القصة من شب بدو نصيحه انا كنت على علاقة مع بنت لمدة 4 سنين
حرفيا قصة صارت معي
القصة من شب بدو نصيحه
انا كنت على علاقة مع بنت لمدة 4 سنين كانت هي بشام وانا بالمانيا اول سنتين كانت بشام وتاني سنتين طلعت على المانيا المهم بهل ٤ سنين كلن شفتها تلت او ٤ مرات بحكم المسافات البعيدة بالمانيا صار كتير مشاكل بيني وبينها بس كنا كل مرة نرجع لبعض بعدا تعرفت على اخواتي البنات وصارت رفيقتهم وعلى ماما يعني تقريبا كمان عليتها عرفو فيي بحكم انو دايما مع بعض عل جوالات العلاقة كانت تصير باردة اكتر بحكم ماخلينا شي ماحكيناه يعني حتى مجرة درب التبانة حكينا فيها فا هي تقرييبا صارت تشوفني حدا مهمل جدا مابيهتم موفارق معو وجودها ضلت ولا راحت مع انو شخصيتي عل واقع غير شخصيتي عل جوال وهي برضو حكت انو شخصيتي عل واقع بتجنن بس عجوال ابدا دايما كانت تشوفني شخص غير مبالي هي مابتعرف انو من جواتي حرفيا بموت عليها ومعاملتي الها عل جوال عكس الي بدي ياه شرحتلها هل شي قلتلها بس ساعديني لا اطلع من هل حالة وبعدا كلو بكون تمام فا حرفيا هي وعدتني ضل جنبي وماتتركني شو مصار اول مرة راحو طلبوها اهلي وانا خليتها ترفض بحجة انو لسانا صغار قلتلها بعد سنة برجع ببعتن بكون زبطتت اموري شوي هي كان بدها نأسس حالنا سوا كانت رافضة اتزوج على حساب بابا علما انو العادات بل بلدة تبعي الامر تبع الزواج عل اهل هاد الشي مكان
عاجبها قلت موغلط يمكن بدها تحسسني بل مسؤلية قلتلها لكن سكري الموضوع هاد هلئ لا اعرف شوبدي اعمل المهم صار مشاكل كتير كتير كتير بهل علاقة لدرجة غير طبيعية انا كنت فايت بحالة اكتآب مابيعلم فيها غير ربنا كنت شخص بايع الحياة كلها بقشرة بصلة مو فارق معي شي ضلو جنبي ولاتركوني ولا متت مانو فارق معي شي المهم حطت كل طاقتها لترجعني شخص الي انا عليه هلئ قدرت تطلعني من الحالة الي انا فيها بعد ما استنزفت طاقتها كاملة بس هون انا كنت حاسس بكل معاملتي الغلط الها وكنت عم موت من جوا بسبب الشعور تبعها اني شوفها فرضا تعبانة ومكون جنبا زيادة او تكون بحاجتي وماكون معها في شي من جواتي كان يمنعني بس بعد ماخلصت منو وقدرت بسببا اتغلب عكل شي سلبي بحياتي صار شغلة انو حكا معها شب وهي بتعرفني بس غار بسكت مابحكي شي مابعرف فرجيها اني بغار يا اما بسوي مشكلة يابضل ساكت لتراضيني هي فا بعدا بيوم توفا شخص بعيلتها بتحبو جدا كانت ردة فعلي غبية كتير بعتلها الله يرحمو بس ولبقية بحياتك وضليت اسبوع ما احكي معها فا بعد اسبوع اجت قالتلي انو خلص عرفت قيمتي عندك وبتوقع انو هيك علاقة مالازم نكمل فيها ونهت كلشي طبعا هون انا ماستوعبت الموضوع الي عم يصير انو ليش بعد ماصرت بدي قدملك كلشي تركتيني ليش بعد ماصرت بدي حارب الدنية كلها كرمالك تركتيني صار النا ٤ شهور تاركين من سنة الماضية والي ٤ شهور عم حاول رجعها فا هي ارتبطتت بشب فا انا حاولت بشتى سبل بعدو عنها وقدرت نشالله كون قدرت شب كان ملعب ومستفز بشكل كبير يعني دور يحكيلي روح خليها يصير عندها مشاعر اتجاهك وخدها دور يحكيلي انا مارح قرب منها وبتفاجأ انو طلع عم يستخدم حكيي كلو ليقوي علاقتو فيها اكتر واكتر وهوا ستغل موضوع انو هوا موجود بمنطقتها بهل اربع شهور ماضل حدا ماحكا معها خواتي لا جوز اختي لا امي وحكيت امها ورفقاتها وهي رافضة رفض قطعي صارت تشوفني شخص مولدن ماني زلمة لاني بعددت الشب عنها بطريقة بشعة وقالتلي انت هديت كل ثقتي فيك كلشي بنيتو بهل ٤ سنين هديتو بإديك هي مبقى تقتنع
انو انا عملت هيك لاني بدي ياها صارت تشوفني عم شوه صورتها وبس مبقى ستوعبت انو انا عملت هيك لاني لوشفتها مع شخص غيري مارح اقدر كمل حياتي راح تحكولي الحياة مابتوقف عشخص يب عارف مابتوقف هشخص بس بالنسبة الي لو كانت مع شخص تاني انا حرفيا ممكن انهي حياتي لانو حرفيا هلئ عم اكتب وقلبي عم يوجعني بشكل بموت 😅 ماخليت شي ماعملتو كرمال رجعها وهي رافضة رفض قطعي معم تفكر ابدا بل موضع ولا عم تشوف التغيرات الي صارت وهي عارفة انو اذا بتوافق ترجع الاسبوع الي بعد الي بتوافق فيو رايح اخطبها بسببها سجلت هندسة مكنيك وتركت الحلم تبعي بل It كرمال يكون الموضوع سريع كا شغل لانو لوبدي كمل it بدي كمل جامعة ولسا مشوار طويل بس لما شفت انو بدها تشوفني حدا مستقل عملت هيك ولحد الان كل الي عم اعملو هي معم تقبل تشوفو حرفيا كلي عم يتدمر بسببها بحياتي مبقى داومت بسبب قلة النوم ومبقى عرفت ركز بأيا شي ٢٤ ساعة بعقلي صرت فايت تلت مرات عل مشفى بسببا اخر شي نكتب بل تقرير الطبي صدمة عاطفية عرفان حتكولي اشغل حالك ومابعرف شو بس هاد كلو عم اعملو ولاتحكولي شوف غيرها لانو حرفيا مبقى شفت ايا شخص تاني على وجه الكرة الارضية غيرها يعني انا مابعرف ايمت ممكن توصل معي انو جد انهي حياتي بسبب الوجع هاد لانو الموضوع شكلو اقوة من انو شخص يكون مدمن مخدرات لدرجة بكون عم احكي طبيعي موضوع طبيعي عيوني بتصير تدمع بسبب هل موضوع يعني بالنسبة الي حياتي نقلبت لجحيم حتى بابا الي هوا شخص عصبي مابطيق هل امور وصلت لما شافني تعبان لهل درجة يحكيلي في غيرها مليون وحدة قولي الي بدك ياها ولروح اطلبلك هي طبعا المادة ابدا مو مشكلة عندي لاني من عيلة مرتاحة جدا بهل موضوع سيارتي عندي وبيت في حال خطبتا راح اطلع دغري عبيت لحالي فا مابعرف شولحل هي بتقلي ماضل مشاعر وكرهتك ومبقى بدي ياك وانا ماعم استوعب هل حكي فا بدي ايا حل ممكن يرجع هل علاقة برضو بدكم تحكو صلي او اقرا قرآن كمان عم اعمل هل شغلات وبرضو عم اطلبها من ربي بكل صلاة بس مابعرف حرفيا الوضع عم يصير كارثي كلل يوم اكتر من الي قبلو 💔...