قصة حقيقية راقبت هاتف زوجي
النهارده وانا بقلب فى تلفون جوزى وهو كان فى الحمام لقيت واحد بعت رساله على الوتس انت فين ياقلبي
والغريب ان الرقم بأسم عبده السمكرى .....ما فتحتش الرساله بس قولتله عبده السمكرى بعتلك رساله ياحبيبي اقرهالك ...قالى لا وخرج جرى من الحمام ...لدرجه كان بيلبس هدومه وهو بيجرى .....وخد التلفون ودخل جرى على الحمام تانى .....فضلت ساكته لحد بليل ولما جوزى نام خد تلفونه وفتحت النسخ الاحتياطى بتاع الوتس علشان جوزى قافله وحطيت التلفون جمبه تانى وبعد يومين ....خليت جوزى نايم واخد تلفونه وفتحت الوتس وفتحت النسخ واكتشفت ان جوزى هيطلقنى لانى مزهقاه فى عشته ومش قد مقامه هو وامه وانه موظف كبير اوووى ولقيته كمان بيبعت لها فلوس وبيطلب منها الجواز ..... عايز يتجوز عليا ابن سنيه جنح
طب اصبر عليا مبقاش مرمر ان ما علمتك الادب وخد رقم البت على تلفونى وحطيت تلفونه جمبه .....وتانى يوم نزلت اشتريت رقم جديد ببطاقه جوزى وحطيت الرقم الجديد معايا فى التلفون .....وبعتلها ...وعملت تحويل لرساله صوتيه كان جوزى باعتهالى قبل كده ...مساء الورد على عيونك ياقلبي وبعد كده بقيت اكتب عادى انا مجدى ودا رقمى الجديد سجليه عندك واعملى حظر على القديم ومهما كلمتك فى التلفون وقولتلك كلام حب او حلفتلك اوعى تتكلمى معايا ...تشتمينى وبس علشان مراتى عرفت بعلاقتنا
وناويه تفضحك بالشات والصور بتاعتك الا عندى خادتها كلها
واما حلفت لها ان مفيش بينا حاجه حلفت لتخلينى اكلمك وهى قاعده جمبي ......البت قرت الكلام وبقت مولع
وبعتت قالت ولما انت بتخاف منها اووى كده كنت عامل راجل وبتكلم ستات ليه وبتطلب منى الجواز ليه
قولتلها اصل بحب النسوان اووى ...وكل شويه اكلم واحد. واتسلى ..بس انتى حاجه تانيه عندى ....ابعتى صورة حلوه ليكى بقي ......بعتت رساله ...نسوان مين يازباله انت فاكر نفسك راجل يادلدول مراتك يا ..... رحت راده مراتى دى جزمتها برقبتك على الاقل شريفه مش ذيك كلمتينى اول
بعتلك فلوس يا........وهسيب مراتى تفضحك وتخلى سمعتك على كل لسان فى المنطقه..... راحت عامله حظر ......
الشملول صحى بقي وانا كنت مسحت المحادثه وقعدت بريئه ولا كأنى عملت حاجه هو دخل الحمام وانا وقفت قدام الحمام اسمع لقيه جه يكلمها من رقمه بقا شرشحتله وقامت قافله السكه فى وشه .....
بعد كده بقلب في تلفونه لقيتها عملاله حظر ....رحت لابسه ونازله راحه بيت الشملوله الا بيكلمها لانها مطلقه ومن المنطقه عندنا ....اول ما شفتنى جايه تاخدنى بالحضن رحت زقاها وقولتلها انا هعملك اوسخ فضيحه ياخطافه الرجاله ياشمال .......بقت تبوس على ايدى ورجلى .....قولتله ممنوع تكلميه تانى وكل الفلوس الا خديتها ترجعهالى النهارده ياما هعملك فضيحه ما شفتهاش قبل كده
وخد منها كل الفلوس الا كانت سحبتها منه وطلعت قعدت فى شقتى ولا كأن حاجه حصلت وهو جه يكلمها فى الشارع ردحتله وفرجت عليه المنطقه ....... علشان يحرم بتاع النسوان ابو عين زايغه دا ......
انا مش عارفه هو الواحده علشان غلبانه حقها يتاكل
على العموم انا سايبه حقى لربنا يخلص منهم
مش هتكلم كفايه ادخل الجنه فى الاخره ان شاء الله