قصة واقعية عن زوجتي بل سر

وانت اى معصبك مش انت اللى قولتلى متقوليش لحد انك مراتى
وقف واتكلم بزعيق
_ أخويا جاى يطلب ايد مراتى ومش عاوزانى اتعصب
بصتله بأستغراب قومت من على الكنبة ووقفته بأيدى
_ ممكن تهدى بقاا مش فاهمة مفيش داعى لكل العصبية دى كلها انا مجرد واحدة انجبرت انك تتجوزها يعنى لا بتحبنى ولا بحبك .
رفع وشه لياا اى ده فى اى هو هياكلنى ولا اى بلعت ريقى واتكلمت
_ طب استأذن انا اسيبك تهدى عاشان شكلك متعصب جامد
مسك ايدى وزقنى على السرير
_ انت اتجننت ي عدى انت بتعمل اى
_ مفيش خروج فاهمة ، انا مش كل يوم هيتحرق دمى وكل شوية حد يجى يطلبك منى
_ وانت اى معصبك مش فاهمة يعنى
_ حوووور بقولك اى انا على أخرى ، والله لو حد جه وقالى عاوز يتجوزك هرتكب جناية فيه ، انتى مراتى انا وبس ، وبتاعتى انا وبس ، فاهمة ولا لا
بصتله وابتسمت ، واتكلمت ببراءة
_ طب أهدى طيب
_ يووه بس بطلى رقتك دى بتجننى
ابتسمت ، وبصيت بطفولية
_ بت متبصيش كدااا

ضحكت اكتر ، حبه واضح غيرته واضحة ، رغم أن بقوله ديما انجبرت علياا ، بس انا بشوف عكس كدااا ، اه متستغربوش ، انا ابقاا مدرسة بتاعة ابن عدى ، كريم ابنه اتعلق بياا لدرجة كبيرة جداا ، مامت كريم ماتت فى حادثة من سنة ونص ، وكنت كل يوم تقريباً باجى واقعد وادى كريم درس فى البيت ، كنت كل ما اجى امشى ،كان يقعد يعيط عاشان افضل معاه ، بسبب تعلق كريم بياا عدى قرر يتجوزنى ، وطبعا انا وافقت ، بسبب معاملة بابا وماما لياا ، كنت ديما بحس أن عال عليهم والكلام اللى ديما بسمعه ، احنا هنخلص منك امتاا ، ووقتها عدى طلب منى أن معرفش حد أن اتجوزنا ، وافضل قدام الكل مدرسة كريم مش اكتر ، عاشان الناس ميقولوش أن اتجوز بعد مراته ، مش قادرة انساا النهاردة أما جه اخو عدى ، وبيقولوا انو يجى معاه علشان يطلبنى من بابا ، وشه جاب جميع الالوان ، اول مرة اشوف عصبيته وغيرته النهاردة ، وقاله انو يقول للكل أنه اتجوزنى ، كنت قاعدة على السرير وببصله ، انو لسة متعصب ومدايق ، فجأة مشى وخرج وقفل الباب وراه ، بعد شوية الباب اتفتح ، بس مكانش عدى
_تعالى ي اوزعة انت
بصلى ومشى ببراءة
_ منمتش لى ي كيمو
_ انا اول مرة اشوف بابا متعصب بالطريقة دى ،خايف انام ، عمره ما اتعصب على ماما
حضنته وملست على شعره
_ متخافش ي حبيبى هو انا هديته خلاص
_ انا بحبك اوى ي حور
_ وانا كمان بحبك اوى والله
فجأة افتكرت كلمته أن بابا عمره ما اتعصب على ماما ، خرجته من حضنى وبصتله واتكلمت
_ هو بابا كان بيحب ماما ي كريم
_ ايواا كان بيحبها اوى ، كنت ديما اسمعه يقولها كداا ، كانت أول ماما ما تيجى من برة ، بابا يقوم يحضنها
_ يحضنها
_ اه

نار جوايا معرفش سببها اى اول ما سمعت كلامه
_ طب روح انت ي حبيبى نام عاشان مدرستك
_ حاضر
مشى وانا وجع مسيطر علياا وممتلك قلبى ، بصيت عليه وهو بيمشى ، انا بحب الأطفال بعشقهم ، بحس أن فيهم براءة الدنياا ، وقلبهم طيب وجميل ، كلنا اتخلقنا قلوبنا بيضة ، وفى النص نقطة صغيرة سودة ، بس بفعل الإنسان هو يقدر يكبر أو يصغر النقطة دى ، ساعات بستغرب أن فيه بشر مؤذيين ، وبشر تانين الحقد والغل مالى قلبهم وديما يحسسوك انك قليل ، ونوع تالت خالص ، تقريباً اكتر حد بيجى عليه التانين ، مع أنه بيبقا صح ، وقلبه زى البفته البيضة ، ولكن احنا بقينا فى زمن الصح يشوفوه غلط ، والغلط يشوفوه صح ، ياااه لو بقينا كلنا طيبين ونحب الخير لبعض ، فعلا مش هتبقاا اسمها دنيا، نمت وانا بفكر فى كلام كريم ، صحيت على صوت فتح الباب وكان هو عدى
_ انت كنت فين
اتكلم وهو بيرمى مفاتيح العربية
_ مخنوق وبتمشى بالعربية شوية
_ اممم
بصلى وهو بيغير هدومه
_ مالك
_ مالى مفيش
_ خدودك حمرة لى
اتكلمت وانا بلمس خدودى
_ اه اتلاقينى عاشان كنت نايمة
_ طب كملى نوم
بصتله وهو بيقفل زراير البيجامة ،خد باله واستغرب
_ اى مالك
_ مفيش ي عدى هنام اهو
نمت وهو خلص وجه جنبى فضلت اتقلب على السرير جامد
_ اى ي حور ما تنامى مش عارف انام
ثبت فى مكانى وهديت فجأة اتكلمت لأن كنت هموت من الوجع
_ كنت بتحبها
فتح عيونه وبصلى
_ لى بتسأل السؤال ده
_ عادى كنت بتكلم مع كريم وحكالى على مواقف بينكم ، بس وواضح من كلامه انك كنت بتحبها
بصتله ، بص هو قدامه
_ كنت بعشقها ، كانت طيبة اوى ، كانت معايا فى الجامعة ، حبيتها اوى واتجوزتها وخلفت منها كريم ، بس هى سابتنى ، وربنا خدها منى ، ربنا يرحمها ، كان بيتكلم ولاحظت دموعه بتنزل على خده ، معقولة كان بيحبها اوى كدااا ، لقيت دموعى بتنزل انا كمان من وجع قلبى مش قادرة بجد بصيت قدامى وكتمت صوت عياطى وغمضت عيونى بألم ، وهو كان بينام تقريباً على زكرياتهم وانا اللى كنت فاكراه بيحبنى ، هو عمره ما هيحب حد غيرها
تانى يوم قررت يبقاا تعاملى مع كريم وبس ،كنا الصبح وانا فى المطبخ بحضر سندوتشات كريم
_ حور انا مش عارف اربط الكوتش
_ سيب حور ي كيمو وهات انا اربطهولك
بصيت لقيته جه ، وكان بيبصلى فمبصتش عليه
ربط لكريم الكوتش
_ هات شنطتك ي كريم
ناولهالى ،حطتله اللنش بوكس
هو كان بيبص علياا ، ومستنى اكلمه

لبست كريم الشنطة
_ بس كداا ي كيمو كل حاجة تمام ، خلى بالك من نفسك ، وكل كويس
حضنى واتكلم
_ حاضر ي احلى حور
يلا تعالى اركبك الباص
خدته ،وركبته ورجعت لقيته واقف مكانه
_ مالك ي حور
اتكلمت من غير ما ابص عليه
_ كويسة الحمد لله اه فطارك على السفرة ، وياريت تاكل قبل ما تمشى
جيت امشى من قدامه
_ فيكى اى
_ مفيش حاجة ي عدى فى اى
بصلى شوية ، بعد كداا اتكلم
_ طب كلتى
_ مليش نفس عن اذنك هطلع اظبط أوضة كريم
اختفيت من قدامه فوراً ، كان وجع محتل قلبى معرفش فى اى بس فكرة أن كان بيحب حد قبلى ومتجوزها فكرة بتوجع اوى ، نزلت تحت لقيته مش موجود اكيد راح شغله ...فجأة وانا بظبط البيت لقيت الفون رن وكانت مدرسة كريم وانهم عاوزنى فوراً ، لبست وركبت العربية وروحت
_ انتى لا يسمح أن يقال عليكى مدرسة انتى ازاى تضربى طفل صغير بالطريقة دى
_ وانتى جاية تقوليلى انا معلمة ولا لا
_ ايوااا وعمر ما كان التدريس بالعنف انتى كداا هتخلى العيال تكرهك انتى مش شايفة الواد خايف منك ازاى لو سمحت ي حضرة المديرة بس دى ازاى مشغلنها عندكم
بصتلى هى
_ وانتى كنتى تقريبلو اى اصلا عاشان تقولى كل ده
_ انا معلمته وفى مقام مامته ولا اسمح انك تعاملى طفل صغير بالطريقة دى ، وبجد دى مدرسة متسيبة وانا هنقل ابنى من هنااا فورا
اتكلمت المديرة
_ ممكن تهدى ي مدام حور اتفضلى اقعدى بس ، هى ضربته عاشان شايفة أن مستواه الدراسى قليل
قومت واتكلمت بعصبية
_ مستحيل حضرتك كريم ممتاز جدااا ، بس هو اكيد خايف منها فمش بيعرف يجاوب معاها واحدة ماسكة عصاية للعيال مترين مش عاوزاه يخاف ، وواضح أن حضرتك بتدافعى عنها يلا ي كريم النهاردة اخر يوم ليك فى المدرسة دى
خدت كريم ومشيت ، وانا متعصبة ، انا بكره العنف ، على فكرة كل حاجة بتيجى باللين بالمسياسة ، عمر ما كان العنف حل لتعليم الاطفال ، بالعكس طفل لسة مخه على قده مش بيستوعب بسهولة ، مرة وراا مرة هنستوعب ، لكن لى نكرهو فى الدراسة والتعليم ... وصلت قدام البيت خدته ودخلنا قعدته
_ ممكن اعرف هى سألتك فى اى و معرفتش
بصلى ببراءة قالتلى

_ مسألة احلها بس بس انا كنت عارف بس كنت خايف لتضربنى فجأة طلعت قدام board معرفتش احل قامت ضربانى انا عيطت وطلبت انهم يتصلوا بيكى
جيت جمبه وحضنته
_ هوديك مدرسة احلى منها متخافش انا معاك
دخل عدى بلهفة
_ اى اللى حصل كنت بتعيط لى وانت بتكلمنى
_ أهدى ي بابا انا كويس ، وفجأة حكاله كل اللى حصل وهو عمال يبصلى
_ ماشى يا حبيبى اسمع كلام ماما حور فى كل حاجة وانا هشوف مدرسة تانية اوديك فيها من الاول مكانش عاجبنى المدرسة دى اصلا اطلع انت دلوقتى
كريم قام وطلع فوق ، هو بصلى وانا كنت ساكتة وببص قدامى فجأة اتكلم
_ شكراً
بصتله بأستغراب
_ انك بتعاملنى كريم زى ابنك بالظبط انك متفهمة وعاقلة ، وحنونة
ابتسمتله وجيت اقوم ولكن وقفنى جملته
_ حور ارجوكى قربى منى متبعديش انا محتاجاك
سمعت جملته وبصتله حسيت قد اى هو موجوع حتى صوته ونبرة كلامه معرفش اى خلانى احضنه ، بس كنت حاسة انو محتاج كداا وانا محتاجة كداا ، أحيانا الوجع بتداويه اشخاص ، اتكلم وهو حاضنى
_ عارف انك زعلانة بسبب كلامى امبارح انا اسف بس
طلعت من حضنه
_ لا عادى
_ انتى ي حور لى مش واثقة فى نفسك
_ انا
_ اه لانى كل افعالى بتدل على انى حبيتك ، اه كنت بحب مريم ، بس أصبحت ماضى ، عمرى ما هنساها اه لان هى ام ابنى ، بس انا دلوقتى بحبك ، لكن انتى مصممة أن مش بحبك ودى فى حد ذاتها قلة ثقة بالنفس
_ حاضر
_ يووووه بطلى برودك ده قوليها ي حور قوليها ونبدا صفحة جديدة مع بعض ، اوعدك أن عمر ما هوجعك قوليها ، انا حاسسها
فضلت بصاله وساكتة بعد دقايق اتكلمت
_ بحبك ارتحت
فجأة ابتسم
_ طب ما انا عارف
_ واثق اوى
_ اكيد وعاوزك انا كمان تثقى فى نفسك
بصتله وابتسمت ، لازم تثقى فى نفسك انك تتحبى ، انك جميلة بكل حالاتك ، لان الثقة فى حد ذاتها قوة
" احببتك ولم يتفوها لسانى من قبل ، حتى أتى اليوم اللى عجز فيها اللسان عن السكوت " □□□تمت□□□

تعديل المقال