قصة واقعية عن فتاة مؤثرة جدا
سامية : قمر وينك لك بنتي ماخلصتي لبس
قمر.. أي أمي ليكني خلصت … خير شوفي مين كان عالباب
سامية.. ومين في غيره ابو محمود صاحب البيت قال ما بيمشي من هون الا لنعطيه الأجرة وليكه مزروع برا
قمر.. حسبي الله ونعم الوكيل مو اجا مبارح وقلتله عطيني مهلة أسبوع لأستلم راتبي شو ما بيفهم بالحكي هالزلمة … أنا طالعة أحكي معه ماما إنتِ خليكي جنب بابا
طلعت لعند الباب وكان واقف وساند إيده على طرف الباب …… خير إن شاء الله مو حكينا مبارح
أتطلع عليها بنظرات جريئة وأبتسامة خبث... معلش كحلت عيوني بشوفتك اليوم كمان
قمر... أتطلعت عليه نظرة غضب...... عالقليلة أحترم شيبتك شو بدك هلأ
ابو محمود.. بدي اجار البيت واذا ما دفعتوا الله معكن في مين يسكن محلكن إلا إذا فكرتي بموضوعنا وقبلتي بعرضي ساعتها بسجل البيت على أسمك وبعيشك ملكة
قمر.. فشررت مستحيل هالشي وخصوصي إذا كان واحد حقير وأستغلالي متلك حتى لو ضلينا بالشارع ما بتفرق معي و أسمعني منيح لسه من يومين كان أول الشهر وأنت عطيتني مهلة أسبوع ولسه هالأسبوع ماخلص واتطمن الأجار رح ندفعه بوقته وعرضك المغري مرفوض وهلأ الله معك… سكرت الباب بقوة وسندت بضهرها على الحيط وهي عم تحاول تهدي حالها شوي لحتى أهلها ما يلاحظوا عليها حبست دمعتها و أخدت نفس وفاتت لجوا أتطلعت على أبوها إلي كان قاعد على الكرسي المتحرك وعاجز عن الحركة نزلت دمعة من عيونه وهو عم يتطلع على بنته إلي أخدت دوره بكل شي بالبيت وبرا البيت إلي بتعمل المستحيل لحتى ما يحتاجوا لحدا وقد ما حاولت تبين قوية مارح تقدر تخبي ضعفها عن أبوها …… قعدت على ركبها قدامه ومسكت إيده وباستها: لا تبكي بابا أنا عم أستند القوة منك أنت لا تضعف لحتى ضلني قوية متل ما ربيتني ...
إبراهيم بصوت مبحوح: الله يرضى عليكي يابنتي
سامية... يلا أمي الله يرضى عليكي أتأخرتي مو عندك جامعة اليوم
قمر: أي ماما في عندي محاضرة وبعدها رايحة عالمطعم اليوم عندنا ضغط شغل ... لك سمر بسرعة اتأخرت شو ما جهزتي
سمر طلعت من المطبخ بسرعة.. يلا يلا شبك بصلتك محروقة امشي يلا
طلعوا وصاروا يتمشوا على الطريق وكل وحدة شاردة بغير عالم
سمر.. قمورة ... أحكيلك شغلة وما بتزعلي
قمر.. أحكي
سمر.. انا سمعت كل شي قلك ياه أبو محمود
قمر.. وقفت مصدومة، خرسي وليه وأصحك تحكي هالكلام قدام اهلك لا سمعتي ولا شفتي شي، وهداك الزفت يسترجي يقرب صوبي بكلمة ناقصنا فضايح نحنا
سمر: خلص طولي بالك لا سمعت ولا شفت الله يخلصنا منه على أهون سبب .. انا وصلت على مدرستي يلا بشوفك المسا
قمر.. أنتبهي على دروسك منيح ..
كملت طريقها لحتى وصلت على الجامعة قعدت على أقرب مقعد زفرت بيأس وهي عم تفكر ليقطع شرودها صوت رفيقتها وهي بتلوح بإيديها قدام عيونها
.. هيي قمر لك وين شاردة
قمر... ايي شبك سوسن ليش عم تصرخي فوق راسي
سوسن.. والله حضرتك الي شاردة بغير عالم هاتي احكيلي شو صاير معك
قمر.. صاحب البيت
سوسن: شبو ضراب السخن
قمر: أجا على باب البيت وطلب مني بكل وقاحة إني اتزوجه مقابل البيت
سوسن... تتزوجه حية بسبع روس يقطع عمره ما بيستحي على شيبته وإنتِ بعمر ولاده
قمر.. آخ يا سوسن تعبت وأنا شايلة كل هالمسؤلية لحالي ويلي أبي المشلول و ويلي جامعتي وشغلي واجار البيت الله لا يسامحهن بيت جدي هني السبب بكل شي عم نعيشه هلأ لو ما عمل عمي هداك الفصل الناقص معنا ماكننا أنذلينا وأتبهدلنا هيك
سوسن.. الله لا يسامحه
قمر.. آمين .. لك كلو كوم والفصل إلي،صار معي بالمطعم مبارح كوم
سوسن.. شو صار كمان
قمر.. رجعت بذاكرتها لقبل بيوم
( كانت عم تتفتل بين الطاولات وتلبي طلبات الزباين
جمال.. سمر بنتي خدي القهوة على تاني طاولة وبسرعة لا تتعوقي
قمر... قمر عمي مو سمر شو كل يوم بدك تتخربط الله يصلحها سوسن ما لقت تعطل إلا اليوم هلكت لحالي أخدت صينية القهوة وهي ماشية بسرعة خبطت بشب كان ماشي بسرعة وانكبت القهوة عليه
صرخ بصوت عالي .. شبك مو شايفة قدامك
قمر.. بعتذر بس الحق عليك إنت إلي ماشي متل القضى المستعجل و...
جمال.. قمر أنصرفي على شغلك بسرعة
قمر.. لمت الصينية ورجعت على المطبخ وهي عم تتأفف
جمال..بعتذر ياأبني صدقني اكيد مو بقصدها الصبية عم تشتغل لحالها اليوم
* خلص مو مشكلة ارجع على شغلك بس ياريت تنبه عليها تنتبه أكتر
جمال.. اكيد مارح يتكرر هالشي بوعدك )
قمر.. وبعدها اكلتلك بهدلة من عمو جمال
سوسن.. ههههههه أحمدي ربك مرقلك الشغلة ع بهدلة بس وما قلعك من الشغل
قمر.. عم تتمسخري مو ، يلا خلينا نلحق المحاضرة اليوم في ضغط بالمطعم لانه في عيد ميلاد ما بدي حمم حدا تاني بالقهوة هالمرة ما بنفد منها
نزل من الدرج وهو عم يتأفف ... يا أمي ماتعبتي وإنتِ عم تفتحي معي هالموضوع كل يوم قلتلك ما بدي أتزوج يعني مابدي ليش مصرة كل هالقد مابعرف فاتن: نوار يا نور عيوني انا ما ألي غيرك بعد ما خسرت أبوك وأخوك بنفس اليوم وأنا صرت مرة كبيرة ومريضة ومن حقي شوف ولادك قبل ما أموت عم تستكتر علي هالطلب معقول ما ضل إلي قيمة عندك
نوار مسح على شعره بقلة حيلة.... لك يا أمي يا نور عيوني والله إنتِ تاج راسي وطلباتك أوامر بس طولي بالك علي شوي واجلي هالموضوع بس فترة وبعدها بوعدك ما بتكوني إلا رضيانة
فاتن.. يلا أضحك علي بكلمتين متل كل مرة إلي بعمرك صار عندهن ولاد وأنت راكض ورا الشغل
نوار.. خليني أهرب أحسن يلا فتوش بشوفك عالغدا ههه
طلع من البيت وفوراً أختفت أبتسامته ركب سيارته وطلع على شغله وهو عم يدور على طريقة ليلغي موضوع الزواج من راس امه
سوسن.. وهي عم تلبس المريول الخاص بالمطبخ... اليوم مروان رح يطلعني مشوار على مدينة الملاهي تعي معنا بتغيري جو
قمر.. وحدة وخطيبها طالعين مع بعض أنا شو فوتني بيناتهن
سوسن... بلا غلاظة هلأ بتعرفي مروان أديش بعزك
قمر.. خلص خليها لغير مرة ما الي نفس أطلع لاي مكان
جمال.. وبعدين معكن إنتِ وياها ما خلصتوا كررر الطلبيات عم تستنى لا تخلوني أشكيكن للمدير
سوسن.. لا عمي اتطمن عم نشغل لساننا وإيدنينا مع بعض وبعدين وينو هالمدير إلي لهلأ لا شفناه ولا بنعرف شكله
جمال.. سوسن
سوسن وإيديها على تمها .. هه خرسنا
قمر... عمي جمال أنا خلصت شغلي فيني روح هلأ
جمال.. أي بنتي روحي …… لحظة... امرقي عالمكتب واستلمي راتبك
قمر.. شكرا ... يلا سوسو بشوفك بكرا بالجامعة أنبسطي بمشوارك وسلميلي على مروان
سوسن: الله معك حبيبتي
قمر.. طلعت من المطعم وهي مستعجلة بدها تدفع الأجار بسرعة لتخلص من نق أبو محمود مرقت على بيته وصارت تدق على الباب
طلع وأول ماشافها أتوسعت أبتسامته…… شو شكلك فكرتي بعرضي وغيرتي رأيك
قمر.. ما تحلم بهالشي، اجيت ادفعلك الأجار وبإذن الله هاد اخر شهر النا ببيتك، حطت المصاري بإيده ومشيت تاركته صافن فيها
أبو محمود.. بيعجبني ثقتك بحالك بس معلش آخرتك تليني
""""""""""""""""""""""""""""
نزلت من السيارة وصارت تتطلع حواليها ..مروان لوين جايبني ليش ما وصلتني عالسكن
مروان.. حبيبتي مو قلتلك عامللك مفاجئة
سوسن.. أي
مروان.. أتطلعي قدامك
سوسن. أتطلعت وعيونها عم يلمعوا ... شو هاد
مروان.. إنتِ شو شايفة
سوسن.. شايفة بيت صغير وبجننن مع حديقة حلوة متل إلي بأفلام الكرتون
مروان.. عطول كنتي تحلمي ببيت متل هاد وأنا اليوم حققتلك ياه
سوسن بدموع. شو يعني
مروان.. يعني البيت إلي شايفتيه قدامك هلأ صار ألنا وأخيراً قدرت أشتري البيت ما ضل غير تزينيه وتنوريه
سوسن.. ما عم صدق عيوني حاسة حالي عم أحلم
مروان.. ماعم تحلمي رح نتزوج ونكون أحلى عيلة ونسيكي كل شي قهر عشتيه قبل
سوسن حضنته بفرح وهي عم تمسح دموعها ودخلت على البيت وهي عم تتأمل كل زاوية فيه وكأنها مو مصدقة إنها وأخيراً رح تعيش حياة طبيعية متل كل البنات وتستقر بحياتها مع الشخص إلي بتحبه
قمر...
وصلت المسا على السكن الجامعي وقفت قدام غرفة سوسن ودقت الباب بهدوء
سوسن: فتحت الباب وهي راسمة أبتسامة عريضة على وجهها، قمورة كيف خطرنا على بالك
دخلت قمر لجوا بيأس وقعدت بدون ما تحكي اي شي
سوسن: شو صار معك؟
قمر: ولا شي صرلي ساعتين عم افتل بالمكاتب ما كنت لاقي بيت مناسب كل الاسعار طايرة ... يلا هانت قربنا نتخرج ونخلص من كل هالتعتير ...وانت شو صار معك كيف كان مشوارك
سوسن: مارح تصدقي شو صار معي استني اعمل فنجان قهوة لأنه الموضوع بده قعدة رواق
نوار
رجع على البيت بوقت متأخر من الليل وهو حاسس بصداع كبير. أتطمن على امه كانت نايمة دخل على غرفته وقعد على السرير وهو عم يفك ازرار قميصه وحاسس بضيق نفس ودوخة قوية حس على شي نزل من أنفه مسحه بأصبعه كان عم ينزف ركض على الحمام وصار يغسل وجهه بمي باردة رجع اتمدد على سريره وأستسلم للنوم وكأنه حامل كل تعب الدنيا على أكتافه
قمر..
كانت تسقي الزريعات وهي عم تغني حست في حدا قريب منها ألتفتت وشافت ابوها قاعد على كرسيه وعم يتأملها بأبتسامة ، باست ايده بحب ... صباح الورد لأحلى أب بالدنيا
أبراهيم... اتطلع عليها نظرة كلها حنية : صباح الخير بنتي ماعندك جامعة اليوم
قمر: ماعندي محاضرات قلت بستغل الفرصة وبشرب معك قهوة اليوم
سامية: وأنا ما بنتشرب معي القهوة مثلاً
قمر: انتي تاج راسي ثواني وبتجهز القهوة
قضت نهارها مع أهلها وطلعت على المطعم وهي مشغول بالها بألف قصة لازم تدفع اقساط الجامعة ومصروف سمر وادوية أبوها والأهم من كل هاد كيف بدها تتخلص من أبو محمود وصلت على المطعم كالعادة كانوا سوسن وجمال بيتناقروا
جمال: إنتي لو تشغلي إيديكي متل لسانك كان هلا فتحنا فرع تاني للمطعم
سوسن: الله يسامحك ياعمي فوق ما عم سليك مو احسن ما نتصفن ببعض
قمر فاتت ولبست مريولها: يلا هانت كم شهر وبتتجوز وبنرتاح منها
22222222222222222222
سوسن: وحياتك قاعدتلك ع قلبك
قمر: ههههه اجلي حديثك هلا خليني اخد الطلبيات احسن ما اكل بهدلة من عمي جمال بسببك
وصل نوار على المطعم وقعد على طاولته اجى لعنده جمال
جمال: يسعد صباحك يابيك نورت المطعم
نوار: يسعد صباحك عمي اول شي اطلبلي قهوتي لأنه هربت من البيت قبل ما تستلمني الوالدة وما لحقت اشربها واحكيلي كيف ماشي الشغل بعرف ماعم امرق كتير عالمطعم
جمال: تكرم يا بيك الشغل ماشي متل ما بدك واكتر كمان اتطمن
نوار: الحمدالله لأنه المطعم بأيادي امينة
راح جمال عالمطبخ وطلب من قمر تاخد القهوة للمدير وضل نوار قاعد لحاله وبنفس اللحظة فاتت فاتن عالمطعم ومعها صبية واتجهت لعنده على الطاولة
نوار انصدم لما شافها وحاول يخبي وجهه مشان ما يشوفوه بس كانوا واقفين قدامه ومشي الحال
فاتن: مسا الخير أبني شو رأيك بهالمفاجئة
نواربيهمس لحاله : رحنا فيها: مسا الورد فتوش مفاجئة بتجنن تفضلوا
فاتن: شوف مين جبتلك معي
الصبية بدلع: كيفك نوار اشتقتلك
نوار: اهلين دلع الحمدالله تشتقلك العافية تفضلوا ليش واقفين رح اطلبلكن قهوة معي
قعدوا ودلع صارت تتمايع وفاتن كل شوي عم تغمز نوار وتأشرله وهو ماسك اعصابه غصب من تصرفات أمه
قمر
طلعت ومعها صينية القهوة وهي عم تحكي بنفسها وأخيراً رح نشوف مدير المطعم ونتعرف عليه وصلت لعند الطاولة صارت تحط الفناجين وأنصدمت لما شافته هو نفس الشب إلي كبت عليه القهوة من كم يوم أبتسم لما انتبه على خجلها منه
حاولت تخبي توترها وكملت ضيافة القهوة بس اتلبكت وانكبت القهوة مرة تانية بس هالمرة على دلع إلي بلشت تصرخ وتعيط
دلع: شبك عمية ما عم تشوفي قدامك
قمر: بعتذر لا تواخذيني يا آنسة مو بقصدي
دلع: نعم، وين بتنصرف هاي آسفة أنتي بتعرفي إنه هالفستان إلي نزعتيه أغلى من راتبك
نوار بنبرة عالية : دلع ألزمي حدك وأعرفي شو عم تحكي
فاتن: ابني بدال ما تبهدلها هي على تقصيرها عم تحكي هيك مع البنت شو جنيت لازم تعاقبها او تطردها رح تشوه سمعة المطعم
قمر: لو سمحتي مدام ما بسمحلك تحكي معي بهالطريقة ماكانت مقصدودة واعتذرت
فاتن: وكمان عم ترد بوشي بكل وقاحة
نوار: امي لو سمحتي
دلع : لو بعرف رح انهان هيك ما كنت اجيت عن اذنك طنط فاتن … حملت حالها وطلعت من المطعم
قمر حاولت تحبس دمعتها تركتهن وركضت عالمطبخ شلحت مريولها وهي عم تبكي ضبت غراضها تحت انظار سوسن وجمال المصدومين وطلعت فوراً
نوار: أمي ليش مكبرة الموضوع لهالدرجة بدون قصدها المخلوقة ليش لحتى تهينيها هيك وبعدين كم مرة قلتلك لا تحطيني بهيك مواقف وكل يومين تجيبيلي بنت شكل من الطبقة المخملية إلي بتناسب بريستيجك وتعرضيها علي امي انا بهاي الطريقة مابتزوج أفهميني بقى
فاتن وهي عم تمسح دموعها: معقول عم تبهدل أمك مشان شقفة بنت بتشتغل عندك إلي بيسمعك بيفكر البنت بتخصك او في شي بينكم لحتى عم تدافع عنها هيك الحق علي إني دايرة على مصلحتك وبدي شوف ولادك قبل ما الله ياخد أمانته حتى هاي استكترتها علي… حملت حالها وطلعت وتركت نوار مصدوم من كلامها وجملتها عم تتكرر براسه( إلي بيسمعك بيفكر البنت بتخصك او في شي بينكم لحتى عم تدافع عنها هيك )
بالمطبخ
سوسن: شوو جنيتي كيف يعني رح تتركي الشغل وليش عم تبكي شو صار معك
جمال: انا شفت شو صار برا يابنتي بتصير كتير هيك مواقف طولي بالك رح احكي مع نوار بيك
قمر: خلص عمي خليني اطلع هلا وبعدين بنحكي
سوسن: طيب حدا يخبرني شو صاير
قمر: خلي عمو جمال يخبرك … طلعت من المطعم وهي مخنوقة رجعت على البيت وحاولت ما تبين لأهلها شي فاتت على غرفتها وما طلعت منها لتاني يوم
أما نوار رجع على البيت بوقت متأخر كالعادة ليتجنب نقاشات امه قعد على البرندا وضل يفكر بالبنت إلي شافها وفي كتير أفكار عم تدور براسه ضغط على جبينه بقوة رجعله الوجع من جديد وبلش يتشوش الرؤية عنده أستند على الحيط وفات لجوا طلع من الدرج علبة دوا اخد منها حبتين وأتسطح على سريره
تاني يوم الصبح فاقت قمر بكير وطلعت على جامعتها كان وجهها دبلان شافت سوسن قاعدة وعم تستناها
قمر: صباح الخير
سوسن: صباح النور ليش مارديتي علي مبارح دقيتلك كتير
قمر: كنت حاطة تليفوني عالصامت ما انتبهت
سوسن: مبارح عمو جمال حكالي شو صار معك بس عنجد رح تتركي الشغل ؟
قمر: حتى لو ما تركت بعد إلي صار هني إلي رح يفصلوني مابعرف شلون رح خبر اهلي إني تركت الشغل يا الله ليش هيك حظي
سوسن بغصة : لا تحكي هيك مرة تانية لو شو ما صار معك بضل عندك عيلة تتمسكي فيهون يمسحو دمعتك يطبطبو عليكي مو متلي ياحسرتي ربيت بميتم بحياتي ما عرفت شو يعني عيلة ماعرفت كيف بكون حضن الأم ولا حسيت بحنية الأب ولا بعرف شو هو شعور انه يكون عندي أخ او أخت قمر: شو هالحكي هلأ بتعرفي منيح أنا أختك وعندك مروان بحبك وبيعمل المستحيل ليسعدك ما بدي اسمع منك هالكلام مرة تانية
سوسن: الحمدالله الله عوضني فيكِ وبمروان لا تستسلمي قمر إنتِ بنت قوية وقد هالمسؤلية بكرى بس تتخرجي وتشتغلي الله رح يعوضك عن كل هالتعب
قمر : ان شاء الله. بتعرفي شو ما رح احضر هالمحاضرة بعدين بتنسخيلي ياها
سوسن: لوين رايحة
قمر.. بدي اطلع دور على شغل
سوسن... بس انتي كنتي مرتاحة بشغل المطعم وين رايحة وتاركتيني وبعدين المدير ما طردك انتي إلي طلعتي لحالك
قمر... بدك استناه ليطردني اكيد ما رح يكسر كلمة امو وحبيبتو مشاني واساسا هاي صار تاني مرة بعملها مستحيل يسامحني
سوسن.. شو قصدك بتاني مرة !!
قمر... بتتذكري لما قلتلك من يومين كبيت القهوة على الشب بالمطعم
سوسن... ايه
قمر.. لسوء حظي طلع هو نفسه مدير المطعم بس هالمرة كبيتها على البنت إلي معه وبسببي اتخانقوا ومسحوا فيني الارض وانتي كمان مو مطولة لتتجوزي وتخلصي من هم الشغل يلا لا تلهيني اكتر خليني امشي
طلعت وصارت تدور بكذا مطعم بس ماكانت تلاقي شغل بنفس دوامها ولا بنفس الراتب تعبت كتير مرت من جنب حديقة عامة قعدت على أقرب كرسي وصارت تتأمل الناس حواليها بيأس طلعت من شرودها على صوت الموبايل ردت بهدوء بعد ما شافت الاسم: اهلين عمو جمال
جمال... وينك بنتي ليش ما اجيتي مع سوسن عالشغل
قمر.. عمي حكيناا مبارح بهالموضوع وشفت بعينك إلي صار ولا تقلي اعتذري من البنت مشان رجعك عالشغل هالشي مستحيل لانه هي الي غلطت بحقي وهانتني انا صح محتاجة لهالشغل بس كرامتي ما بتسمحلي
جمال... أحكيلي عنوانك هلأ بدي شوفك وأحكي معك بشي مهم
قمر.. طيب رح ابعتلك الموقع عالواتس مع انه مافي مجال غير رأيي، بعتتله الموقع وهي عم تفكر كيف تلاقي حل لهالمشكله بعد مدة صغيرة شافت خيال طويل واقف قدامها
... كيفك انسة قمر
قمر بصدمة... أهلين
... ممكن نحكي شوي
قمر... نحكي بشوو !! .. حضرتك كيف عرفت مكاني
… أنا إلي طلبت من جمال يتصل فيكي ويعرف مكانك
قمر ... إذا مشان إلي بدر مني بالمطعم انا ...
نوار قاطعها.. لأ بعرف مو بقصدك وبتصير كتيير وبعتذر نيابة عن الوالدة وماكان في داعي تتركي الشغل بس أنا هون مشان موضوع تاني
قمر.. عفواً بس نحنا ما بنعرف بعض من قبل لحتى يكون في بيننا مواضيع
نوار.. طيب خليني أحكي بالاول إلي عندي وبتمنى ما تفهميني غلط ولا تقاطعيني لحتى خلص كلامي
قمر بفضول وهي عم تعدل حجابها.. تفضل عم أسمعك
نوار.. قعد جنبها بس ترك بينهم مسافة وأتنهد تنهيدة طويلة قبل ما يصدمها بطلبه..... تتزوجيني؟!!
قمر فتحت عيونها بصدمة... عفواااا؟
نوار... خليني كفي كلامي لو سمحتِ... سكت شوي وبعدها حكى… هالعرض رح ينقذ تنيناتنا
قمر بعدم أستوعاب... ممكن تكون صريح اكتر وما تحكي بالالغاز
نوار... اول شي ما تفهميني غلط تانياً أنا سألت عمي جمال عنك وعرفت منه وضعك ودراستك وشغلك وأبوكي المريض أنا مابدي استغلك بس كمان عندي ظروف اصعب من ظروفك بتجبرني اتزوج بأسرع وقت
قمر:: وأنا شو رح أستفيد من عرضك هاد؟!!
نوار: بتكفل بعلاج ابوكي بالكامل وبيت بإسمك والمهر رح يكون مبلغ منيح يأسمك بالبنك ولحتى تتأكدي إني ما عم أضحك عليكي حطي المتاخر إلي بدك ياه
قمر بغضب .. وانت شو رح تستفيد بهالزواج وليش اخترتني انا بالزات في مية بنت غيري بتتمناك وبدون مقابل كمان
نوار ... مافي ولا بنت بترضى تتزوج بشخص مريض و عم يموت
قمر: بصدمة... شو مرضك
نوار... اتنهد تنهيدة قوية وبعدها همس ... إيدز
قمر حطت إيدها على تمها لتخفي شهقتها وعيونها غرقوا بالدمووع وقفت بسرعة وبعدت كم خطوة وهمست …… شو عم تحكي أنت أكيد جنيت كيف عم تعرض علي هيك شي بدك تقتلني انت لهالدرجة مستهين بمرضك
نوار: أكيد مو ناوي أئذيكي أنا مدرك لخطورة هالمرض وبعرف كل شي بخصه وهالزواج رح يكون شكلي بس قدام امي والناس
قمر بعصبية..... مستحييييل ما بقبل بهيك شي ……… ركضت بعيد عنه وهي عم تمسح دموعها وعلامات الصدمة لسا مرسومة على وجهها
نوار... نزلت دمعة من عينه وهو عم يتطلع بالفراغ محل ماكانت واقفة رجع بذاكرته لقبل تلات سنين
[ نوار .... ماسك الورقة بإيدين عم يرجفوا وعيونه حمر اتطلع على الدكتور بصدمة وبصعوبة قدر ينطق …… مستحيل اكيد في غلط مو صح الكلام إلي مكتوب هون
الدكتور...لو سمحت طول بالك وروق نحنا عدنا التحلليل اكتر من مرة لحسن حظك اكتشفنا المرض بمرحلة مبكرة جداً وهالشي لصالحنا والعلاج رح يكون أسهل بس لازم تتعاون معنا وتدخل عالمصح لباشر بالعلاج
نوار وقف وبعد كم خطوة... مستحيل إلا المصح ماتجيب سيرته بترجاااك أمي بين الحياة والموت لساتها مو متقبلة فكرة وفاة ابي واخي مستحيل أصدمها بهيك خبر والله بتروح فيها الدكتور.... لا حول ولا قوة إلا بالله .. رح تتعالج وانت بالبيت بس بدك تنتبه منيح وتلتزم بكل شي رح احكيلك ياه هلا وإلا رح تكون خطر على كل إلي حواليك وخصوصي الوالدة وهي بهيك عمرر ]
نوار .... رجع للواقع وهو عم يمسح وجهه بإيديه ويحاول يهدي نفسه ويفكر بأمه شو رح يصرلا اذا عرفت
333333333333333333333
قمر
كانت راجعة على البيت وهي منهارة تماماً مو مستوعبة الكلام إلي دار بينها وبين نوار عم تمشي بخطوات بطيئة وكأنها حاملة جبال على ضهرها أعترض طريقها شخص و وقفها
كيفو الحلو اليوم
قمر بعصبية... وبعدين معك انت ما بدك تحل عني ما بتخجل من شيبتك لك انا قد ولادك
أبو محمود: بدي ياكي افهمي بقى
قمر: فشرررت بفضل الموت على إني كون الك
ابو محمود: هيك لكان هاد آخر كلام عندك
قمر: أي واصحك تطلع بوجهي مرة تانية
أبو محمود: طالما هيك رح تشوفي وجهي التاني ... من بكرا المسا بدكن تفضولي البيت وإذا اجيت بكرا وما كنتوا طالعين رح اعمللك فضيحة بالحارة واحكي للكل إنك بتجي لعندي عالبيت مقابل آجار البيت وأكيد ما بدك أبوكي ينجلط ويموت بسبب فضيحتك
قمر عم تهز راسها ... كذاااب ماحدا رح يصدق واحد ندل متلك
ابو محمود: بنشوف إذا بصدقوا ولا لأ بس تصير سيرتك على كل لسان
قمر: الله يصطفل فيك حقييير
ابو محمود: عندك مهلة لبكرا تفكري: اما بتجي لعندي وبتحكيلي موافقة اتزوجك او بقلعكن من البيت وبفضحك
قمر: صارت تمشي بسرعة وتبعد عنه لحتى ما تسمع أكتر كانت منهارة عم تمشي ودموعها بيسبقوها وصلت على البيت حاولت تكون طبيعية مسحت وجهها وفتحت الباب وفاتت لجوا تدور على اهلها ما لقت حدا غريبة وين بكونوا راحوا مسكت تليفونها ودقت لسمر ردت وهي عم تبكي
سمر: قمر الحقي ابوكي عم يمووت
قمر: شووو … شو صرلو بابا احكي
سمر: تعي عالمشفى بسرعة
قمر: طلعت من البيت متل المجنونة نسيت كل شي صار معي بحياتي وعم فكر بس ببابا إذا صرلو شي رح موووت وصلت عالمشفى ركضت بالممر متل المجنونة وسألت عن بابا ودلوني عليه لقيت ماما وسمر قاعدين قدام قسم العناية المركزة وعم يبكو … شوصرله بابا احكولي انو منيح
سامية: عم تبكي … ارتفع ضغطو الصبح وصار معو نوبة قلبية
قمر حضنت سامية وسمر وهي عم تبكي … بابا قوي ورح يرجعلنا متل كل مرة
طلع الدكتور المختص من جوا … مرحبا انتو اهل المريض
قمر: أي نحنا عيلته بترجاك دكتور طمنني بابا منيح
الدكتور: عملنا كل إلي علينا بس بصراحة وضعه صعب صاير عنده انسداد بشراين القلب ولازمه عملية ضروري
سمر: شوو عملية؟
سامية: شو نسبة نجاحها هالعملية
الدكتور: هالشي بضل على بنية المريض وقوة تحمله نحنا رح نعمل كل شي علينا لتكون ناجحة بإذن الله
سامية بحزن: قديش بتكلف هالعملية
الدكتور: بصراحة بتكلف كتير بس مافي حل تاني ولازم توقعوا على الاجرائات لحتى نعملها بأسرع وقت انا بمكتبي بإنتظار قراركم، طلع على مكتبه
قمر مسحت دموعها بطرف إيدها ... بابا رح يعمل هالعملية شقد ما كلفت حتى لو كان التمن روحي
سامية: شلون يابنتي حالنا على قدنا من وين بدنا نجيب كل هالمصاري مافي شي نبيعه كمان ياربي دخيلك تتلطف فيننا
قمر ضلت شاردة لفترة وهي عم تفكر
سمر: اختي وين شردتي عم احكي معك
قمر: خليكن جنب بابا انا ساعة وراجعة
سامية: لوين رايحة بنتي
قمر: راح دبر المصاري واجي أمي بوعدك … طلعت قبل ما تسمع جواب امها كانت تمشي وهي بعالم تاني ما بتعرف شو تعمل ولوين تروح حست كل الدنية مسكرة بوجهها أتذكرت نوار وعرضه اخدت نفس طويل ودقت لجمال تطلب منه رقم نوار وبعد كم دقيقة بعتلها الرقم اتصلت عليه فوراً بعد كم رنة اجاها الرد
نوار: الو
قمر………
نوار: عفواً مين معي
قمر بصوت عم يرجف : مسا الخير نوار بيك … أنا قمر
نوار: قمر … اهلا وسهلا شبو صوتك صاير معك شي
قمر: حابة احكي معك ضروري إذا عندك مجال
نوار: طيب وينك هلا جاي لعندك
بعد ربع ساعة كانت قاعدة بنفس الحديقة إلي التقوا فيها اول مرة عيونها حمر من البكي وعم تتطلع عالفراغ وهي عم تتذكر ابو محمود وكلامه ومرض ابوها وكأنه كل المصايب اجت مع بعض
نوار: وصل لعندها كانت شاردة ووجها شاحب كتير: مسا الخير
قمر طلعت من شرودها: مسا النور اسفة لإني خليتك تجي بهالوقت بس الموضوع كتير مهم
نوار: قعد جنبها: اتفضلي عم اسمعك
قمر غمضت عيونها لينزلوا دموعها... أنا موافقة على عرضك
نوار بصدمة: شوو إلي صاير معك لحتى وافقي وإنتي كنتي رافضة
قمر: معك حق تستغرب بس إلي صاير معي فوق طاقتي وقوة تحملي بين يوم وليلة انقلبت كل حياتي وكل الابواب اتسكرت بوشي … بابا عم يموت
نوار: كييف شو صرله
قمر: نوبة قلبية وضعه صعب وبده عملية مستعجلة وهالعملية بتكلف كتير ما معنا وقت كتير وإلا رح نخسره للأبد
نوار مسح وجهه بحزن وإتذكر اليوم المشؤم وقت خسر ابوه وأخوه بنفس اليوم متل الشريط عم يمر قدام عيونه منظر السيارة وهي مكسرة والدم عم ينزل من جبينه كان يفتح عيونه بصعوبة ليشوف ابوه واخوه غارقين بدمهن ويرجع يغيب عن وعيه …… صحي على الواقع على بكاء قمر … وقف واتطلع عليها... أمشي معي قمر: لوين…
نوار: عالمشفى مشان توقعي على اجرائات العملية
قمر: وأتفاقنا؟
نوار: مو إنتي وافقتي هلا المهم العملية وبعدها بنحكي
قمر: ضلت صافنة فيه معقول قدر يوثق فيها بهالسهولة ورح يساعدها بدون ما يكون في بينهم اتفاق رسمي رمت هالافكار من راسها ومشيت معه وصلت على المشفى وكملت أجرائات العملية ووقعت عليها طلعت لعند امها وسمر إلي كانوا قاعدين عم يستنوها
سامية: يابنتي اخدو ابوكي بس ما قالولي لوين
قمر: بابا فات عالعمليات ماما وإن شاء الله رح يقوم منها بالسلامة
سمر: كيف هيك بهالسرعة دبرتي المصاري
قمر: بععدين بشرحلكن هلا المهم صحة بابا أنا طالعة لبرا شوي رح اختنق سمر خليكي جنب ماما
طلعت من المشفى تحت نظرات سامية وسمر إلي كانوا مستغربين وحاسين في شي مو طبيعي
شافته قاعد بسيارته قريب من المشفى راحت لعنده وقعدت جنبه وضلت ساكتة
نوار: إمتى بتخلص العملية
قمر: كم ساعة …
نوار: بخصوص موضوعنا بعرف الوقت مو مناسب بس لازم نحكي شو ما بدك انا جاهز بس خليني الباقي من عمري متل كل الرجال مابدي اكسر قلب امي وبوعدك عاملك بما يرضي الله
قمر: من وانا صغيرة كبرت على الظلم والشقى صار خلاف كبير بين ابي واهله وقلعونا كننا صغار عشنا بالآجار مع انه بيت جدي اوضاعهم كتير منيحة مرض بابا من القهر والزعل وضل مشلول صرت اشتغل وادرس مع بعض حملت مسؤلية فوق طاقتي وكنت سعيدة لانه عيلتي جنبي ومناح لحد ما صار صاحب البيت إلي مستأجرينه يتعرضلي كل يوم ويستفزني ويطلب مني اتزوجه وهو بعمر ابي لانه بيعرف ظروفي وإنه مافي حدا بضهري واليوم هددني من بكرا يفضحني ويحكي بسمعتي أو بفضي البيت والوضع بالبلد بتعرفه مافي بيوت واذا لقيت غالي كتير وفوقها مرض بابا لهالسبب وافقت على عرضك لأنه ماضل قدامي حل تاني وطلبي هو علاج بابا وبيت امن على أهلي فيه وكمان بدي كمل جامعتي
نوار: لو وحدة غيرك كان طلبت اكتر
قمر: لو بعيني المصاري كان قبلت من الاول بس هالمرة الظروف كانت أقوى مني
نوار: لا تفهميني غلط إنتي بنت قوية وقد حالك وبتخافي الله وهالشي إلي خلاني اختارك إنتي بالذات للزواج وأكل شي طلبتيه أعتبريه صار ومن بكرا بتزتي المفتاح لهداك الواطي وتسلميه البيت لبين ما يطلع الوالد بالسلامة بنكون اشترينا بيت وبس يتحسن صحة الوالد بجي وبطلبك رسمي قدام الناس
قمر: طيب لازم روح اتطمن على بابا هلا بكرا بنحكي … فتحت باب السيارة لتنزل وقفها صوته
نوار… قمر
قمر……
نوار: اوعك تفكري إني عم استغلك أنا بحاجتك اكتر ما تكوني إنتي بحاجتي
قمر: ابتسمت وكانت رح تسكر باب السيارة
نوار: ما بدك تعرفي قصتي وكيف صار معي هالمرض يمكن تغيري رأيك وتندمي
قمر: انا ما بتراجع عن كلامي لسا قدامنا وقت نحكي فيه هلا اهم شي أتطمن على بابا
نوار: ممكن آخر طلب
قمر: أتفضل
نوار: موضوع مرضي ماحدا بيعرف فيه غيرك وياريت يضل هالسر بيناتنا بتمنى ما تخبري حدا حتى أهلك
قمر: بوعدك ماحدا يعرف تصبح على خير
نوار بإبتسامة: تلاقي الخير … فاتت على المشفى وهو ضل صافن وعم يفكر كيف يفتح الموضوع مع أمه لأنه بيعرف مارح توافق على قمر وهو مستحيل يتزوج من البنات إلي بتختارها امه لأنه مستحيل يقبلوا يتزوجوا شخص عنده هالمرض دور السيارة ورجع عالبيت مرق على غرفة امه لقاها نايمة ابتسم بحب وكمل على غرفته أخد أدويته وخباهن منيح مشاان ماتشوفهن امو
بلشت خيوط الشمس تتسلل من الشبابيك كانوا واقفين قدام غرفة العناية كانت تراقب ابوها إلي الأجهزة محاوطة جسمه من كل مكان بظفصل بينهم شباك قزاز
سامية: الحمدالله إلي استجاب دعائي وطلع أبوكن بالسلامة
سمر: الحمدالله كانت هاي أطول واصعب ليلة بتمر علينا متل الكابوس
سامية: قمر بنتي ليش ساكتة وصافنة من أول ما اجيتي مارح تخبريني كيف دبرتي المصاري
قمر بتلبك: من صاحب المطعم إلي بشتغل فيه
سامية : بصفتو شو بيدفع بدالك كل هالمبلغ
قمر: بصفته الرجال إلي رح كمل معه حياتي طبيعي يوقف معي بهيك ظرف
سامية وسمر بصدمة: شوووو
قمر: كنت رح أحكي معكن بهالموضوع قبل بس ماصار مجال
سامية: بنتي اتطلعي بعيوني وأحكي الصدق بتحبيه عنجد ولا عملتي هيك مشان ابوكي
قمر بعصبيه: امي شو هالحكي هاد ما بتوثقي فيني يعني قلتلك من فترة بده يتقدملي وماصار مجال انا هاد الشخص إلي حابة عيش معه لشخصه مو لمصاريه اتطمني امي إنتي بتعرفي شو مربية
سوسن كانت تركض بالممر وصلت لعند قمر وحضنتها
…… الحمدالله على سلامته ليش ما خبرتيني مبارح كنت اجيت لعندك
قمر: الله يسلمك ماكان بدي خوفك بنص الليالي كل شي صار بسرعة اجيتي لحالك
سوسن: لا مروان معي كان عم يصف السيارة
اجى مروان وسلم عليهن وكان عم يحكي مع سامية … سوسن سحبت قمر على طرف سوسن: قمر اذا بدكن مساعدة مشان تكاليف المشفى أنا ومروان بنساعد بإلي بيطلع بإيدنا
قمر: تسلميلي مافي داعي دفعت كل شي
سوسن: شلون دفعتي
قمر: نوار هو إلي دفع
سوسن : نعااام مين نوار شهقت … نوار ماغيرو صاحب المطعم
قمر: اي هو
سوسن: بس انتي تركتي الشغل كيف دفع
قمر: نوار طلبني للزواج وانا وافقت
سوسن شهقت: شوووو…
قمر: وطي صوتك فضحتينا
4444444444444444
سوسن: قمر لا اتجننيني من وين لوين طلبك ووافقتي بين يوم وليلة وإنتي حتى مابتعرفيه
قمر: الشب أجى لعندي وقلي انا معجب فيكي وحبيت شخصيتك وطالبك وانا وافقت لحتى أخلص من هالعيشة إلي انا فيها لأني تعبت وماعدت قد هالحمل
سوسن: أنا مو بس رفيقتك انا اختك وبعرفك اكتر من حالك بعرف منيح وقت تكذبي علي هددك شي عمل معك شي لحتى بدك تتزوجيه هيك خبط لزق احكيلي الحقيقة مشان الله
قمر: لك لاا لا ماعملي شي ولا هددني بس إذا ما وافقت عليه واتزوجته في غيرو رح يعمللي شي إنتي بتعرفي إنه الزفت ابو محمود هددني بشرفي إذا ما بفضيليو البيت اليوم بيحكي لكل الحارة إنه انا بررح لعندو عالبيت أو بتزوجه وبابا إلي كان عم يموت شوبدك مني اعمل فرصة واجتني على رجليها بترجاكي سوسن وقفي جنبي هالمرة كمان ولا تضغطي علي
سوسن حضنتها: حبيبتي اسفة لا تبكي والله ماكنت بعرف كل هالشي صار معك بين يوم وليلة انا من خوفي عليكي حكيت هيك طيب شو رح تعملي مشان البيت
قمر: اهلي ما بيعرفوا باللي صار رح زتلو مفاتيحو هلا لهداك الواطي ولاقي بيت تاني
سوسن: طيب مروان رح يوصلني عالجامعة بناخدك بطريقنا
قمر: ماشي استنوني بالسيارة شوي وبلحقكن
مروان وسوسن طلعوا لبرا وقمر راحت لعند امها
ماما بدي خبرك شي بس اوعديني ما تزعلي
سامية: سو صاير كمان والله قلبي بطل يتحمل
قمر: ابو محمود اتصل فيني من شوي وقال باع البيت واليوم لازم نفضيه
سامية حطت إيدها على قلبها وصارت تبكي: ياربي دخيلك ساعدني شو اعمل بحالي هلا صفينا بالشارع يعني وين نروح بحالنا هلا
قمر: امي بترجاكي اهدي انا من شهر عم دور علبيوت وحطيت خبر بالمكتب العقاري في كم بيت رايحة شوفن ورح حاول استأجر بيت اليوم قبل بكرا لاتاكلي هم هالموضوع خليكي جنب بابا لازم حل هالموضوع قبل ما يطلع بابا من المشفى إنتي وسمر خليكن هون واي شي بصير بتتصلوا فيني
سامية: هالحمل تقيل كتير عليكي يابنتي
قمر وهي عم تمسح دموع امها: كلو بيمرق بس تكونوا بخير الله ما بينسى حدا و بعتلي انسان يوقف معي بهالمحنة لا تخافي علي باست جبينها وطلعت من المشفى ركبت مع مروان وسوسن وصلها مسج عالواتس
نوار: صباح الخير كيف صار الوالد طمنيني
قمر: صباح النور الحمدالله العملية نجحت بس رح يضل يومين بالعناية ليراقبوا وضعه
نوار: الحمدالله على سلامته…… وينك هلا
قمر: الله يسلمك … رايحة عالحارة بدي انهي موضوع البيت
نوار: بس تخلصي تعي عالمطعم مشان نروح نشوف بيت سالت واحد رفيقي بيشتغل بالعقارات في كم بيت رح نشوفهن
قمر: تمام نص ساعة وبكون عندك …
مروان: وصلنا ننزل معك ؟
قمر: يسلموا خلص انتوا كملوا طريقكن
سوسن: حاكيني بعدين
قمر: تمام … نزلت وراحت على محل ابو محمود. الموجود بأول الحارة
أول ما شافها صار يضحك بمكر
ابو محمود: كنت بعرف مرجوعك لعندي طبعاً لأنه مافي مكان يحويكن إنتي وأهلك
قمر: ما تحلم بهالشي … زتت الفافيح بوجهه.. اجيد رجعلك مفاتيحك وهاد بيتك فضيناه ومسامحتك بباقي الاجرة لانه جديد دفعتلك وهاي الحارة ماعد دوسها مرة تانية روح الله يصطفل فيك ولا يسامحك … مشيت كم خطوة ورجعت ورفعت اصبعها بوجهه: اذا تاني مرة بتطلعلي بوجهي رح تشوف مني شي ما بيعجبك … طلعت من محله ومن الحارة كلها واتنفست براحة وكأنه هم وأنزاح عن قلبها
نوار: طلع من غرفته وهو عم يسكر أزرار قميصه نزل لتحت لقى امه بتستناه عالفطور … صباح الخير ماما
فاتن: صباح النور يا عيون ماما اقعد الشاي سخن رح صبلك
نوار: مستعجل كتيير لازم امرق عالمطعم بفطر هنيك بدك شي ماما
فاتن: شبك ابني حاسستك مو على بعضك ومبارح حسيت عليك لما طلعت بوقت متأخر ورجعت آخر الليل لا تخوفني عليك ابني شو صاير معك
نوار: ست الكل بلشنا تحقيق؟ مافي شي اتطمني طلعت شم هوا ورجعت مشي كم خطوة ورجع... بدي قلك جهزي حالك هالكم يوم تخطبيلي
فاتن كانت بتشرب الشاي وأتشردقت وكأنها مو مصدقة إلي عم تسمعه … شو حكيت هلا عنجد ماما ماعم صدق مين هي وكيف لقيتها صرلي سنين راكضة وراك
نوار بإبتسامة : طولي بالك ماما شوي شوي علي هلا مستعجل كتير بس ارجع بنحكي ماشي يلا ادعيلي
فاتن: الله يوفقك يا ابني ويبعد عنك ولاد الحرام ويهنيك ويسعدك يارب ويفرحني فيك … ياربي كيف بدي اصبر لحتى يجي
نوار: فات على المطعم وراح على مكتبه لقاها واقفة قدام الصور المعلقة على الحيط وعم تتاملهن
صباح الخير
قمر: صباح النور
نوار: شو نطلع
قمر: ياريت مشان لحق ارجع عالمشفى
طلعت معاه على المكتب وشافوا صور لكم بيت أختارت بيت بسيط وحلو على قد اهلها وبنفس اللحظة وقعوا عقد الشراء والبيت اتسجل على أسم قمر اخدوا المفاتيح وراحو اتفرجوا عليه كان مفروش ومو ناقصه شي وفي اله حديقة صغيرة قمر: قعدت على الطاولة الموجودة بالحديقة وهي عم تتأمل كل مكان حواليها
نوار: عجبك البيت
قمر: كتيير …… نوار
نوار: نعم
قمر: كيف وصللك المرض وليش مابدك أمك تعرف
نوار اتبدلت ملامح وجهه للحزن. اتنهد لأنها عم تموت… ورجع بذاكرته لقبل خمس سنين
نوار كان عم يسوق السيارة بسرعة وعم يزمر ويضحك بصوت عالي
كريم(ابوه): على مهلك يا ابني رح تطير على شوي
نوار: أساساً انا طاير من الفرح ليش كم مرة الواحد بيروح يخطب لاخوه ولا شو رأيك ياعريس افردها شوي ليش مكشر بد تطفش العروس من هلأ ههه
نادر: مشان الله مو ناقصك انت التاني من غير شي متوتر ورح يوقف قلبي من وين جايب كل هالطاقة انت
نوار: ييي طول عمرك نكدي … صحيح وين ماما
كريم… عم تستنانا بالبيت رح نمرق ناخدها بطريقنا بتكون جهزت هلأ
نادر فجأة صرخ : نوار انتبه قدامك
……………………………………
==================
نوار: صوت نادر كان آخر شي بسمعه قبل ما أصدم بالشاحنة إلي اعترضت طريقي فجأة بعدها فتحت عيوني كنت عم انزف بأكتر من مكان بجسمي شفت بابا ونادر غرقانين بدمهم حاولت اتحرك من مكاني وروح لعندهم بس ماقدرت غمضت عيوني بتعب وصحيت بعدها بالمشفى على الفاجعة الكبيرة وإلي هي موت ابي واخي بهداك اليوم انا انكسرت متت معهن الشب الصايع المرح إلي بحب الحياة مات بيومها معهم أمي ما أتحملت الصدمة والخسارة إلي اتعرضتلها صار معها أزمة قلبية وكنت على وشك أخسرها هي كمان حاولت اكتم وجعي والكسور إلي كانت بجسمي ووقف جنب أمي وأسندها وحاول كون قوي وقويها معي
قمر بتمسح دموعها: الله يرحمهن صعب كتير تخسر شخصين من عيلتك بنفس الوقت
نوار: تعيشي
قمر: وشو صار بعدين
نوار: بعد كم شهر اتعافيت من الكسور والرضوض إلي بجسمي وأمي أتحسنت بس صارت وحدة تانية على طول خايفة تخسرني إلي كمان وكل ما بتأخر بالرجعة أو امرض بتموت من رعبتها وبهديك الفترة كنت اتعب على طول وتطلع علي أعراض غريبة أوقات ترتفع حرارتي بدون سبب ودكتور العيلة طلب مني أعمل تحاليل وخلاني عيد التحليل اكتر من مرة بالاخير صدمني وخبرني إنه معي هالمرض جنييت وصرت كسر كل شي حوالي وجنيت اكتر لما سألني الدكتور إذا عندي علاقات سابقة مع البنات صح كنت طايش بس مو لدرجة يكون إلي علاقات مع البنات
قمر: موشرط تكون اخدت المرض بهالطريقة في كتيير طرق ينتقللك المرض فيه
نوار: صح بعد تساؤلات كتيرة عرفت إنه لما عملت الحادث احتجت لدم وانا زمرة دمي نادرة بصعوبة لألتقى شخص يتبرعلي بالدم وبعد ما جابوه وحللوله طلع حامل المرض وما كان بيعرف إنه مريض لما اتبرعلي
قمر: امك ما بتعرف بمرضك؟
نوار: ما قدرت خبرها نبهت على الدكتور ما يخبرها لانها ما بتتحمل صدمة تانية ولهالسبب رفضت اتعالج بالمصح مشان ضل جنبها وأتعالج بالبيت بس بآخر فترة صارت تضغط علي لحتى اتزوج بحجة ماعندا حدا غيري وبدها تفرح فيني وكل يومين تجيب بنت وتعرفني عليها وانا ارفض لحد ما شفتك اول مرة بالمطعم
قمر: خبرت امك عن زواجنا
نوار: لمحتلها بس ما بتعرف عنك لسا اليوم بحكي معها
قمر: وبلكي رفضتني وما لقتني مناسبة
نوار: هالموضوع خليه علي … أنا لازم روح هلا انتقلوا عالبيت وبس يطلع الوالد بنجي وبنطلبك منه ولا تهملي جامعتك
قمر ابتسمت: الله معك
بمكان تاني كانت سوسن واقفة على السلم وبإيدها فرشات. الدهان كانت تدهن الحيط باللون الابيض وهي عم تدندن وتغني
مروان وهو حامل سطل الدهان: هههههههههههه لك شو عاملة بحالك ياهبلة عم تدهني الحيط ولا تتحممي فيه
سوسن: الحق علي إني عم ساعدك ووفر مصاريف العمال
مروان: طيب انزلي تعي جبت غدا فرط قلبي من الجوع بنتغدا وبعدين بنكمل
سوسن غسلت إيديها ووجهها وقعدوا اتغدوا … حبيبي إيمتى رح يجي العفش
مروان: الاسبوع الجاي وبأول الشهر الجاي بنحدد العرس شو رأيك وغمزها
سوسن مو مصدقة أخلص من كل هالعذاب ونعيش مع بعض تحت سقف واحد
مروان مسح على شعرها بحنية: ضل القليل بس
سوسن: اتأخر الوقت لازم الحق ارجع على السكن
مروان بإنزعاج: طيب يلا قومي لوصلك
سوسن: فاتت لجوا غيرت تيابها ولبست حجابها وطلعت مع مروان وصلها على السكن فاتت على غرفتها بس كانت بتجهل النظرات إلي كانت بتراقبها من بعيد
تاني يوم الصبح فاقت وجهزت حالها وكانت طالعة على ساحة الجامعة لتلتقي ب قمر قبل ما تبلش المحاضرة وقفتها بنت وقالتلها إنه مدير السكن طالبها ارتعبت لما سمعت بإسمه راحت على مكتبه دقت الباب وفاتت
خير استاذ مازن قال طلبتني
مازن لف كرسيه واتطلع عليها نظرة عميقة خلتها تتلبك … نور مكتبي والله ممكن اعرف يا آنسة وين عم تغطي لنص الليالي برا السكن
سوسن: عفواً وحضرتك مين موكلك ولي امري
مازن: وقف وراح لجهتها وكان قريب منها كتيير … طيب ما لان قلبك علي سوسن دفشته عنها وبعدت: انت واحد حقيير أنا مخطوبة وعرسي بعد كم اسبوع ما بغضب ربي ربخون ثقة خطيبي مشان مصاريك الوسخة رح اشتكي عليك وخليك تتخ بالحبوس انت وهالكم بنت إلي بيشاركوك بهالوساخة
مازن ضحك ضحكة ركجت كل المكتب: هههههههههه يا حلوة إنتي شكلك ما بتعرفيه لمازن لسه فتح درج مكتبه وطلع فلاشة صغيرة
5555555555
طلع الفلاشة وحطها باللاب الموجود على المكتب ولفه لجهتها … شو رأيك نبعت هالفيدية للسيد خطيبك رح ينبسط كتييير
سوسن اقتربت من اللاب وهي عم ترجف حطت إيدها على تمها من الصدمة وهي عم تشوف الفيديو صارت تصرخ بحالة هستيرية وهي عم تهجم عليه وتضربه … انت واحد حقييير وسخ كيف هيك الله لا يسامحك امسح هالفيديو بسرعة
مازن: هههه مو بهالسهولة إنتي بتعرفي منيح إني بمسح الفيديو بحالة وحدة بس
سوسن: فشرررت بموت وما بشتغل هالشغلة
مازن: ليش مصعبة الامور لهالدرجة كلها كم ظرف حبوب بدك تقنعي الطلاب وتبيعيهن ياهن وتقبضي حقك كاش ما تبعتي من حياة التعتير هاي لو طاوعتيني من زمان كان هلا انتي متزوجة ومو ناقصك شي
سوسن: بموت وما بمشي بهالطريق صح انا يتيمة وما الي حدا بس هاد ما بيعني اسمحلك تستغلني وتلعب بعقلي متل ما عملت مع كتير بنات بهالجامعة حتى لو ضل يوم واحد من عمري رح اكشفك أنت ووساختك وخليك تقضي عمرك بالسجون إلي عملته معي رح تدفع ثمنه غالي كتير
طلعت من المكتب وهي مو شايفة قدامها من الدموع شافتها قمر وهي ماشية
قمر بخول: سوسن شبك حبيبتي ليش عم تبكي مروان صايرله شي
سوسن: أنا انتهيت يا قمر كيف رح اطلع من هالمصيبة
قمر: اهدي شوي تعي نقعد وأحكيلي شو صاير معك
سوسن: شربت مي … مازن مدير السكن الجامعي
قمر: شبو
سوسن: مرة بالصدفة شفتو عم يحكي مع وحدة من بنات الجامعة ويحكيلها خدي هالحبوب وبيعيها للطلاب وعطاها مصاري وانا كنت بدي اهرب من خوفي اتفركشت وشافني وعرف إني سمعت حديثهن ومن وقتها عم يضايقني ويهددني مشان أشتغل معه وبيع المخدرات للطلاب بس بكل مرة كنت ارفض وهددو بالشرطة بس الحقير حاطط كاميرة بغرفتي ومصورني وانا عم غير تيابي وقال رح يبعت الفيديو لمروان اذا ما عملت متل مابده (انهارت) شو اعمل بحالي هلا
قمر: هالواطي بلا شرف معقووول كل هاد صاير معك وما بتحكيلي من الاول كان لقينا حل
سوسن: ما اتوقعت يضل وراي ويكون واطي لهالدرجة إذا بعت الفيديو لمروان ……
قمر: هسس خلص اهدي مارح يسترجي يبعتله لأنه ساعتها مروان رح يدبحو الو بالاول قومي معي غسلي وجهك وخلينا نحضر المحاضرة وبعدين بنفكر بحل لهالواطي
نوار
رجع على البيت بوقت الغدا كانت امه كالعادة عم تستناه على الطاولة ولسه ما اكلت باس جبينها ... كيفو الحلو اليوم
فاتن: قاعدة كل اليوم على أعصابي أحكيلي أبني مين رح تخطب وليش ماخبرتني قبل هلا
نوار: ماما إنتي كل همك تفرحي فيني وحاولتي تعرفيني على كتير بنات بس انا لقيت البنت إلي بتناسبني وإلي حاسس حالي رح كون سعيد معها
فاتن: مين هي احكي بقى
نوار: قمر … الصبية إلي كانت تشتغل عندي بالمطعم
فاتن: هديك إلي كبت القهوة على دلع وكانت ترد بوجهي بوقاحة؟ مستحييل ما لقيت غيرها من بين كل البنات الي حواليك
نوار: إنتي إذا عنجد بدك سعادتي رح توافقي ماما
فاتن: انا مو موافقة على هالبنت ماحبيتها ولا من مستواك
نوار: وأنا مارح أتزوج غيرها وهاد آخر كلام عندي مو معقول تخليني أتزوج بدون رضاكي وما تروحي تطلبيلي ياها بنفسك متل ما بتحلمي أحترمي قراري واختياري ماما ما إلي غيرك أنا
فاتن قامت على غرفتها سكرت الباب وصارت تبكي صح هي مو موافقة على هاي البنت بس بنفس الوقت مارح تقدر تزعل ابنها الوحيد إلي ما صدقت يوافق يتزوج مسحت دموعها وطلعت لعنده …… حدد موعد مع الجماعة لحتى نروح نطلبلك ياها
نوار بإبتسامة: هاي هي أمي الحنونة إلي بعرفها الله لا يحرمني منك
اتغدوا وطلع على غرفته حس بوجع بمعدته ركض على الحمام وأستفرغ أتطلع على حاله بالمراية كان وجهه أصفر أتمدد على تخته بتعب بعد ما اخد دواه وأستسلم لنوم عميق
بعد كم يوم أتحسن أبراهيم وطلعوه من المشفى بعد ما خبرته قمر إنهم أستأجروا بيت تاني وراح نوار مع أمه كان متوتر كتير فتحتلهم قمر الباب سلم عليها وفات أما فاتن قربت من أذنها وهي بتسلم عليها
فاتن: لا تفكري إني مبسوطة كتير لهالوضع بس أنا مجبورة ساير أبني بتمنى ما تخزليه لأبني وإلا بوقتها رح تلاقيني بوجهك
قمر أبتسمتلها وفاتت لجوا وطلبوها كان نوار شب راكز كتير وكلامه متزن أعجب أبراهيم بشخصيته وبعد ما أخد رأي قمر وافق على خطبتهم إلي كانت عبارة عن حفلة بسيطة مع كتب كتاب
يوم الخطبة
كانت لابسة فستانها الفضي الطويل وعليه شال ابيض ناعم حطت ميكب هادي طلعت سمر من وراها وهي عم تصفر
سمر: شو كل هالحلا لك قمر طالعة اسم على مسمى
قمر: ديش صارت الساعة وين بابا
سمر: صارت خمسة وبابا بالصالون مع ماما وصلوا الضيوف حضرة جناب العريس إيمت رح يشرف ليكون غير رأيه
قمر: هههه لأ هلا بعتلي عالواتس قربوا يصلوا
بعد شوي أجت سوسن مع مروان سلموا عليهن مع وصول نوار وفاتن ومعهم الشيخ والشهود كتبوا الكتاب ولبسوا الخواتم وحددوا العرس بعد شهر تاني يوم بالسكن الجامعي
طلعت سوسن بكير من غرفتها وضلت تراقب مكتب مازن وأتأكدت إنه طلع منها فاتت وصارت تدور بالدروج وبين الملفات إلي عالمكتب وكل شوي تتطلع على الباب خايفة يدخل ويشوفها سمعت صوت خطوات عم تقرب من المكتب اتلبكت وما عرفت كيف تتصرف وبسرعة قبل ما ينفتح الباب أتخبت تحت طاولة المكتب وهي ماسكة تليفونها حطتته على الصامت لحتى ما يرن ويفضحها
فات مازن على مكتبه وهو معصب ولحقته صبية من الجامعة كان لبسها قصير
مازن: شوفي ريتا مو كل شوي والتاني تنطي على مكتبي لا تخلي حدا يشك
ريتا: مصيبة يامازن
مازن: شوفي احكي
بهالوقت سوسن فتحت تليفونها وصارت تسجل أصواتهن
ريتا: وحدة من البنات إلي بتشتغل معنا طلعت حامل وأهلها بالضيعة بس عرفوا دبحوها
مازن: شووو بس ما تكون جابت سيرتنا بشي
ريتا: ما بعرف كان لازم خبرك باسته على خده وطلعت من المكتب
مازن: شرد ورجع بذاكرته
===========
_ كانت تتطلع عليه وعلى حالها بصدمة لملمت قميسها المنزوع وهي عم تبكي بحرقة
… شوعملت فيني ياحقير
مازن وهو عم يسكر زرار قميصه.... من كل عقلك مفكرتيني بحبك وبدي أتزوجك إذا بدك تضلي عم تتنفسي بتعملي إلي بقلك عليه بدون صوت وإلا شايفة هاي الفلاشة إذا وصلت لأخوكي إلي بالضيعة شو ممكن يساوي مسك رقبتها … هالرقبة الحلوة رح تنقطع
==========
مازن: غبيةقرب من المكتب أخد نلف وطلع
سوسن كانت حاطة إيدها على تمها وحابسة دمعتها بعد إلي سمعته صارت تخاف اكتر من هالشخص ولازم تتصرف قبل ما يصير فيها متل البنت إلي انقتلت … بعد ما اتأكدت إنه طلع طلعت من المكتب وهي عم تتطلع وراها لتتاكد إنه ماحدا شافها خلثت محاضراتها وكل الوقت هي شاردة بغير عالم حتى قمر عجزت تعرف شبها
بعد المحاضرة طلعت قمر من الجامعة شافت مروان واقف وعم يستنى
قمر: مروان كيفك وينا سوسن
مروان: بإستغراب... ليش سوسن ماكانت معك جوا ع اساس نروح نفرش البيت اليوم عم دقلها ماعم ترد
قمر: هي تركت الشغل بالمطعم كمان مو معقول تكون هنيك ومان طلعت قبلي من القاعة مابعرف يمكن حبت تتمشى شوي لا تشغل بالك هلا لحالها بتتصل فيك
خافت قمر يكون مازن عمل معها شي وماقدرت تحكي قدام مروان صارت تدق لسوسن اكتر من مرة لحتى ردت
سوسن
طلعت من قسم الامن وكانت متوترة كتير وعم تتطلع حواليها رن تليفونها اكتر من مرة فتحته … الو
قمر: سوسن لك وين أختفيتي فجأة شغلتي بالنا عليكي انتي منيحة
سوسن: منيحة اتطمني كنت تعبانة شوي حبيت اتمشى
قمر: مع أنه ما اقتنعت بس مروان انشغل بالو طمنيه عالاقل لانه بلش يحس إنك متغيرة
سوسن: سكرت التليفون وراحت على بيتها هي ومروان كان قاعدة بحديقة البيت ولما شافها دار وجهه
سوسن: زعلان مني
مروان: كتير صعبة تردي على تليفوناتي
سوسن: كنت تعبانة وحبيت ضل لحالي شوي حبيبي انت الوحيد إلي ما بتحمل زعله سندت راسها على كتفه وهو حاوط كتفهاو ابتسملها
مروان: مابدك تشوفي النتيجة النهائية للبيت
سمر شهقت: خلص؟
مروان: وأخيراً صار فيكي تنامي ببيتك من هلأ وتخلصي من السكن
سوسن بفرح: عنجد ماعم صدق بحبك كتييير … ركضت لجوا وهي عم تتامل كل زاوية بالبيت إلي عملوه من الصفر وبتعتبره قصر
نوار
كان واقف على حافة الجبل وهو عم يتأمل المناظر اتطلع عليها وابتسم…… تعي ليش واقفة بعيد
قمر من وراه: لأ أنا بخاف من المرتفعات ومستحيل أقدر وقف وكان ماأنت واقف بدوخ
نوار مد إيده: وثقي فيني
قمر بإيدين عم يرجفوا مسكت إيده وشد عليها ليطمنها سحبها لحتى وقفت جنبه وعي مغمضة عيونها غمض عيونه هو كمان ولساته ماسك إيديها … لازم نتغلب على نقاط ضعفنا ونكسر الخوف إلي جواتنا لحتى نعيش بهالحياة لازم ما نخاف من أي شي … أفتحي عيونك
قمر: اخدت نفس وفتحت عيونها حست شعور غريب رجفة بقلبها كأنها طايرة بالسما شدت على إيده لتحافظ على توازنها أتطلعت عليه وصارت تضحك
بقسم الامن
كان قاعد وعم يهز برجله وعروقه طالعين من العصبية
وقف المحقق قدامه ونزل لمستواه
المحقق: مطول على هالحالة سيد مازن شكلو عجبتك القعدة عندنا
مازن: أنا قلت كل إلي عندي بس حضرتك مصر تخليني اعترف على شي ما عملته
المحقق: شال الموبايل وفتح على التسحيل الصوتي
…………………
وهاد شو مو صوتك؟
مازن بصدمة : وأنا شو دخلني إذا غلطت واهلها قتلوها بدي احمل الجريمة عنهن يعني؟
المحقق: خراااس … البنت الي معك عم تحكيلك هاي البنت الي بتشتغل معنا وانت عم تحكيلا بس ما تكون جابت سيرتنا يعني انت عم تشتغل شي مو قانوني لحتى خفت هيك ومو غريبة تكون إنت إلي اعتديت عليها هيك رح تكون السبب بقتلها كمان … اختصر على حالك الطريق وأعترف
مازن: مارح اعترف بشي وا إلي أي علاقة ولا رح احكي شي إلا ليجي المحامي تبعي
المحقق……………
سوسن لابسة فستان ابيض وعم تدور فيه : قمر شوفيلي هالفستان ما احلاه يا الله كلون حلوين أحترت شو أختار
قمر: إلي لابستيه بجنن عليكي أعتمدي عليه
سوسن: طيب … ماعم صدق إنه قدرت اخلص من مازن واخيراً أنمسك
قمر: سوسن تعي لهون إنتي ماعم تخبي علي شي موو
سوسن: متل شو
666666666666666666
قمر: متل إنه تكوني إنتي إلي أشتكيتي عليه مثلاً؟
سوسن: بصراحة أي انا الي اشتكيت عليه
قمر: شووو
سوسن: هسس فضحتينا استني غير ونطلع نحكي برا
قمر: وهي طلعنا احكيلي شو صاير معك من إيمتى بتخبي علي
سوسن: ……………… وبعدين رحت على مركز الامن وقدمت شكوى والتسجيل عطيته للمحقق دليل كافي لتثبت التهمة عليه
قمر: اخ منك ياسوسن ليش لتعلقي مع هيك واحد هاد خطيير بيطلع منه كل شي خلص كنتي تطنشيه بما انك طلعتي من السكن
سوسن: ما قدرت قمر ما بتعرفي كم بنت عم يستغل هالواطي ويشغلهن بالمخدرات لازم ينحطله حد كان ممكن انا او إنتي نكون بدال الصبية إلي أندبحت طالما قادرة أعمل شي مافيني ضل ساكتة … هلأ شيلينا من سيرتو بكرا عرسك يا بنت وانا بعد أسبوع كنتي تتخيلي إنه نتزوج أنا وانتي بنفس الشهر
قمر: هههههه الصدفة بقى
سوسن: قمر إنتي كمان مخبية علي شي؟
قمر: لأ ليش هيك عم تحكي
سوسن: لانه ولا مرة بتجيبي سيرة خطيبك قدامي ولا بشوفك بتحكي معو معقول ما بتحبيه
قمر: من وين جايبة هالحكي معقول اتجوز واحد مابحبو نوار كتير منيح لسا ما اتعودنا عبعض وبحبني اجباري مارح نكون متلكن انتي ومروان بتحبو بعض من اربع سنين وكاتبين كتابكن من سنة … يلا خليني روح الحق جهز حالي من هلا
رجعت عالبيت وفاتت اتسطحت على تختها هاد آخر يوم الها ببيت اهلها وصلها مسج من نوار
… كيف معنوياتك
قمر: متوترة شوي خايفة امك ما تتقبلني او تشك إنه زواجنا شكلي
نوار: هالشي بضل علينا أنا وانتي لازم مانخليها تشك بشي يلا تصبحي على خير بشوفك بكرا بالعرس هههه
قمر: ههه تلاقي الخير
يوم العرس
وقفت السيارة قدام الصالة نزل منها وفتحلها الباب ومسك إيدها نزلت بفستانها الابيض إلي كان نفخته بسيطة وحجابها وطرحتها إلي زادوا من جمالها دخلوا على الصالة مع بعض
ابراهيم كان قاعد على كرسيه المتحرك وعم يتأمل بنته واخيراً اتطمن عليها وفرح فيها بعد ما تعبت معهم
صار وقت يرقصوا مع بعض كانت قمر متوترة اتطلعت فيه ابتسملها وشد على إيدها ليطمنها خلصت الحفلة ودعت قمر اهلها وصارت تبكي بحضن ابوها ابراهيم سلم على نوار وهمسله.... يا ابني بنتي أمانة عندك دير بالك عليها
نوار باس إيده … قمر بعيوني ياعمي
رجعوا على البيت دخلوا على غرفتهم
قمرر: حلوة غرفتك
نوار: شكراً … انا فايت بدل تيابي بالحمام غيري تيابك وارتاحي
قمر: فكت الحجاب وفلتت شعرها إلبني إلي نزل على ضهرها فتحت الخزانة وطلعت بجامة ولبستها ضبت الفستان وبهالوقت طلع نوار وكان لابس بيجامة
نوار ضل صافت بجمالها اول مرة بشوف شعرها غمض عيونه وحاول يزت هالافكار من راسه ما لازم يفكر فيها غير إنها صديقة مالازم يتعلق فيها ولا يخليها تتعلق فيه لانه بأي وقت يمكن يروح ويتركها ابتسم بوجهها : جوعانة…
قمر..... كتيير من الصبح ما أكلت
نوار: تعي نروح عالمطبخ نعمللنا عشى
نزلوا وأتعشوا بهدوء وطلعوا على غرفتهم نوار نام على الكنباية وقمر نامت على التخت
سوسن
بعد ما طلعت من الصالة مع مروان وصلها على بيتهم
مروان: يلا ياحلوة فوتي لجوا وأقفلي الباب وراكي منيح
سوسن: حاضر حبيبي وشوكمان
مروان: كان بودي فوت معك بس ما رح تستقبليني
سوسن: طبعاً ما رح استقبلك كم يوم وبنتزوج وبنصير ندخل عالبيت مع بعض تصبح على حبي
مروان: مسك إيدها وباسهن وإنتي من أهلي
سوسن: فاتت لجوا وسكرت الباب واول ما شعلت الضو صرخت بصوت عالي … مااازن
مازن: كان قاعد على الكنبة ولافف رجل ع رجل: ياعيونه لمازن شو رأيك بهالمفاجئة
سوسن عم تحاول تستوعب الصدمة: كيف طلعت من السجن كيف فتت لهون؟
مازن: ولوو بتعرفيني مافي شي بيصعب علي لو بدك بطلع الحية من وكرها كمان
سوسن: اطلع من هون أنقلع من بيتي قبل ما لم الناس عليك
مازن: مفكرة إذا قدمتي شقفة تسجيل وقدمتي بلاغ رح تتخلصي مني لااا إنتي غلطانة كتيير صار يقترب منها شوي شوي وهي عم تبعد لحد ما استندت بضهرها عالحيط حاصرها بإيديه… دليلك مو كافي ليثبت علي التهمة لهيك طلعت ياحلوة الحق علي إني ما بعتت الفيديو لخطيبك من الاول ماكان أسترجيتي تلعبي معي
سوسن شهقت: بعتت الفيديو لمروان؟
مازن: مع شوية مونتاج مشان يستمتع وهو عم يتطلع عليه
سوسن بتحاول تفلت من بين إيديه..... حقييير وااطي اتركني الله ياخدك
مازن: صار لازم ودعك لانه اكيد حبيب القلب هلأ رح يجي لعندك ويحاسبك بس لحظة قبل ما امشي …… مرر إيده على كتفها ونزع الفستان بأكتر من جهة وطلع من البيت وهي لساتها على نفس الوضعية من الصدمة حاضنة كتفها بإيديها اتكورت بالزاوية فلت حجابها ونزل شعرها على وجهها ثواني وكان مروان بالبيت دفش الباب وهو عم يصرخ سوسن وينك سوووسن… شافها قاعدة ومتكورة بالزاوية وكض لعندها وصار يهز كتفها بقوة شاف حالتها وفستانها المنزوع ضل عم يهزها بقوة وهي بغير عالم من الصدمة مروان وهو عم يبكي : إنتي كسرتيني كسرتي ضهري ليش صار يصرخ… ليييش هيك عملتي فيني جاوبي لك انا زوجك ومكتوب كتابي عليكي ماخليتيني المس إيدك شو هاد إلي شفتو اليوم وشو حالتك هاي كان هون؟
سوسن: ………
مروان: جاوبيني إلي بعتلي الفيديو كان هون وهو إلي عمل فيكي هيك موو احكي ليش ساكتة خليتية يلمسك
سوسن بصرااخ: خلص بقى بكفي معقول مانك واثق فيني كل هالسنين طلعت ما بتعرفني كيف بتشك فيني بهاي الطريقة
مروان : الفيديو والصور إلي وصلولي بيشرحوا كل شي
سوسن: ماكنت بعرف إنه حاطين كامرات بغرفتي صدقني هاد واحد وسخ وطلب مني بيع الممنوعات بالمدرسة وانا رفضت…
مروان: وليش ما خبرتيني من الأول ليش لتخبي عني هيك شي … قعد جنبها على الارض وصار يضرب راسه على الحيط إلي وراه… صار شي بينكن؟
سوسن عم تهز راسها من الصدمة: ماعم صدق مروان كيف بتحكي عني بهالطريقة انت مو واثق فيني؟ أحكيلي إذا قلتلك هلأ إنه أعتدى علي شو رح تعمل احكي ليش ساكت
مروان: مسح وجهه من الدموع وقام من مكانه كان ضايع كتير وما بيعرف كيف يتصرف حمل حالو وطلع من البيت وصار يتمشى بالشوارع متل المجنون عقله ما بيستوعب إلي صار مجرد التفكير بالي شافه عم يجن لف ودار كتير لحتى تعب اتذكر سوسن وكأنه صحي على حاله رجع على البيت ع طلوع الفجر كان الباب مفتوح دور عليها مالقاها ماكانت موجودة بكل البيت صار يكسر كل شي بيطلع قدامه بدو يلاقيها ويلاقي اجوبة لكل الاسئلة إلي براسه بس هي اختفت فجأة
======
قمر: فتحت عيونها وصارت تتفحص الغرفة حواليها ما لقت نوار فاتت عالحمام وغسلت وجهها ولبست أنفتح باب الغرفة
نوار: صباح الخير
قمر: صباح الورد
نوار: تعي اعمللك جولة بالبيت ونطلع نفطر مع امي بالحديقة
قمر: طلعت معه وهي عم تتعرف على البيت كان بسيط وديكوره جميل وقفت قدام صور معلقة عالحيط…… هدول ابوك وأخوك. الله يرحمهم ؟
نوار بتنهيدة: اي هني
قمر: كتير بتشه ابوك
نوار: مسكها من إيدها حست برجفة بقلبها ماعرفت ليش اتصرف هيك بس هو جاوبها…… مشان امي ما تشك
طلعوا سلموا عليها وفطروا مع بعض بس فاتن عم تعامل قمر بنشافة وتحاول تهتم بنوار وتتجاهلها بس قمر اتصرفت طبيعي وأتقبلت ردة فعلها
فاتن: الناس رح يجو مشان المباركة لا تطلعوا من البيت
نوار: اليوم وبكرا مو طالعين بس بعدها متطرين عندي شغل وقمر عنها جامعة مالازم تهملها
فاتن: كيف رح تقدري توازني بين جامعتك وزوجك
قمر بإبتسامة: متل ما كنت وازن بين جامعتي وشغلي وبيتي من قبل لا تشغلي بالك
نوار: شو رايكن نتصور مشان يضل ذكرى
قمر أتطلعت عليه بغصة ابتسملها قربوا على بعض وأتصوروا صورة جماعية
مروان
كان لساته على نفس القعدة ووجهه شاحب عم يتصل عليها بس تليفونها مسكر حس إيديه مربطين اتصل ب قمر
قمر: مروان كيفك وكيفها سوسو
مروان: حكالها كل شي صار معهم
قمر: شو عم تحكي كيف طلع هالواطي من السجن
مروان: لحظة انتي بتعرفي بالقصة وما خبرتيني
قمر: مروان ما بعرف اذا انت صدقت سوسن ولا لأ بس كلشي قالتلك ياه صحيح بالصدفة سوسن كشفته ومن خوفو تكشفو صار يلاحقها بس سوسن سجلت صوتو وقدمتو للشرطة لهيك هجم عليها
مروان: أنا رايح على مركز الأمن خايف يعمللها شي لازم نلاقيها بأسرع وقت
قمر: طيب انا رح اسأل رفقاتنا بالجامعة عنها و أنت طمني شو بصير معك بعدين ضل بالي مشغول هلا
مروان حط خبر عند الامن وخبروه إنه مازن في وراه ناس كبار بيدعموه وما قدروا يثبتوا عليه شي
كان كل همه يلاقي سوسن ويتطمن إنها بخير فجأة أتذكر المكان إلي كانت تروح عليه وقت تزعل
بمكان تاني
كانت واقفة سوسن على حافة الجبل ودموعها مغرقين وجهها عم تتذكر أيامها مع مروان بالرغم من انها عاشت يتيمة ووحيدة بس لقت الحنان ودفئ العيلة معه هو ومو متخيلة إنه بسبب مازن وإلي صار ما يصدقها ويتخلى عنها اتطلعت لتحت وهمست…… ما ضل عندي حدا حارب الحياة مشانه انا عشت وحيدة ورح موت وحيدة
اجاها صوت صراخ من بعيد … سوسن
غمضت عيونها لما سمعت صوته عم يقرب منها
مروان وهو عم يقترب خطوة خطوة: حبيبتي شو عم تعملي عندك تعي خلينا نحكي ع رواق
سوسن: أنا تعبت مروان حتى تركتني باكتر وقت كنت بحاجتك فيه خليني موت وأرتاح
مروان: ما تركتك ولا رح أتركك بحياتي وإذا مصرة تمواي حالك هلأ بموت معك… وقف جنبها ومسك إيديها
سوسن: شو عم تعمل
مروان: إلي عم تعمليه أنا مافيني عيش بدونك حبيبتي
سوسن: حتى بعد إلي شفته
مروان: إلي صار ما كان الك ذنب فيه خلينا نمشي من هون
سوسن: ما صار شي بيني وبينه بموتزوما بخلي حدا يلمس شعرة مني
مروان: حضنها واخدها على السيارة ورجع على البيت من التعب نامت فوراً ضل صافن فيها وهو عم يتوعد لمازن رن تليفونه وكانت قمر
قمر: كيفك مروان طمني لقيتها
مروان بتعب: اي هي نايمة هلا اتطمني
قمر: الحمدالله انتبه عليها ببقى بمر عليها
قمر
كانت بتجهز حالها لتطلع على جامعتها مع نوار
نوار: طلع من الحمام ورجهه اصفر قعد على طرف التخت
قمر: ركضت لعنده وسندته.. انت منيح نوار
7777777777777777777777777
نوار.. بيحكي بصعوبه… عطيني الدوا من الدرج
قمر: جابت الدوا وعطته كاسة المي كانت مرعوبة … اتصل بالدكتور او آخدك عالمشفى
نوار مسك إيديها: لا تخافي انا منيح هلا شوي وبتحسن يلا خلينا نطلع
قمر: بس انت تعبان خليك بالبيت
نوار: لا ما رح ضل بالبيت مشان ما تستلمني أمي أتطلع بعيونه: خفتي علي
قمر: طبعاً خفت كل ما بشوفك تعبان هيك برتعب ما بعرف شو بصرلي بترجاك نوار ما تهمل أدويتك
نوار: لمس وجهها بإيديه بس بسرعة بعد عنها لما أتذكر مرضه ... شو نمشي
قمر: ممكن زور اهلي بعد الجامعة و بدي شوف رفيقتي سوسن
نوار: اكيد روحي وين ما بدك
قمر
راحت على الجانعة بس سوسن ما اجت خلصت المحاضرات وراحت لعند اهلها الي استقبلوها بفرح وهي كل الوقت عم تمثل عليهن إنها الزوجة السعيدة مرقت بعدها لعند سوسن إلي كانت متحسنة شوي
سوسن: اهلين بالعروس
قمر: خوفتينا عليكي مبارح مروان كان رح يموت رعبة عليكي
سوسن: قمر هدوء مروان عم يخوفني
قمر: هو شب واعي وبيعرف ما الك ذنب بشي بس انتي غلطتي وقت وقفتي بوجه مازن لانه مارح تقدري عليه اهتمي بعرسك الي بعد يومين وانسي كل شي
يلا انا راجعة لعند اهلي جاي نوار ياخدني من هنيك
سوسن: سلمي عليهن
قمر
رجعت بس لقت الباب مفتوح فاتت طلعت سمر بوجهها
سمر: اجيتي احزري مين قاعد جوا
قمر: مين
سمر: قصي ابن عمك اسماعيل
قمر: شووو شو بدهم منا لسة ما بكفي إلي عملوه فينا
سمر: ما بعرف تعي نفوت لجوا ونشوف
قمر: فاتت لجوا: السلام عليكم
إبراهيم : فوتي بنتي هاد… ابن عمك
قصي: إنتي قمر ما شالله كتير متغيرة كنتي صغيرة وقت سافرت لادرس
سامية: قمر السنة الجاي رح تتخرج و اتزوجت الاسبوع الماضي
قصي: جد؟ ماشاء الله الله يهنيها … اقعدي قمر انتي وسمر بدي تسمعوا الحكي إلي بدي احكيه…… أنا بعد ما سافرت على فرنسا لادرس ماعرفت شو صار معكن لأنه ماحدا خبرني شي وانا مانزلت إلا بعد ما خلصت دراسة الطب واخدت اختصاص أخدت مني سنين اول ما وصلت سألت عنكن وأختي خبرتني كل شي جنيت وصرت دور عليكن بكل مكان والحمدالله إني شفتكن
إبراهيم نطق بصعوبة بسبب الشلل: انا يا أبني انظلمت انا ومرتي وولادي لانه أبوك إلي من لحمي ودمي اتهمني بالسرقة وحرمني من املاك أبي اشتغلت بوظيفتي وربيت ولادي بس المرض خلاني بهالحالة وبنتي قمر هي إلي اخدت مكاني كانت تدرس وتشتغل سوا وما خلتنا نحتاج لحدا
قصي اتطلع على قمر بفخر: انا بعتزر عن ابي عن كل إلي عشتوه بس أنا ما رح أتخلى عنكن بعد ما لقيتكن
قمر: نحنا مو بحاجة مساعدة ولا شفقة من حدا وصل هالحكي لعمي
قصي: لا تفهميني غلط أنا بس بدي كون قريب منكن انتوا عيلتي وبابا اتوفى من فترة وكان ندمان كتيير ندمان وبده يشوفك يا عمي قبل ما يموت ليعتذر منك
أبراهيم نزل راسه ومسح دمعة نزلت من عينه قمر مسكت إيده وشدت عليها
إبراهيم: الله غفرله ويسامحه
اندق باب البيت وقفت قمر… انا بفتح هاد نوار … فتحت الباب وفات نوار إلي استغرب بوجود قصي بالبيت
نوار: مسا الخير
الكل: مسا النور
قمر: نوار زوجي … قصي ابن عمي كان مسافر
نوار: سلم عليه وقعد شوي وبعدها استأذن ومشي مع قمر الي ودعت اهلها وقلبها مو متطمن من ناحية قصي وظهوره المفاجئ
بعد يومين
دخلوا على الصالة وهني ماسكين إيدين بعض أتطلعت فيه وعيونها مدمعين
مروان مسح دمعتها وشد على إيدها: وأخيرا هاد احلى يوم بحياتي
سوسن: بحبك كتيير
قمر: يلا رح تقضوها وقفة فوتوا رح يبلش العرس
أجوا اهل قمر ومعهم قصي وصار وقت رقصة العرسان اجى نوار لعندها
نوار: بتسمحيلي بهالرقصة
قمر بإبتسامة .. اكييد ... مسكت إيده وحاوطت كتفه حست بشعور غريب أتجاهه بلشت تتعلق فيه وتتعود على وجوده بحياتها بس بنفس الوقت ما بدها هالشي يصير لانه مستحيل يكونوا زوجين حقيقيين
خلصت الحفلة وطلعوا مع بعض لانه كلهم على نفس الطريق ودعوا مروان وسوسن وقصي وصل بيت عمه وكمل وكانوا نوار وقمر سابقينه بس انصدم لما شاف سيارة نوار واقفة بنص الطريق نزل بسرعة وركض لعندهم نزلت قمر وهي عم تبكي
قمر: قصي الحقني نوار مدري شو صرله
قصي: اهدي شوي خليني شوفه أنا دكتور بسرعة افتحي صندوق سيارتي جيبيلي شنطة الاسعافات…… فحصه وبعد. محاولة رجع نوار لوعيه كان وجهه أصفر
قصي: انت منيح
قمر تبكي
نوار: أنا منيح خلص قمر لاعد تبكي وانت دكتور شكراً لألك
قصي: العفو انا بالاذن سلامتك مرة تانية
كان رح يمشي لحقته قمر
قمر: قصي… نوار منيح عنجد؟
قصي: زوجك عنده امراض؟ يعني سبق وصار معه نفس هالحالة ماعمل تحاليل
قمر بخوف: ليش عم تسأل
قصي: إذا إلي شاكك فيه يكون صح بيكون مصيبة لازم يروح عالمشفى ويعمل تحاليل لنتأكد قمر بأرتباك: طيب شكرا
رجعت لعند نوار ورجعوا عالبيت وكل الوقت شاكة إنه قصي شك بمرض نوار شو رح تعمل إذا عرف وخبر اهلها
مرقوا كم شهر
مروان
كان عم يغلي القهوة فاقت سوسن على ريحة القهوة
سوسن: يا سلاام شو محظوظة أنا كل يوم بفيق بلاقي قهوتي جاهزة
مروان: لا تاخدي وش كتير هلأ عم دللك بس لانه عندك امتحانات ولازم تترفعي
سوسن وهي بتشرب القهوة : حبيبي طول ما طلع مازن من حياتنا كل شي رح يكون منيح بس انت متأكد إنه ماالك علاقة بحبسته
مروان: مجنونة إنتي مع انه كنت بتمنى اقتله بإيدي بس الله جازاه من عنده الو اعداء كتار بكون شي حدا وقعه
بمكان تاني وتحديداً بالمشفى كان واقف نوار وهو منهار وجنبه قمر عم تحاول تواسيه
نوار: أنا إلي لازم كون جوا هلا مو أمي ياقمر ما بقدر اتحمل يصلا شي
قمر: إن شاء الله ما بصرلا شي خلي املك بالله كبير
طلع الدكتور من غرفة العمليات وركضوا لعنده
الدكتور: عملنا كل إلي بيطلع بإيدنا بس الوالدة قلبها تعبان كتير للأسف مارح نقدر عمل شي اكتر من هيك هي هلأ عايشة على الأجهزة فقط وبدونهم القلب مارح يتحمل
نوار: هجم على الدكتور: انت شو عم تحكي بدك تتركها تموت ما رح اسمحلك أمي رح تعيش عم تفهم مارح تموت وتتركني هي كمان أنا إلي لازم موت مو هي
قمر حاولت تهديه بس كان منهار كتير اجا قصي على صوت صراخه لانه بيشتغل بنفس المشفى مسك نوار واخده على احدى الغرف وعطاه مهدء غمض عيونه ونام على أثر الدوا طلب يعملله شوية فحوصات لانه هالمرة لازم يتأكد من شكوكه بعد كم ساعة استلم نتائج التحاليل قرأهم اكتر من مرة وهو مو مستوعب عم يفكر بقمر وكيف بده يخبرها هيك خبر أتصل فيها وطلبها على غرفته
قمر دقت الباب وفاتت كان التعب باين على وجهها: خير قصي في شي
قصي: أقعدي بالاول الموضوع خطير ولازم نحكي فيه
وقت اتزوجتوا إنتي ونوار حللتوا قبل الزواج؟
قمر: قصي انت لوين بدك توصل ليش هالسؤال هلأ
قصي: لأنه نوار معه مرض خطير
قمر: نزلت دمعة من عيونها… بعرف
قصي بصدمة: كيف يعني بتعرفي إنه معه الإيدز؟
قمر: اي بعرف
قصي: ما عم اقدر استوعب إنتي مجنونة شي كيف بتتزوجيه ومعه هيك مرض يعني إنتي كمان بكون نقللك المرض هلأ هاد اسمو انتحار مو زواج احكيلك حدا هددك او جبرك عمللك شي لحتى اتزوجتيه لانه مستحيل وحده فيها عقل تعمل عملتك
قمربعصبية : أي انجبرت بتعرف شو إلي جبرني إني عشت معزاهلي بالقلة شفت كل انواع العذاب كنت اركض لحالي وأنا بنت مشان امن الدوا لبابا إلي كان عم يسوء حالتو قدام عيوني وماكنت املك حق عمليته انجبرت لانه صاحب البيت إلي كننا مستأجرينه على طول كان يلحقني ويهددني إذا ما عملت إلي بيطلبه مني يقلعنا برا البيت ويفضحني لما بابا كلن عم يموت وبده عملية ما لقيت احدا غير نوار جنبي هو إلي طلعني من كل هالعذاب وانقذ ابي
قصي بصراخ: هاد اسمو استغلال استغلك لحتى يتزوجك لانه بيعرف مافي وحده فيها عقل بتقبل فيه
قمر: زواجنا مو حقيقي افهام بقى
قصي: كييف
قمر: فيك تقول كانت صفقة زواج مو اكتر يعي زواج على الورق بس قدام امه والناس لانه إمه كان قلبها تعبان ومولاقية صدمة تانية وكانت تنق عبيه يتزوج وهو خبى عنها مرضه
قصي: ماعم صدق راسي رح ينفجر كل هالشي صاير ومخبيتيه عن الكل
قمر: ورح يضل مخبى قصي عم تسمعني هالسر ما رح يطلع من بيناتنا انازوعدت نوار إنه ماحدا رح يعرف بس انت عرفت لحالك إذا إلي عندك شوية معزة ما بتحكي لحدا إلي عرفته
قصي بغصة: حبيتيه
قمر: وشو رح يتغير إذا حبيته او حبني نزلوا دموعها: بأي لحظة ممكن يروح بس رح ضل عند وعدي ورح ضل ماسكة إيده لآخر لحظة
قصي: المرض عنده متقدم كتير لانه ماعم ينتبه لعلاجه وادويته لازم يدخل على مصح طبي لياخد علاج مكثف
قمر: رافض مشان ما تعرف امه بمرضه وما بده يبعد عنها والدكاترة فقدوا الامل من حالتها
قصي: انا رح تابع حالته لنوار واتطمني مارح خبر حدا وهالشي رح يضل سر بيننا لإني حاسس حالي مذنب بكل إلي عشتيه لو ماكنت مسافر ماكنت سمحت ابي يعمل هيك ولا كنتوا عشتوا كل هالظروف
قمر: أنت ما ألك ذنب هيك نصيبنا وقدرنا وقفتك جنبي بهاي الظروف بتكفي…… رايحة أتطمن على نوار
طلعت من عنده وهي عم تمسح دموعها وتحاول تلبس قناع القوة فاتت لعند نوار كان لساه نايم قعدت جنبه على السرير ومسكت إيده نزلوا دموعها غصب عنها: لما عرضت علي الزواج هداك اليوم عصبت وفكرت بدك تستغلني وحسيتك اناني بس بعدين لما شفت الجانب الحقيقي من ششخصيتك اتغيرت نظرتي لألك عرفت إنه انت طلبت تعيش حياة طبيعية متل كل الناس وهاد من حقك ياريت أتعرفتنا والتقينا بغير ظروف ياريت أنا اتعلقت فيك نوار ومابدي أخسرك كون قوي وما تضعف بترجاك نوار: فتح عيونه بتعب وأتطلع عليها … كنت استمد القوة من أمي وقاوم مشانها بس خسرتها هي كمان تركتني متل ابي وأخي لشو بدي قاوم ماضل عندي شي أخسره
قمر: وأنا شو مشاني هالمرة كون قوي ولا تضعف أنا جنبك نوار ومستحيل اتركك
نوار: كل شي عملته كان مشان فرح امي وهي راحت ماعد اسمح إنك تتعذبي معي ولا رح أظلمك أكتر من هيك إنتي صبية أول عمرك من حقك تعيشي حياتك وتحبي وتنحبي وتأسسي عيلة وكل هدول مو موجودين عندي أنا عاجز
88888888888888888
قمر ببكاء: بترجاك لا تحكي هيك انا رح ضل جنبك مارح اتركك
نوار: رح تضلي جنبي أي بس مو زوجة … كصديقة ممكن
قمر: نوار
نوار: هاد آخر كلام عندي ساعديني هلأ بدي روح ودع ماما لآخر مرة … غمض عيونه وهو بيحكي آخر كلمة ليمنع دموعه
قمر: سندته لحتى وقف وراح على قسم العناية شافها من الحيط القزاز إلي بيفصل بينهم كانت الأجهزة موصلة بجسمها فتحت الممرضة الباب ودخل بخطوات بطيئة لجوا ولحقته قمر قعد على ركبه عالأرض جنبها ومسك إيدها وباسها وحضنها …… كنت عم جهز حالي لحتى ودعك كنت خايف موت وأتركك لحالك بس صار العكس إنتي إلي رحتي بدون ما تودعيني وتركتيني وحيد ويتيم شو إلها معنى حياتي بدونك باس جبينها ونزلت دمعة من عيونه على خدودها
قمر: سحبته من إيده وبعده عنها أجت الممرضة وصارت تفك الاجهزة عنها ونوار منهار على كتف قمر إلي كانت تبكي بحرقة على حاله ………
بعد مرور سنة
ماسكة ألبوم الصور وعم تقلب فيهن طلع بين إيدها الصورة إلي بتجمعها مع فاتن ونوار ابتسمت وبعيونها نظرة حزن ضبت الالبوم وقت انفتح الباب ودخلت سمر
سمر: يييي لساتك قاعدة رح نتأخر ولا كأنه اليوم حفلة تخرجك مديرتنا الحلوة
قمر: بلا غلاظتك هلا سمر صرتي اول سنة جامعة ولساتو عقلك صغير
سمر: كنتي عم تتفرجي عالصور قبل ما ادخل؟
قمر: اي
سمر: لهلا مو مستوعبة الشي إلي مريتوا فيه إنتي ونوار بالرغم من كل الصعاب والعقبات إلي واجهتوها قدرتوا تتغلبو عليها وتحققوا احلامكن بالرغم من طلاقكن علاقتكن ضلت قوية ومبنية عالاحترام
قمر: هيه الحياة هيك قاسية ولازم نضل نحارب لحتى نقدر نعيش فيها ونوار أنسان طموح وقلبه طيب متل ما وقف معي بوقت ضعفي وكان سند لألي هلأ صار دوري اسنده ووقف معه
سامية: يابنات لساتكن على حالكن يلا اجا قصي مشان يوصلنا
سمر: يلا انا سابقتكن
قمر: لبست روب التخرج وحطت الطاقية فوق حجابها طلعت متل الأميرات طلعت مع امها ومرقت لعند أبوها إلي كان متمدد على سريره باست إيده … أدعيلي بابا
أبراهيم:الله يرضى عليكي يابنتي انا فخور فيكي كتيير حتى لو متت هلأ رح كون مرتاح وانا مأمن على عيلتي
قمر: لا تحكي هيك بابا الله يطول بعمرك انت مصدر قوتي بهالحياة انا بدونك كتيير ضعيفة وهشة
إبراهيم: الأعمار بإيد الله يابنتي قصي رجال منيح وشهم ورح يصونكن انا متطمن إنه الله عوضكن عن ظلم عمكن بحنان ورحمة قصي إلي ما تركنا ولا يوم من لما عرف مكاننا وإجى سكن قريب مننا لحتى ما نحتاج لحتى
قمر: الحمدالله ... باست جبين أبوها وطلعت كانوا الكل بالسيارة وعم يستنوها سامية قاعدة جنب قصي وسمر من ورا قعدت جنب سمر … كيفك قصي
قصي وهو عم يتاملها بزي التخرج: الحمدالله ماشاء الله طالعة بتجنني
قمر بإبتسامة: تسلم
بعد مدة قصيرة وصلوا لمكان حفلة التكريم وهنيك ألتقوا بمروان وسوسن إلي كانت لابسة زي التخرج وطايرة من الفرح
سوسن: مروان حبيبي عندي الك مفاجئة حلوة
مروان: أحلى من تخرجك يعني؟
سوسن: يعني ههه
مروان: احكي بقى لا تحرقي اعصابي
سوسن: ممممم انا حامل
مروان: كيف حامل يعني رح يصير عندنا بيبي
سوسن: ايييي
مروان: ياجماعة اسمعوني انا رح صير أب اليوم فرحتي فرحتين
الكل باركولهم ورح يبلش الحفل وقمر عم تدور حواليها فجأة أبتسمت لما لقته جاي ومعه بوكيه ورد
نوار: مبارك التخرج كتير فخور فيكي
قمر: الله يبارك فيك خفت ما تجي
نوار: معقول ما كون موجود بهيك يوم مهم وبعدين رح نصير شركاء شغل بعد كم يوم رح نعمل الافتتاح
قمر: مو مصدقة إنه قدرنا بظرف سنة نعمل هيك مركز طبي كبير ما بتتخيل قديش ناس رح يتعالجوا فيه
نوار: وأولهم أنا … كله بفضلك إنت إنتِ إلي إنتشلتيني من نص حزني وقلتيلي بدال مانك قاعد عاجز قوم وأعمل بمصاريك شي يفيدك ويفيد غيرك خلي يكون ألك بصمة حلوة بهالحياة لانهزفي كتير ناس بعانوا متلك بهالمرض وما عندهم القدرة والجرئة يتعالجوا قديش ناس عم ينعدوا ويعدوا غيرهن بسبب قلة الوعي وعدم معرفة المرض أنتِ ياقمر وجهتيني للطريق الصحيح من بعد ما كنت مفكر حالي رجال عاجز ما منه فايدة هلأ انا فخور بحالي وباللي عم نعمله سوا
قمر: وانا فخورة فيك كتيير بشكر ربي لأنه في بحياتي صديق متلك رح ننجح مع بعض وأنا لساتني عند وعدي لألك نوار: انتبه على نظرات قصي لأله بكل مرة بيجتمعوا سوا بيحس إنه بيتضايق منه …… في شي تاني بدي خبرك ياه
قمر: شوهو
نوار: قصي بيكنلك مشاعر
قمر: مابعتقد شو خطرلك فجأة
نوار: لإنتي شب متله بفهم على نظراته هو بحبك كتير لا تخسريه لانه مارح تلاقي شخص يحبك ويصونك متله
قمر: ولشو هالتلميحات هاي بدك تتخلص مني يعني
نوار: بدي أفرح فيكي واتطمن عليكي وأعرف إنك مع الشخص الصح
قمر: وبرأيك قصي هو الشخص الصح؟
نوار: أسألي قلبك بتعرفي……… لا تنسي وقفته وشهامته معنا بعز ضعفنا حافظ على سرنا لو غيره ماكان عمل متله
قمر: أبتسمتله ومسكت بوكيه الورد من إيده ومشيت لعند سوسن
خلصت الحفلة وكان هاد أحلى يوم بحياة قمر وسوسن إلي جنوا ثمرة تعبهم وشقاهم لسنين طويلة
بعد كم يوم كان يوم أفتتاح المركز
قمر: فاقت بكير وجهزت حالها كانت متوترة كتيير سمعت زمور السيارة برا ودعت اهلها وطلعت لقت قصي عم يستناها بالسيارة قعدت جنبه … صباحوو
قصي: صباح الورد … شو كيف معنوياتك
قمر: كتيير متوترة حاسة حالي طالبة صف اول رايحة قدم اول امتحان لألي متوترة اكتر من يوم تخرجي
قصي: اتطلع بعيونها بعمق …… اليوم مافي مجال للخوف والتوتر
قمر: أتوترت اكتر من نظراته لالها: قصي شكراً لوجودك بحياتي انت دعمتني كتير وبكل مرة كنت اضعف لاقيك جنبي
قصي: هاد واجبي
وصلوا على المركز وكان نوار بأستقبالهم
نوار: اهلا وسهلا بشركائي
قصي: سلم عليه … اهلا فيك ماشاء الله كلشي من احسنه المكان مو ناقصة شي ومأمن فيه كل وسائل الراحة للمرضى
قمر: نوار كتير حريص بهالامور وبيهتم بأصغر التفاصيل
نوار: وانت ألك دور كبير بنجاح هالمكان رح نستفاد كتير من خبرتك الطبية بالدراسة برا
قمر: شو رأيكن ناخد صورة تذكارية بهاد اليوم المهم ونعلقها بالمكتب جوا
نوار: يلا انا رح صور تعوا قربوا شوي وابتسموا شوي
شبكن
ههههههه
==================
قمر
أقدارنا مكتوبة على جبيننا من أول يوم خلقنا فيه
بس مع هيك كل أنسان منّا بيحلم وبيرسم بخياله حياة حلوة وأحلام كتيرة بيسعى ليحققها بحياته
في أشخاص بتحس وجودهم بحياتك مو صدفة أبداً وكأنهم ملائكة الله بيبعتهم الك لحتى يمسكوا بإيدك ويوجهوك للطريق الصحيح وأنت نفس الشي الله بيحطك بطريق ناس بكونوا ضايعين وأنت إلي بتمسك إيديهن وتساعدهن يكملوا مشوار حياتهن … شعور كتير حلو إنك تكون سبب تخفيف الالم لكتير ناس ما بيعلم بوجعها عير الله …
#أنتهت.
لا تتسوا تعطوني رأيكن 💜