قصة ماقبل النوم عيناها والروح سوا
كاملة قصيرة وممتعمة
واخيرا تسكر علينا باب واحد انا وفاتن صحيح كان زواج تقليدي بس حبيتا كتير كنت لما اطلع بعيونا العسليات انسى اسمي واغرق بعالم كلو حب وهيام كانت مشاعري لفاتن اكبر من انو تنوصف
انا ايهم عمري 32 طويل واسمر وملامحي خشنة بعيون كبار ودقن كثيفة وهي فاتن حبي الابدي اي الابدي عيونا عسلية وطولا 160 ونحيفة وبيضا وعيونها مو كبار كتير بس بياخدو العقل ونعومي كتير يلي بشوفو بفكرا بنت 15 بس هي عمرها 22
اول ماسكرت الباب وصرنا بغرفة وحدة خجلت كتير وتوترت اي خجلت ماكنت متوقع انو انا ايهم يلي حياتي كانت كلا بنات ورفقاتي اغلبن صبايا اخجل هيك بصراحة ولا مرة حبيت ولا مرة قربت من بنت او حتا بست او غازلت
فاتن كانت حبي الاول يلي حبيتا من اول نظرة وعشقت كل تفاصيلا
اعدت على حرف التحت وقربت انا واعدت جنبا وطلعت بعيونا وهي اتطلعت فيني بخجل وخوف
ايهم:حبيبتي واخيرا صرتي مرتي
فاتن:ماصرت ولا رح صير ولازم تعرف انو لو بايدي مابتزوجك
ايهم:..... ......
انصدمت كتير بس ضليت عم اسمع شو عم تحاول تقول
كملت حديثا
فاتن:طلقني انا قلتلن لاهلي رح ارجع مطلقة بس هنن اصرو يزوجونا لك انا بكرهك حل عني ومارح خليك تحلم تلمسني مو عاجبك هلق طلقني
وسكتت فجاة وقامت عالخزانة اخدت بيجامة وبطانية وراحت نامت بالحمام وقفلت ع حالا وانا لساتني اعد مكاني مصدوم متفاجاة والاف الافكار عم تدور بذهني يمكن بتحب حدا وانا فرقتن بس لاء اكيد لاء انا متاكد انها لسا ماحبتني ورح تحبني لازم اصبر عليها واقنعت حالي بهالفكرة وصدقتا وقررت امشي عليا
نمت بتيابي كلشي حلمت فيه بهالليلة راح بس ماعلش فاتن ملاك وبستاهل اتعذب شوي كرمالا
تاني يوم فاقت فاتن كانت متحممة ولابسي بيجاما كحليه اطلعت عليا يالله شو حلوة احكي معا ولا خليا ع راحتا ماعرفت شو اتصرف قربت مني فاتن بكل قوة وعيون ماعم يرمشو ليك ايهم يا بطلقني بالحسنة يا اما وجهك مابدي شوفو هون ومن هاللحظة انتا حدودك هون هالغرفة وعندك حمامك الخاص هون وانا تركلي المطبخ والحمام كان بيتي صغير صالة صغيرة وغرفة نوم في ضمنا حمام ومطبخ وحمام خارجي فضلت تنام بالحمام مشان ماالمحا بصالة وانا طالع او فايت
ايهم:ماشي ع راحتك
وما قلتلا شي تاني وطالعت شنتة وملتها اواعي وطلعت حطتا بالمطبخ قطعت كل السبل لنلتقى ونحنا تحت سقف واحد
وانا ماعم عارضا يمكن من حبي الها يمكن لان حسيت في شي عم تحاول تثبتو وبدي شوف وين رح توصل مر اول يوم بسلام وماصار شي ولا شفتا تاني يوم اجو اهلي يباركولي اجت امي واختي المتزوجة هديل فتحتلن الباب واهلت وسهلت فين واعدو بصالة وهنن مبسوطين مشاني ال يعني عريس وعايش بالعسل فكرن
طلعت فاتن من المطبخ واطلعت فينا بكل برود وعدم اهتمام وماحكت ولا كلمة ودخلت عالحمام وقفلت الباب
هون ماعرفت شو برر لاهلي ماتوقعتا تعمل هيك شكلا عنجد مو طايقة هالجوازة ومغصوبي مو دلال لك تمثل شوي قدام امي انا كتير زعلت منا وبررت لامي انو هي زعلاني مني
ام ايهم:لو متزاعلين عيب عليها تتصرف هيك معنا شو اهلا ماربوها
ايهم :امي مو هيك القصة انا الحق علي من اول مشكلة مديت ايدي عليا وضربتا لهيك كتير مقهورة
هديل :يووو عليك كيف باول يوم عريس بتضرب مرتك والله ماكنت مفكرتك هيك انتا ايهم الحساس والهادي يطلع منك هيك والله زعلتني منك شو ماكانت عاملي مرتك هالاسلوب غلط
ام ايهم:ابني نحنا ريحين وانتا حاول تراضيا والله معا حق منيح ماتركت لبيت ياابني نحنا ماجبنا بنات الناس نبهدلن عنا يلا برضاي عليك راضيا وجبور خاطرا نحنا بدك تسمحلنا
وودعت امي واختي ومشيو مابعرف ليش بررتلا بدون شعور طلعت معي حسيت انو زعل اهلي منا كانن زعلو مني حسيتا جزء مني ولازم محدا يزعل منا
هي اكيد سامعة الشقة صغيرة واقل كلمة بتنسمع بكل البيت
طلعت من لحمام واجت لعندي واربت مني وحطت اصبعا على صدري ليك رجولتك وشهامتك وفرن لغيري احق فين لانو انا بكرهك وبكره اهلك وكلشي بخصك لك بكره ريحتك وبكره بيتك طلقني لك طلقني مشان الله
انا مارديت عليا اطلعت عليا متل يلي مصدوم ومو مصدق معقول كل هالكره والغل اتجاهي وانا بقلبي مافي غيرا لك مستعد موت كرمالا
رجعت عالحمام وتركتني ساكت وغرقان بتفكير
مر علينا شهر اهلا مااجو بحكم انن بغير منطقة بس مايقطعونا بالتلفونات واهلي زعلانين مني وماعم يجو لان مرتي مارضيت تروح لعندن ولا استقبلتن وانا ماعاد ضل شي برر فيه تصرفاتا قدام اهلي وبعد شهر من المعاناة قررت اطلع من سكوتي وواجها واسالا عالسبب كان الوقت نص ليل ساعة 12 دقيت باب الحمام
ايهم:فاتن في موضوع بدي ياكي فيه اذا سمحتي فتحي
فاتن :طالعة استنا شوي
طلعت من لحمام وكانت تصرفاتا كتير باردة ومو فارق معا شي
ايهم :توقعت انو رح تخاف تحكيلي شي وتصر عالطلاق لهيك توضيت وجبت مصحف وقلتلا فاتن وحلفتلا عكتاب الله انو اذا حكتلي شو وجعا وليش بتكرهني مااحكي لحدا واوقف معا
فاتن:رح احكيلك بما انك حلفت انا مابحب شخص تاني متل ماعم تفكر ولا غلطت بحياتي لان بنت اد حالي ومرباي
ايهم:بعرف وماشكيت فيكي ولا لثانية لو شكيت كنت طلقتك ع سريع
فاتن:بس انا مابدي اتزوج هيك انا من حقي اخد شخص بحبو مو انسان مابعرف عنو شي من حقي ادخل عالجامعة اتعرف ونقي شريك حياتي من تجاربي انا بنت عصرية وبحب كوني عصرية ماني من زمن ستك وجدك لاتزوج هيك
ايهم:مين غصبك تزوجي ليش مارفضي من الاول
فاتن:ههههههههه ابي غصبني من لما خلصت بكلوريا تقدملي كتير عرسان وكنت ارفض بحجة انو مو عاجبيني ع امل ابي يخليني كمل جامعة بس عبس كل ماارفض يزيد عناد ابي فقرر يزوجني لاي انسان بيتقدملي بدون اي تفكير والا رح يحرق شهادة البكلوريا ويحرقلي قلبي ويحرمني من كلشي طلعة فوتي رفقات تلفون ف انا قررت اتزوج واتطلق وهيك بضمن ماعاد حدا يتقدملي متل قبل وابي بوافق كمل جامعة ع امل اذا درست وتوظفت حدا يقبل فيني لان انا اهلي بعرفن مارح يضيعو فرصة ليزوجوني ساعتها
ايهم:كنت عم اضحك من قلبي وقلتلا من بكرى انا بدي سجلك بجامعة
فاتن:شو عم تخبص واهلك واهلي وحكي العالم معقول في رجال بمجتمعنا بيبعت مرتو عالجامعة وعروس وبتكرهو
ايهم:مشان سعادتك مستعد اعمل اي شي وبعدين اغلب يلي بجامعة مخطوبين ومتزوجين وفي عندن ولاد انا درست بجامعة وبعرف وبس تسجلي بجامعة رح تلاقي كتير رجال عم يوصلو نسوانن عالجامعة وبكل حب مووكل الرجال متل ابوكي ليش معقدي الحياة علينا انتي بس روقي
فاتن:عنجد انتا بتحكي مابتخاف حب حدا او اتعرف ع شب بجامعة
ايهم:ساعتا بطلقك بس وعديني تصونيني وبس لهف قلبك لشب مجرد لهفة صغيري تقوليلي وانا بطلق قبل مايصير شي
وتركنا وفتت عالغرفة بصراحة انا كاي رجال ماعجبني تصرفي بس بحبا ومتاكد انو رح تحبني ومارح تخون ثقتي لان اثبتتلي انها انسانة عندا مبدا وما بتسلم للامر الواقع وكنت حاير اذا تصرفي صح ولا غلط
تاني يوم فاتت لعندي عالغرفة ساعة 8 صبح وفيقتني وعاملي قهوة شربت قهوة وانا مستغرب هالدلال اطلعت فيني مع ضحكة صفرا
فاتن:لاتخاف هاي مصلحة مشان تنفذ وعدك يلا خلصني لبيس لروح وشوف اذا انتا قد كلامك
ايهم:معناها بدي اجار لشي يلي رح اعملو تشربي معي قهوة الصبح وقبل ماننام وتحكيلي شو بصير معك بجامعة
فاتن:لك موافقة اصلا انا كرارة وبحب الحكي وبكرى رح اجلطك وتصير تتهربي مني ههههههههه
كانت مبسوطة كتير لا مو مبسوطة طايرة من الفرح والارض مو شايلتلا
وقت شفتا هيك تحمست شربت فنجاني بسرعة ولبست وانا الدنيا مو واسعتني من الفرح لانو فاتن عم تحكي معي وتضحك
وصلنا عالجامعة وكانت ملياني طلاب وفتنا بزحمة الطلاب وهي حاملة وراقها وفرحاني كانو طفلة رايحة تجيب جلاءا باخر السنة
اتسجلت بجامعة وطلعلا فرع ادب عربي
ونحنا راجعين قلتلا لازم جبلك تياب خرج جامعة لانومو حلوة تيابك مو خرج جامعة اغلابا تنانير وفساتين ومعرق ومبرق كلا عرايسية وضحكنا والابتسامة ع وجها طول الطريق
اشتريتلا شو ما بدا واشترت شنتة ضهر لان بتحبا ووقت قاست تياب السبور وحطت الشنتة عنجد طلعت كانهة بنت 15 ونحنا راجعين حطت ايدا ع ادي وقالتلي شكرا كتير انتا كنت احن من ابي
مارجعتا عالبيت رحنا ع مطعم تغدينا واول مرة بشوفا عم تاكل اكلت كتير مسحت الطاولة اطلعت فيا وقلتلا انتي من الاول كنت كلي قدامي كنت بطلقك من اول ساعة
فاتن:هلىء هيك اي سكوت سكوت وحطتلي لقمة بتمي وضحكنا
رجعنا عالبيت راحت عالحمام نامت وانا دخلت ع غرفتي عم واسي حالي قلت اكيد رح توقع بغرامي اخرتا ونمت وانا عم اتخيلا معي
مرو شهرين وهي بجامعة وكل يوم لمسا ناعد نشرب قهوة وتحكيلي عن نهارا ورفقاتا وانا كتير حب حديثا لاء ادمن عليه وعلاقتا باهلي صارت ممتازة واهلي كتير حبو فكرة انها تدرس نحنا عيلة مثقفة امي معلمة مدرسة وابي صحفي معروف واختي هديل درست ادب فرنسي بس مااشتغلت وتفرغت لبيتا
وانا دارس هندسة مكيانيك وكنت اشتغل بشركة تصنيع سيارات
وبيوم صار شي مو متوقع كان عندي بنت خال متزوجة وماعندا ولاد سكنت عند اهلي لانو اهلا ماتو بالحرب وزوجا انفقد فجاة وكان ماعندا اولاد ومالا حدا الا بيت عمتها الي هو بيت اهلي
كانت كتير حلوة لدرجة انو اجمل مرا بتغار منها وكانت مزوحة وضحوكة
اول ماسكنت عند اهلي اجت زيارة لعنا وتعرفت على مرتي وصارو صحبة نوعا ما وصارت هالبنت كل يوم عنا انا اتدايقت كنت لاقي وقت احكي فيه مع فاتن اجت وداد وسرقت هالكم ساعة نشفت وجهي فيا بس عبس كتير اخدي وجه حتا فاتن صارت تنزعج من تطفلا علينا وبيوم كانت مرتي بجامعة واجت وداد وانا كنت معطل قلتلا مافي حدا بالبيت قالتلي بعرف اتصلت ب فاتن وخبرتني انو هي عالطريق وقالتلي اسبقا لهون بتعرف مافي حدا ببيت عمتي كلن بشغل ومليت كتير
دخلتا ع اساس فاتن جاية وهي كتير حشرية دخلت عالحمام شافت تياب مرتي معلقين وبطانية بالبانيو وشنتة تياب لمرتي بالمطبخ واستاذنت مني تفوت ع غرفة النوم وكذبت علي قال فاتن خبرتي انو في تياب عالتخت بدن حط بالغسالة دخلت عالغرفة شي خمس دقايق وطلعت وصارت تطلع فيني نظرات غريبة وفين شي من الشك
وداد:انا بعرف انو مرتك عم تنام بالحمام
انتو متزاعلين وحتا تختك مافيو الا عطر رجالي ومافي شي بخص فاتن بالغرفة والله كان البي حاسس
ايهم:هالشي مابخصك ومين سمحلك تطلعي بخصوصياتنا
وداد:ايهم انا مو غريبة ابل ماكون بنت خالك انا رفيقتك ورفيقتك فاتن عادي قلي انو مابتحبو بعض ومل مين بغرفة
ايهم:رجاءا حاج تخبيص وطلعي لبرا
وداد:مانكرت معناها صح
انا سكتت وقلبت وجهي حابي امسكا من ايدا وزتا بلا الشقة بس بضل بنت خالي وماحبيت كبرا للقصة
ماشفتا الا قربت لعندي وقالتلي فدا رجلك اصلا انتا احلا منا وميت بنت بتتمناك وحطت ايدا ع ايدي وكان وجها كتير قريب من وجهي بهاللحظة دخلت فاتن وانصدمت وقفت تطلع وانا زديتلا ايدا لوداد وقمت لعند فاتن وداد صارت تبكي وقالتلي حقير ولعبت دور المظلومة وانا مسكت ايد فاتن :فاتن وداد كذابة مافي شي بينا وهي عم تحاول تتقرب مني وانا صديتا فاتن انا بحبك وانتي بتعرفي اديش بحبك بترجاكي احكي والله هي يلي حكت ايدا ع ايدي وكنت بدي شلا ياها بس بنفس اللحظة دخلتي
فاتن:عادي اصلا قالت هالكلمتين وعيونا مليانين دموع وانا مو عرفان ازعل عالموقف وسوء الفهم ولا افرح لان طلعت بتخبني وغارت علي ماعاد اعرف شو اتصرف نزلت بسرعة لعند اهلي لقيت امي بالبيت موومتل ماخبرتني وقلتلا بدي انا ادفع لوداد الي فوقي وتحتي وسفروا لعند خالي عما بيعرف يربيا منيح
امي:خير ابني شوفي
ايهم:خلياوهي تحكيلك
ماكان عندي وقت بدي اطلع لعند فاتن دقيتوكتير ع باب الحمام ماردت خفت تكون عملت شي بحالا كسرت الباب ودخلت لقيتا غمياني طالعتا متل المجنون حملتا ورحت عالمشفى وطول الطريق عم ابكي
بعد مافحصا الدكتور خبرني انو انهيار عصبي كان البي متل النار رح جن كتبلنا ع ادوية الدكتور وخرجنا لان مو بحاحة تضل بالمشفى مهم تبعد عنا التوتر حملتا وسطحتا عالسرير وامي وابي واختي وقفين حدي عم يواسوني لانو عنجد كنت عم ابكي متل طفل وهي صحيت وتجلست وماحكت شي ابدا فجاة دخلت وداد وصار تقول فاتن انا اسفة كتير اسفة خنت ثقتك فيني انا من قهري هجمت عليا ومسكتا من ايدا وزتيتا برا شقتنا
ورجعت لعند فاتن قلتلا لاتتوتري مابيسوالك الزعل دارت ضهرا ونامت
واهلي مشيو ع بيتن وضليت سهران حدا كل الليل شي ساعة 4الفجر غفيت وانا ماسكلة ايدا فاقت فاتن حسيت عليا حطت ايدا ع راسي وقالتلي ايهم انا من اول يوم طلعت فيه عالجامعة وصرت اختلط بناس كل لوجوه يلي كنت صادفا كانت انتا صرت شوفك بكل مكان وماغبت عن بالي بيوم صرت كل ما غيب عنك دقيقة اشتقلك ماصدق ارجع شوفك ووقت ارجع ما لقيك رجعت من الشغل انزعجك وضل اتافف لتجي وشوفك ووقت شفت وداد ماسكي ايدك متت حسيت رح اقتلا ماشكيت فيك بس غرت كتير لان شكلا وقعت بحبك
وقت قالت هالكلمة رفعت راسا وطلعت بعيونا وقلتلا كرمال الله عيديا
فاتن:انا بحبك
ايهم:انا بعشقك
النهاية