويا قالت.. نعم وحياه امه هو هيشتغلنا ولا ايه لازم تلاقينيه بدل ما اروح امسك في زماره رقبته انا ما صدقت ان اقنعت ابوه يارا.. لا سيبي الموضوع ده عليا انا هعرف اقنعو كويس محسن.. بس انا شايف ان عيشتك ارتاحت على الاخر يارا.. وحياه امك ما مين اللي جايب العز ده لك ولامك مش انا برده مش انا اللي خليتها تتعرف على الراجل الكبير وبتضحك عليه وتتجوزه علشان ينوبكم من الحب جانب ولا انتم زي القطط بتاكلوا وتنكروا لولاكش انك خايب وما عرفتش توقع البت وتتجوزها انت وتاخد الورث يا موكوس محسن.. ومين قال لك يا اختي ان انا ما حولتش حاولت كتير بس هي اللي كانت بتحب كريم وما كانتش شايفه غيره مرات أبويا.. بس انت صحيح يا بت يا يارا ما تعرفيش مين اللي قتل البت دي يارا.. ايه يا اختي بركه مش مهم نعرف ده عمل فينا جميله ده انا هاين عليا اروح اشكره بنفسي بس اعرف هو مين اهو وفر  علينا خطت تانيه وهدت حيل محسن.. ناويه على ايه يا رستينا يارا.. لا ريح انت وامك دلوقتي معدش ليكو لازمه الجاي كله عليا انا محسن.. اه بس اوعي تنسينا يا حلو بدل ما نطربقها على دماغك وانتي عارفاني لا  نعيش عيشه فل لنموت احنا الكل يارا.. ما تهتدنيش يا ابن بهيه لانك عارف ان انا مبتهددش ولو مش عاوزه اديك حاجه انت وامك مش هديك ويالا بقي ختو من وقتي كتير سلام يا غجر مشيت يارا وقال محسن.. ايه ده ياما حيه براس ست مرات الاب.. والنبي حاسه ان البت دي وراها لعبه كبيره اووي وهطلعنا من المولد بلا حمص محسن.. ولا حتي حلاوه ياما الام.. صبرني يارب ياتخده يا تاخدني محسن.. يبقي ياخدك انتي ياما انا لسه صغير حسيت انى مش عاوزه اعرف حاجه ولا عاوزه اعرف حتي اللي قتلتي اللي انا عرفتو كان صدمه كبيره عليا مكنتش عارفه اروح فين فكرت في كريم روحتله لاقيته قاعد ماسك الموبايل وبتفرج علي صوري حسيت اد ايه اني اخترت صح ده وقولت.. انت الحاجة النضيفه اللي في حياتي يا كريم يارتني كنت اتجوزتك من زمان وهربنا من الدنيا الوحشه دي كلها غدر وناس بي الف وش لاقيت الباب بيخبط فتح كريم وكان بابا اللي قال.. ازيك يا كريم عامل ايه يا تري كريم هيوافق يتنازل عن الورث ولا لا ومين اللي ورا قتل رحمه

كريم.. ميت جسد من غير روح يا عمي تعبان اوي من غيرها  اللي كانت بتنور حياتي خلاص راحت بابا.. كانت غاليه علينا اووي كريم.. الله يرحمها بس لو اعرف مين اللي عمل كده بابا.. رحمه انتحرت يا كريم ومحديش قتلها المهم مش ده اللي انا جاي اكلمك فيه كريم.. خير يا عمي اتفضل اتكلم بابا.. انت عارف بعد موت رحمه الورث هيكون ليك نصيب فيه وخصوصا انك كتبت كتابك علي رحمه و علشان بايت جوزها كريم.. ايوه يا عمي عارف بابا.. هو انت شايف يبني أن ده من حقك كريم.. مش فاهم حاجه قصدك ايه بابا.. قصدي ان الورث ده مش من حقك كريم.. ازاي بس يا عمي ده انا جوزها والمفروض اورث بابا.. ما انا عارف علشان كده جتلك كريم.. علشان ايه بقي بابا.. علشان تتنازل عن نصيبك ليا كريم.. ايه انت بتقول ايه أنا لا يمكن اعمل كده ابدا ده حقي زي زيك بالظبط مش كفايه انك هتورث معايا انا لو عليا مدكش جنيه من الفلوس بس اعمل ايه بابا.. ايوه كده بان علي حقيقتك انك كنت متجوزها علشان خاطر الفلوس كريم.. هههههههه اومال كنت متجوزها علشان سواد عيونها طبعا علشان الفلوس ومعنديش استعداد اني أتنازل عن جنيه واحد يا حمايا العزيز بابا.. ده انت طلعت نصاب بقي كريم.. طب انا غريب وعادي جدا لما اكون نصاب الدور والباقي عليك يا ابوها بابا اتعصب وقال.. ماشي يا كريم الايام بينا ومشي بابا كريم.. ما لسه بدري يا حمايا كنت مصدومه من الكلام اللي سمعتو وقولت.. حتي انت يا كريم ده انا حبيتك ليه ليه يا كريم مشيت وانا مش عارفه اعمل ايه خلاص كلها بكره وارجع العالم بتاعي وبرده معرفتش مين اللي قاتلني بس خلاص معنديش عاوزه اعرف كفايه صدمات لحد هنا قررت اروح اشوف علاء للمره الاخيره وفعلا روحت بيته وفضلت ابص عليه وهو نايم وقولت.. صحيح طلعت وحش بس انت برده اخويا هتوحشني يا علاء ولسه همشي بس وقفت لما لاقيت تليفون يارا بيرن واتصدمت لما شوفت نمره كريم ايوه دي نمره كريم لاقيت يارا مسكت التليفون واتسحبت بره وقالت.. ايوه طيب انا جيالك حالا سلام كنت في حاله زهول وقولت.. كريم ويارا وهيكون ايه اللي بينهم ده وراحت يارا عند كريم وروحت أنا كمان وقالت.. شوفتي اللي حصل يارا.. خير كريم.. مش خير خالص حمايا عاوزني أتنازل عن ورثي يارا.. طب ما انا عارفه كريم.. ايه ده وعادي كده يارا.. مش بس كده ده انا كمان بحردهم علي كده كريم بصدمه.. ايه ده مش فاهم بعد كل اللي عملناه ده وتعملي كده يارا.. افهم بهيه وابنها عاوزين يضحكو علي الراجل وياخده منه نصيبه وانت عارف جوزي عبيط لا بيهش ولا بينش ده ممكن يسيب ورثه اصلا علشان كده بحرد حمايا عليك علشان فالاخر يستسلم ليا لما اروحلو واقوله اعملي نوكيل يا عمي وخليني ميني للمحامي وأنا اللي هجبلكو فلوسكم كلها ويعملي التوكيل واخد كل حاجه علي نصيبك ونهرب ونتجوز يا حبيبي كريم.. يخربيت دماغك انتي ايه دماغ سم يارا.. ما انا مش هسيب تعبي كده يروح علي الفاضي كريم.. وافرضي بقي كانت رحمه ممتتش ولا انتحرت كنتي عملتي ايه يارا... هههههههه ومين قالك انها انتحرت كريم.. قصدك ايه يارا.. انا اللي قتلتها كريم بصدمه.. انتي ازاي يارا.. انا هقولك ازاي فلاش باك يارا.. استنيتك لما خرجت من عندها علشان تكتب الكتاب وكنت لابسه اسود في اسود وقناع واول ما سمعت الماذون بيقول مبروك دخلت عليها وزقلتها من البلكونه ..باك.. كريم.. وهي شافتك يارا.. لا طبعا افرد مكنتش ماتت تعرف ان انا كريم.. يخربيتك وازاي عملتي كده يارا.. وانت كنت عاوزني اسيبك تتجوزها كده عادي وتعيشو حياتكو وانا اخبط دماغي فى الحيط واستنا بقي لما ست الهانم تتكرم وتديك حاجه كريم.. انتي اللي عملتي الخطه وخلتيني اضحك عليها يارا.. اومال كنت اخلي سليم يتجوزها وياخد هو فلوسها وقال ايه بيحبها وكمان انت بتاعي انا يا كريم ومستحيل حد ياخدك مني كريم..  بس برافو عليكي ولا شكيت فيكي خالص استاذه يارا.. هههههههه يبني الأهم من الخطه اللي ينفذ الخطه ولو كنت قولتلك كنت هتتوطر علشان كده عملتها من سكات واهو لسه بيدوروا علي اللي قتلها وابقي قابلني هههههههه كريم.. طب متخلصي من علاء بقي بالمره يارا.. لا علاء ده أمره سهل وهاخد فلوسه بمنتهي السهوله كمان وهخلعو كمان ولا هيحس بي حاجه عبيط زي اخته بالظبط كريم.. طيب وبهيه وابنها يارا.. لا دول خلاص معدش ليهم لازمه وكفايه عليهم اللي قلبوه يحمدوا ربنا كريم.. طيب يالا بقي خليهم يعملو التوكيل خلينا نخلص يارا.. وحياتك كلها بكره والموضوع كله يخلص مكنتش مصدقه اللي بسمعو يارا هي اللي قتلتني اختي اللي كل أسراري معاها ده انا كنت بثق فيها اكتر من نفسي تعمل فيا كده الدنيا اسودت في وشي ومكنش قادره اكمل اليوم الأخير بس فجاه الباب خبط وكان علاء اللي قال.. اخر حاجه ممكن اتخيلها انك تخونيني انا يا يارا بعد اللي عملته معاكي سليم.. مش قولتلك يا علاء انها وكريم السبب في موت رحمه كريم.. لا لا مش أنا هي اللي رمتها من البلكونه والله انا اه كنت بضحك علي رحمه بس مكنتش عاوز اقتلها سليم.. أنت تخرس خالص خدها مني خلتها تبعد عني ضحكتو عليها موتوها علشان الفلوس يخربيت الفلوس اللي تخليكي تعملي كده يارا.. ايوه قتلتها والفلوس دي من حقي انا انا اللي صبرت علي ارفهم وفالاخر مخدش حاجه لا ده انا ممكن اقتلكم كلكم واخد الفلوس برده الفلوس علاء.. انتي طالق طالق يارا طلعت مسدسها وقالت.. وانت هتموت هنا ويبقي مشاجره بينك وبين كريم وموتو بعض وسليم حاول يسلكو اضرب عليه رصاصه وأنا بقي اخد كل الفلوس ليا خطه حلوه مش كده سليم.. انتي ايه يا شيخه شيطانه يارا.. انت تخرس خالص مش عاوزه اسمع صوتك انا بكرهك واول واحد هيموت بس فجاه البوليس جه وقال.. نزلي المسدس احنا سمعنا كل حاجه يارا.. انت بتعملي كمين هقتلك يا سليم هقتلك البوليس قبض علي يارا وكريم وقال سليم.. ارتاحي يا رحمه حقك رجعلك هتوحشيني اوي مكنتش فرحانه ان حقي رجعلي كنت مصدومه من اللي شوفتو اد ايه الناس وحشه اووي كل بيفكر في الفلوس وبصيت علي سليم واد ايه اتمنيت أن اخضنه حضن فيه كل معاني الحب والوجع انا فعلا مخسرتش غير سليم وبس مشيت ولاقيت الراجل قدامي وبيقولي.. عرفتي اللي انتي كنتي عاوزه تعرفيه رحمه.. ويارتني سمعت كلامك وفضلت علي عمايا كده الراجل.. المقتول بيبقي مكروه من حد واقرب حد ليه ولاحسن ليه انه ميعرفش مين اللي عمل فيه كده لان الوجع هيبقي الضعف رحمه.. يارتني ما عرفت انا كنت زعلانه اني حياتي خلصت وهبعد عن الناس اللي بحبها بس اللي اضضحلي ان انا كده في راحه احسن من البشر بكتر الراجل.. مش كل البشر وحشين عندك مني عندك سليم وناس كتيره غيرهم بس الاكتر الحقد واللي في قلوب ناس كتيره اوي مش بس يارا ولا كريم في ناس كتيره وهتفضل الحياه كده فيها الخير والشر رحمه.. وللاسف الشر اللي بينتصر في الاخر الراجل.. مفيش خير يبنتي بينتصر في حاجه اسمها كما تدين تدان ومفيش ظالم بيكمل ظلمه في الاخر رحمه.. عندك حق الراجل.. يالا علشان تروحي دار الحق اللي مفيوهوش شر رحمه.. ايوه هناك ارحم بكتير واحن عليا منهم دخلو هما الاتنين بوابه واتقفلت وراهم وبكده تكون خلصت قصتنا لو حابين قصص تانيه اكتبولي في الكومنتات ❤️

تعديل المقال