قصة واقعية أخو زوجي 

عايزاني اتزوج واحد اتزوجت اخواته الاتنين قبله وكمان متزوج وبيحب زوجته كمان
ماتنسيش ان انتي كنتي بتحبيه من الاول واهو بقي في ايديكي دلوقتي ومستنيين موافقتك
أخو زوجي 1
اعرفكم بنفسي انا ميرنا عندي 25 سنه واللي كنت بتكلم معاها دي بتكون اختي الكبيره حكايتي مختلفه شويه انا حبيت شخص من طفولتي وحبيته حب جنو...ني لكن شاء القدر ان اتزوج اخوه الكبير
و اكون ام لطفل وبعدها يتوفي واتزوج اخوه التاني واكون ام لبنت وبعدها يتوفي واصبحت دلوقتي ام لطفلين من اباء مختلفين هما ايوه اخوات لكن دا شخص ودا شخص
قولت ليكي يا شيراز مش هتزوجه دا متزوج وبيحب زوجته فوق ماتتخيلي هتقولي عشان مش قادره تجيب ليه اولاد
وهما معاهم ولدين يعني زوجته مش ناقصها حاجه عشان يفكر يبص لواحده اتزوجت اخواته الاتنين
ياه يا ميرنا قلبك اتغير اوي مش دا زهير اللي كنتي بتمو...تي في التراب اللي بيمشي عليه
كل حاجه اتغيرت يا شيراز خا...يفه عليه اوي انا منحو...سه وكل اللي بيدخل حياتي بيمو...ت مستعده اعيش عمري كله
اتعذ...ب وانا شايفه زهير بعيد عني لكن مااقدرش اتحمل ان يحصل ليه حاجه
والله بقي الكلام دا تقوليه لاخوكي ومراته انتي عارفه ان هما يبيعوا اللي منهم عشان الفلوس
وحماتك مصممه ان انتي تتزوجي زهير مش عايزه اولاد ولادها يتربوا بعيد عنها
يلا يا ميرنا ربنا يهديكي البسي واخرجي عشان حماتك برا هي وزهير وعايزين يقابلوكي
قومت من مكاني ولبست لبس بسيط جدا وطلعت سلمت عليهم وقعدت جنب حماتي اللي ضميتني ليها ركزت مع زهير لقيته عيونه في الارض
حسيت اني انا...نيه اوي اني اخر...ب حياته بالشكل دا
ولسه هقول قراري وقفني صوت زوجته اللي قالت كلمات صدمتنا كلنا واولنا حماتي
أخو زوجي 2

كان الكل قاعدين مستنيين موافقتي علي اخو ازواجي الاتنين اللي هو كان اصلا حب حياتي وطفولتي لكن انا كنت بالنسبه ليه كإني عد...وه ولسه هقول موافقه ولا لا دخلت زوجته
وقالت كلماتها اللي صد...متنا كلنا واولنا حماتي
مش تعرفوني ان النهارده كتب كتاب زوجي علي واحده منحو...سه اتزوجت اخواته الاتنين وياعيني معاها من كل واحد فيهم طفل
وسابوها وما...توا اي يا حماتي هو انتي قلبك ماوج...عكيش علي اولادك اللي را...حوا بسببها
وانت يا سي زهير ناقصك اي عشان تفكر اصلا تتزوج واحده غيري
عندك بيت وزوجه واولاد وشغل وحياه ناقصك اي
اه عشان تربي اولاد اخوك والدراما اللي ملهاش اول من اخر دي صح ماهو فعلا صدق اللي قال
كل واحد بيدور علي اللي يكمله وانا كملتك وكملت حياتك بس انت طول عمرك هتفضل نا...قص وكتير اوي وشخص أنا...ني ومهما اعمل ليك عمرك ماهتفتكر اي حاجه حلوه عملتها عشانك
زهير : نادين اهدي انتي مش فاهمه حاجه
نادين: ولا عايزه افهم ولا أسمع منك غير كلمة انتي طا...لق
زهير: نادين افهمي وبلاش تتسرعي
نادين: انا عند اهلي وياريت في اقرب وقت ورقة طلا...قي توصل ليا
ومشيت وزهير لحقها جيت عشان اقوم ادخل اوضتي ما هي عندها حق في كل كلمه بردوا انا فعلا منحو...سه
ما هو مش ذن...بي ان انا اتزوجت اتنين اخوات وما...توا مش ذن...ب اولادي ان هما يكونوا اخوات من الام بس
لكن حماتي مسكت ايدي وقالت اعملي حسابك لو رفضتي اولاد اولادي هيكونوا عندي ومش هسيبهم يتربوا في بيت غير بيتي
خليكي جاهزه عشان في اي وقت هيتكتب كتابك انتي وزهير ودا اخر كلام وسابتني وخرجت محتاره اعمل ايه
اوافق علي زهير واخر...ب حياته ما هو موافقتي معناها كدا ولا اسيب اولادي لحماتي ودا مستحيل انا كنت همو...ت في ولادتهم اتعذ...بت لحد ما اتولدوا علي الدنيا
مر الوقت وانا مش قادره افكر في اي حاجه لحد مالقيت باب اوضتي خبط وكانت شيراز اختي
شيراز : ميرنا في حد عايز يشوفك
مين
شيراز: نادين زوجة زهير
نادين: انا موافقه تتزوجي زهير بس بشرط
ميرنا بلهفه :اي
نادين:
خو زوجي 3

انا موافقه تتزوجي زوجي بس بشرط
رديت عليها بلهفه : اي هو
زهير مايدخلش المكان اللي انتي فيه والا هد...فعك ثمن الكلام ...دا غالي اوي انتي فاهمه زهير ملك ليا انا وبس ومش واحده ...زيك تيجي تاخده مني
مش عارفه ليه حسيتها بتقول الكلام دا وهي مجب...وره تقوله قالت كلامها دا وسابتني ومشيت
شيراز: هي ازاي تيجي وتقول كدا وبأي حق اصلا تدخل بيتنا وتهد...دك بالشكل دا
عندها حق يا شيراز دا زوجها مش اخوها زهير يتحب يا شيراز يتحب بجد
شيراز: هو انتي عامله زي عين في الجنة...وعين في ...النار كدا ليه يا ميرنا موافقه ومش موافقه هتمو...تي عليه ومش عايزه تخر...بي حياته مش فهماكي انا خالص
وبعدين هو انتي خا...يفه ترفضيه ليه ماانتي اولادك معاكي علي الاقل لحد ماتتزوجي
وهو اخوكي هيسيب فرصه يا شيراز مع اول واحد يتقدم هيوافق ويبيع...ني للمره الثالثه
طب خلاص خدي وقتك خالص وفكري وبلاش تاخدي خطوه تند...مي عليها وسابتني وخرجت
مر اسبوع وجه زهير هو ووالدته وكتبنا الكتاب ايوه هو دا الشخص الوحيد اللي حبيته وبعد سنين بقيت معاه بس ماانساش زوجته اللي من وقت كتب كتابنا وهي قافله علي نفسها ومش بتتكلم مع حد
ولا بتخرج حتي
فضلت قاعده مكاني على حرف السرير وبفتكر كلامها وكل حاجه مريت بيها لحد ما سمعت صوت زهير مرتفع اوي
تقريبا هو ومامته بيتناقشوا سمعته بيقول ليها انا حياتي اتد...مرت وزوجتي هتمو...ت مني بسبب اللي عملته
عملت اي هي عشان اعا...قبها بكدا واستمرت النقاش دا لوقت طويل
وفجأة مابقاش في صوت غمضت عيوني بأ...لم وفتحتهم فجأه علي صوت خبطه صغيره علي الباب وبعدها الباب اتفتح علي طول وكان زهير
وقف علي الباب شويه وفضل يبص ليا بنظرات كانت هتمو...تني من القل...ق والخو...ف
اي يا عروسه هو مش المفروض النهارده يوم زواجنا ولا بتحاولي تلتزمي بالوعد اللي اخدتيه مع نادين
وقبل مايدخل من الباب لقيت حماتي واقفه وبصيت ليا وقالت اسمعي يا ميرنا انا عايزه من النهارده تعدي 9 شهور ويكون عندي حفيد ابنك انتي وزهير وخرجت وقفلت الباب
أخو زوجي 4 و 5

فهمتي انا قولت اي تعدي 9 شهور علي ايديكي ويكون عندي حفيد ابنك انتي وزهير وخرجت وقفلت الباب
زهير غمض عيونه وفضل يبص ليا شويه وبعد كدا قرب خطواته
وقعد علي السرير وحط رأسه بين ايديه بتع...ب وبعد شويه رفع رأسه وقال :
انا بعتذر منك يا ميرنا بجد انا عارف اني كدا بظ...لمك معايا بس انا بحب نادين ومستحيل افضل اي حد عليها
مهما كان هو مين انا اتزوجتك عشان اولاد اخواتي بس انا بردوا اب وعندي زوجه بحبها وبتحبني وبصراحه عمرها ماقصرت في حقي انا ظل...متها بزواجي منك
وكله بسبب ماما انا متلخبط نادين ممكن اخ...سرها في اي وقت بسبب ماما مش بتحبها
وعايزه تعمل اي حاجه تك...سرها بيها مش عارف اخد اي قرار تجاهك ومش قادر اظ...لمك بس انا في الاول والاخر بحب نادين
ولو انتي موافقه تعيشي معايا علي كدا مفيش مانع هو حقيقي الشرع حلل أربعه لكن مش زواج وخلاص لازم يكون في تعادل بينهم
وانا مش هقدر اعدل بينكم عشان كدا بخيرك لو هتكملي معايا علي نفس النظام دا
انتي واولاد اخواتي في عيوني وعلي رأسي كل طلباتكم هتكون مجابه لكن صدقيني انا مش هقدر اكمل في الموضوع دا
زواجي انا وانتي علي الورق بس وعشان اولادك غير كدا مفيش اي حاجه هتكون بيني وبينك
اعذريني مضطر انام هنا عشان كلام ماما بس و سحب مخده من علي السرير ونام علي الأرض
فضلت طول الليل افكر في كلامه هو عنده حق هو بيحبها وماينفعش يظ...لمها هي فعلا عمرها ماقصرت في حقه وانا شاهده
رفعت عيوني للسماء وقولت يارب انا تعبت اوي اتزوجت اتنين اخوات عمري ماحبيت حد فيهم ماحبيتش غير زهير
ويوم مااكون معاه يطلع مش طا...يقني حتي حاسه اني حمل ثقيل عليه اوي غص...ب عني عيوني كانت بتدمع ومش قادره انام
كنت حاسه بيها ايوه كنت حاسه بيها احساس انك تكون بتحب حد ويروح لغيرك دا مفيش اصع...ب منه صوت شهقاتي بدء يظهر غص...ب عني
لقيته اخد نفس طويل اوي وخرج من الاوضه وشويه وسمعت صوت عالي في البيت خرجت اشوف في اي كانت زوجته مغمي عليها وزهير كان بيتصل علي الدكتور
فضلت واقفه علي الباب ومش قادره اقدم خطواتي لحد ما الدكتور جه وكشف عليها وخرج
زهير: طمني يا دكتور المدام مالها ارجوك
طمني عليها
الدكتور بإبتسامه : انت زوجها
زهير : ايوه
الدكتور: الف مبروك المدام حااااااااامل
مامت زهير : يتبع
أخو زوجي 5

حسيت حماتي اتصد...مت لما عرفت بحممممل نادين هي ماكانتش مخططة لكدا خالص هي كانت عايزه زهير يسيب نادين بأي طريقه لان هي مش بتحبها
الوحيد اللي كان فرحان اوي زهير وكإن جيت ليه معجزه من السماء عشان مايسيبش نادين
كنت واقفه وحاسه ان قلبي هيتخ...لع من مكانه من كتر الز...عل شيفاه قدامي وهو ضاممها ليه وفرحان وبيضحك كان نفسي اكون انا اللي مكانها عيوني كانت بتقول ليها
انا حبيته قبلك غمضت عيوني بحسر...ه ودخلت اتطمنت علي اولادي ونمت وانا دموعي مش عايزه تقف خالص
الف مبروك يا مرات ابني
الله يبارك فيكي يا ماما
اي يا زهير طلعت من عند زوجتك ميرنا ليه
مفيش يا ماما جيت اتطمن علي نادين لقيتها مغمي عليها
طب يلا قوم روح لزوجتك دا دلع بنات وانا عرفاه
ماما نادين محتاجه ليا ومش هقدر اسيبها وهي في الحاله دي
نعم يا ضنايا في حالة اي دي حا...مل هي شايله ...قلبها قوم يا زهير روح لميرنا وزي ما قولتلكم 9 شهور ويجيلي حفيد منك انت وميرنا
ماهو هييجي ليكي حفيد اهو يا ماما
لا يا حبيبي مش عايزاه من دي عايزاه من ميرنا قوووم يلااا
ربنا يسهل يا ماما خليها يوم تاني
زهير ماتخلينيش اغض...ب عليك
قولت حاضر يا ماما خلاص هتطمن علي نادين وهروح
ماشي اديني نازله اهو وخليك جنب السنيوره طول الليل بس لو مانفذتش اللي قولت ليك عليه لانت ابني ولا اعرفك وطلعت وقفلت الباب بقوه
زهير غمض عيونه بألم وبص لنادين اللي الحز...ن كان مغطي ملامحها
روح يا زهير واسمع كلام مامتك بلاش تخليها تغ...ضب عنك
مش هقدر يا نادين انتي عارفه انا بحبك اد اي ومش هقدر اتخيل ميرنا مكانك
ولو علي ماما هتكلم معاها لكن مش هسيبك انتي اللي مكمله حياتي مااقدرش اتخيل حياتي يوم من غيرك انتي والاولاد وضمها ليه
كنت سامعه كلامه ماقدرتش اتمالك نفسي مسحت دموعي ودخلت اوضتي لحد بعد شويه ماجه
وتقريبا حماتي رفضت تسمعه
زهير طل...قني لقيته رد بكل برود وقال
زهير :
أخو زوجي 6 والأخير

زهير كان واقف بملامح كلها بر...ود كنت متوقعه منه اول مااطلب الطلا...ق هيوافق لكن قال : للاسف ماما رفضت وبعدها اخد نفس طويل اوي وبص ليا وقال :
انا هطل...قك يا ميرنا بس مش دلوقتي ماما مسافره لخالتي كمان شهرين واوعدك وقتها هعمل ليكي كل اللي انتي عايزاه
انا مش هطلب منك نمثل السعاده قدام الناس عايزك تتعاملي بطبيعتك وفي الاول والاخر انتي واولادك في عيوني وعلي رأسي من فوق سواء اتط...لقنا او فضلنا
وسابني وخرج هو دا معقول زهير اللي كنت بمو...ت عليه هو دا مستحيل ليه يا زهير مصمم تخليني اكر...هك كدا
لي كل يوم بتثبت ليا ان كنت غلطانه يوم ما فكرت احبك لكن اوعدك ان من النهارده هحاول علي اد مااقدر انساك
مر الشهرين كانوا كلهم و...جع ليا واحلام كنت ببنيها من طفولتي مع زهير اتحطت كنت دايما بشوف اهتمامه بزوجته نادين كنت بحسدها علي كل المحبه دي لكن خلاص قلبي اتقفل منه من تجاهله ليا
ايوه طلباتي كانت مجابه لكن كان ناقصني هو مر الشهرين لكن ماقدرتش استني لما حماتي تسافر لاختها وروحت ليه وطلبت الطلا...ق
حماتي اعتر...ضت وبشده وهد...دتي ان هي هتاخد اولادي لكن انا وعدتها ان هعيش عشانهم انا جربت حظي في الزواج 3 مرات والمشكله ان هما الثلاثه اخوات
زهير طل...قني ايوه انا مش هقول كنت فرحانه انا كنت بمو...ت مجرد ما نطقها بس هو اكيد كان هيفضل نادين عني وبعد طلا...قنا بفتره جاب ليا ورثي انا واولادي في اباءهم وكمان فرض علي نفسه نفقه ليا كل شهر
بما ان انا كنت متزوجاه اخدت الميراث اشتريت بيت وعيشت فيه انا واولادي وعملت مشروع صغير عشان ما احتاجش لأي حد بعد كدا
فعلا زهير ماكانش مقصر في حاجه معايا انا واولادي ووقت مابنحتاج حاجه بنلاقيه واقف جنبنا
اتقدم ليا كتير اوى بس انا نفسي اتقفلت من الزواج وقررت اربي اولادي واهتم بيهم هما يستاهلوا كل دقيقه من وقتي ليهم كل واحد منهم والده اتو...في وهو كام شهر بس
خدت وعد علي نفسي ان هكون ليهم الام والاب والصديقه هربيهم احسن تربيه وهعلمهم احسن تعليم حماتي كمان كانت بتيجي تتطمن علينا من وقت للتاني وبتاخد الاولاد يقعدوا معاها اوقات وبتجيبهم اخر اليوم علي النوم
واوقات كانت بتعزمنا وبتصمم ننام عندها وحقيقي مش هنسي اللي كانت بتعمله معانا كانت بردوا لما بتاخد نفقه من الدوله لان زوجها متو...في كانت بتشتري لاولادي لبس واحلي حاجه كانت بتدخل عليهم بيها
زهير ربنا اكرمه ببنوته كانت كل حياته هو ونادين وانا كمان اولادي بقوا هما كل حياتي
الحب مش كل حاجه في حياتنا اهم حاجه راحة بالنا مش شرط يكون الزواج هو راحة بالنا في حاجات تانيه احسن من الزواج بتريحنا لازم نرضي بقضاءنا وبلاش نخر...ب حياة الناس مش لازم كل حكايه زي حكايتي تنتهي بحب الابطال
انا حكايتي انتهيت بالحب بردوا بس بحبي لجزء عاش بين احشائي شهور كان بيقاسموني الجسد والروح والنهارده هما قدامي ومابقيتش اقدر افارقهم ثواني
تمت

تعديل المقال