.webp)
ادم: امي انا قررت اتجوز
الام بفرحه: ومين صاحبه النصيب
ادم :رانيا
الام بصدمه : رانيا مين
ادم: الدكتوره رانيا اللي كانت مسؤول عن حاله محمد صاحبي في المستشفى العسكري
انا غصب عني سمعت كلامهم كنت رايحه اعمل النسكافيه عشان اكمل مذاكره وبعد ما سمعت ما حستش بحاجه بعدها غير وهما بيفوقونى
ادم :يا شيخه حرام عليكى نشفتى دمنا خالتى بصالى وعينيها كلها دموع ادم خرج وسأبنا لقيت خالتى بتقول سمعتنا هزيت راسى بمعنى ايوه قالت لي هحاول اتكلم معاه قلت لها لا هو بيعاملني على ان اخته الموضوع منتهى
اعرفكم بنفسي انا اسمي فريده مامتي ماتت و هي بتولدنى و كالعاده لأى زوج طبعا بابا اتجوز بعدها وانا عايشه مع خالتي كرم ابنها اخويا في الرضاعه ادم يبقى ابني جوز خالتي مامته توفت وخالتي هى إللى ربته لان باباه اتحوزها وربته كانه ابنها بالضبط ادم ضابط فى الجيش
فعلا راحوا للعروسه وقدامهم شهر ويتجوزوا عدى الشهر بسرعه كرم دائما بيضحكني وحاول ينسيني لهيت نفسي في المذاكره وخصوصا الامتحانات قربت يمكن انسى وجه يوم الفرح واتجوزوا كرم ما سبنيش خالص ورقص معايا في الفرح لوحدنا وده ضايق عروسه ادم جدا لانها المفروض تكون بطلت الليله دى كانت اول مره ادم يوافق على حاجه نطلبها عدي الفرح على خير وعدى اشهر معاه عروسه ادم كانت رافعه مناخيرها في السماء كانت بتعامل خالتي معامله وحشه لكن خالتى كانت بترفض تضايق ادم بالكلام ده يمكن ما كنتش بتسال على خالتي غير في وجود ادم غير كده هي تقريبا ساكنه معانا في البيت لحد ما جاء اليوم اللي اتهمتني في انى شتمتها واهانتها فيه زي ما قالت لقيت ادم نازل زي الاعصار باعلى صوت بينادي عليا فريييييده خرجت من اوضتي واكرم وخالتي كمان خرجوا على صوته
خالتي :في ايه يا ابني
رانيا: خلاص يا ادم انا مسامحها
ادم: حالا تعتذر لرانيا علي اهانتك لها
قولت له ايه اللي بتتكلم عنه
قال لي اعتذري اعتذري لها
قولت له مش هعتذر الا اما اعرف اهانه ايه دي
خالتى ادخلت وقالتله اهانه ايه يا ابني احنا اساسا ما بنشوفش رانيا غير وانت موجود
صوته على على خالتى وقالها انتى هتقفى فى صف بنت اختك انا مش عارف هى قاعده معنا ليه ما تروح تقعد عند ابوها مش كفايه بنصرف عليها ما انش الاوان بقى لقيت خالتي ضربته بالقلم قالت له انا ما عرفتش اربيك انت ما بتتصرفش عليها من جيبك كل الفلوس دي فلوس ابوها يبعتها كل اول شهر وانت عارف كويس قوي هي ليه مش قاعده عنده اطلع بره
خرجت من حضن كرم إللى كان خدنى فى حضنه اول ما ادم زعق وحكيت اللي حصل كنت نازله على السلم وقررت ارمى عليها السلام وكان ساعتها عم محمد البواب واقف كل إللى قولته ازيك عامله ايه لقيتها بتقول لي وانت ما لك ما بقاش الا انتى كمان انت فاكره عشان انا ادم عاطف عليكى وسايبك عايشه معنا هتبقى بني ادمه سبتهم ودخلت اوضتي قررت امشي وابعد واروح عند بابا وادى طنط هناء فرصه زي ما كان على طول بيطلب مني ودي نفسي كمان فرصه وانسى ادم كتبت لخالتو ورقه في اوضتي ومشيت من غير ما اعرفها مكاني مش عارف ازاى قولت اللى قولته وازاي اساسا صدقت رانيا لقيت نفسي قاعد مع عم محمد اللي قالى ان رانيا هي اللي هانت فريده مش العكس ركبت عربيتى ومشيت رجعت البيت نصف الليل وقررت اعتذر لامي ولفريده دخلت لامي أوضتها حاولت كثير اعتذر رفضت الاعتذار وقالت لي لما صاحبه الشأن تسامحك هسامحك قلت لها انا مسافر الصبح ويا عالم هارجع ولا لا ممكن تيجي معايا اوضه فريده وبالفعل وافقت رحنا لقينا الاوضه فاضيه وفي ورقه على السرير بتقول ان فريده مشيت وأننا ما ندورش عليها أمى بصالة بصه عمري ما هنساها نظره خذلان اني عملت كده خرجت من الاوضه كنت هتجنن عاوز اعرف فريده راحت فين ما عنديش وقت المفروض اسافر الصبح بقيت مش عارف اعمل ايه قعدت في اوضتي الصبح طلع كلمت كرم يمكن يكون عارف مكانها قالى مش عارف وطلع فيه مره واحده انت صدقت مراتك مراتك اللي مبنشوفهاش غير ايام اجازتك وبس ما نعرفش بتروح فين وبتيجي منين
خرجت من بيت خالتي وانا قلبي موجوع معقول يكون ادم قال لها فعلا كده رحت عند بابا اللي اول ما وصلت طنط هناء اخذتني في حضنها دخلتني اوضتي اللي لقيتها وكانها لسه خالصه حالا قالت لي كل يوم بنظفها عارفه انك ممكن تيجي في اي وقت عشان كده بنظف باستمرار ابتسمت لها ابتسامه خفيفه وانا من جوايا خايفه منها اساسا قالت لي هاسيبك ترتاحي على ما بابا يجي واديني بقى لي اسبوعين عند طنط هناء بتعاملنى بكل حب بس خايفه اطلب خالتي عارفه انها هتزعل بس طنط هناء قالت لي ما ينفعش لازم اطمئنها عليا كلمتها اطمنت عليها بس ما قلتلهاش مكاني فين وبمجرد ماقفلت مع خالتى فوقت علي صوت طنط هناء وهي بتقول حسبي الله ونعم الوكيل باقول لها في ايه لقيتها بتقول لي كمين انضرب فى سيناء اتجننت وبقيت عمال اقول لها كلمه واحده بس الكمين اسمه ايه الكمين اسمه ايه ادم ادم والكمين وفوجئت انه كمين ادم بقيت عماله اصوت وانهرت جدا ومش على لساني غير ادم ادم طنط هناء مش عارفه حاجه ولا عارفه مين ادم لقيت بابا راجع من شغله داخل علينا وبيسال ماله ادم طنط هناء حكيت له اللي حصل بابا حاول يهديني وقال لي هنشوف اسماء المصابين اللي بالفعل كان من ضمنهم ادم بابا كلم كرم لانه كان تفكيري مش شغال ما كنتش عارفه اعمل ايه وبالفعل كرم رد على بابا وقال له ان ادم في مستشفى العريش واحنا لازم نروح له وبمعارف بابا قدر يجيب طياره خاصه نروح فيها ايوه مهو بابا لواء وصلنا المستشفى اناو كرم وخالته وبابا وطنط هناء سالنا على ادم قاله في العمليات وقفنا حوالي ساعتين شفنا فيهم كثير قوي في مخيلتنا المستشفى مقلوبه شهداء ومصابين وجرحى واخيرا خرج الدكتور من العمليات جرينا عليه طمني يا دكتور ويا ريته ما رد علينا قال ادم اخد ثلاث رصاصات قدرنا تخرج اتنين والثالثه مش قادرين ولو ما خرجتش هنضطر نعمل بتر القدم خالتي ما استحملتش وقعت مننا دخلناها اوضه هي كمان سالت كرم فين رانيا قال لي المفروض ان انا كلمتها وقالت انها جايه ما كملناش كلامنا لقيتها جايه بتسال كرم على ادم كرم قالها للدكتور قاله كنت متوقعه ان هتنهار لكن فجئت بردها يعني ايه يعني جوزي هيكون عاجز ازاي لا طبعا ما ينفعش واكيد حتى لو شاله الرصاصه هتسبب اثر يعني ممكن يكون اعرج رد عليها كرم وقال لها الحمد لله قضاء اخف من قضاء والحمد لله الله يكون في وسطنا في فوجئت بيها بتقول له يعني جوزي يبقى عاجز لا طبعا لو ده حصل انا مش هاكمل معاه لقينا الدكتور خارج من العمليات وبيقول محتاج احد من اهالي المقدم ادم كرم قالوا انا اخوه جاءت لي حاله ذهول من كلام الدكتور للاسف حاولنا كثير و مضطرين للبتر ومحتاج حد من اهل المقدم ادم يمضى على تعهد وبصيت على رانيا لقيتها واقفه عادي جدا لقيتها بتقول لكرم لما اخوك يفوق خليه يبعث لي ورقتي وسابتنا ومشيت عدي 24 ساعه وادم فاق وكلنا دخلنا له كان طبيعي اول سؤال يسال عن رانيا رانيا فين ما حدش فينا عارف يرد عليه ولا يقول ايه كلنا بصينا لبعض وصمت تام في الاوضه ايه ما لكم في ايه سكتم ليه فين رانيا هي ما جتش اكيد اتحول لها حالات على مستشفى العسكري في القاهره عشان كده ما قلتلهاش كرم قرر يتكلم للاسف يا ادم هي جت ومشيت ادم استغرب يعني ايه جت ومشيت كرم هو انا ليه مش حاسس برجلي الشمال والثاني مره عجزنا عن الرد ما حدش عارف يرد
بابا قرر يتكلم ادم انت بطل وفضلت تقاوم للاخر مع الارهابيين بس للاسف وفجاه ادم انفعل كرم
خالتو:يا ابني خليك مرتاح احسن يا ابني
اتعصب اكثر كررررررم قلت اسندى وفعلا كرم سنده وكانت مفاجاه لينا كلنا لما لقيناه بيحاول يلمس رجله اللي اتبطر نصفها
ولقيته بيوجه الكلام ليا فريده رانيا عرفت هزيت راسي يمين وشمال بمعنى لا ورجعت هزتها فوق وتحت معنى ايوه
حد يرد على رانيا جاءت ومشيت ليه هنا خالتي قررت ترد عليه هي جاءت ولما عرفت اللي حصل قالت انها تمشي وقالت كمان اى ااااااا
ما تتكلمي ما تكملي كلامك يا امي مالك هي حصل لها حاجه
هنا بابا اتكلم بص يا ادم يا ابني انت لما دورت دورت على الشكل عيون خضر وبياض ناصع لكن نسيت الجوهر والاصل وللاسف مراتك طلع معندهاش اصل ولا اي شيء عرفت اللي حصل لك وسابت لك معانا رساله لما تفوق نبلغهالك
ادم : ايه هي الرساله دي بقى
بابا :انك تطلقها لو حصل بتر القدم لانها ما عندهاش استعداد تكمل معك
ادم عشان عاجز مش كده
هنا دخل الدكتور والحمد لله ان ادخل في الوقت ده عافانا كلنا من الاجابه
الدكتور حمد لله على سلامتك يا بطل هات غلط عليك الكلام عشان جرحك فمن فضلكم بلاش كلام كثيره غلط عليه ودلوقت سيبو سياده المقدم يرتاح كلنا خرجنا بره بس ادم نده على الدكتور واحنا طالعين ليه حصل بتر للاسف الرصاصه كانت صعبه جدا واخترقت القدم استقرت فى العضم فكان لازم بتر ممكن حضرتك تركب طرف وساب ادم وخرج
رجعت ثاني لادم
من فضلك يافريده سبينى لوحدى خرجت فعلا وسيبته
بعد اسبوع ادم خرج من المستشفى رافض تماما فكره الطرف الصناعي وقالوا انه هيمشي على عكاز وبالفعل تم طلاق رانيا زي ما طلبت حاولنا معاه كثير انه يركب طرف بس رفض تماما و خالتي قالت لي يا ابني ركبه عشان لما ربنا يكرمك وتتجوز ضحك بتهكم وقال لها اذا كان اللي كانت معايا وانا سليم رفضت تكمل ما بالك بواحده هتاخدني كده لا يا ابني دور على اللي بتحبك دور على واحده يكون عندها أصل و تكون اهلها مربينها بجد
عدي حوالي 6 شهور و ادم زي ما هو رافض كل حاجه قاعد في اوضته باستمرار قررت ادخل اتكلم معاه يا ابيه ما تيجي معنا نخرج الواد كرم بيقول لي في حته مطعم فاتح جديد و هيعزمني ما تيجي معنا يا ابيه
لا يا فريده روحوا انتم
هتفضل حابس نفسك كده لحد امتى احنا موجودين في الدنيا دي للاختبار كل واحد بياخذ اختيار شكل وانت يا ابيه فشلت في اول اختبار انت حابس نفسك في اوضتك انت لازم تنزل وتنزل رافع راسك اللي حصل لك محصلكش في خناقه على الناصيه وانت بتعاكس بنت ولا وانت بتسرق اللي حصل لك ده حصل وانت بتدافع عن ارضك وطنك وعرضك ضد ارهابي خسيس جبان ما لوش مله ولا دين انت اقوى من كده انت بتضيع عمرك اللي هتتسال عليه يوم الدين في وسط اربع حيطان ركب الطرف وكمل حياتك الدنيا مش بتقف على حد وخرجت من غير ولا كلمه و عدي اسبوع على الكلام ده و لقيته بيتصل بيا وبيقول لي عاوز اتكلم معاكى
هنتكلم في اي حته بره البيت
لا لا بره البيت لا
يا ابيه في الكافيه اللي جنب البيت هنتكلم فيه هستاذن من بابا وانزل سلام وبالفعل تقابلنا في الكافيه اللي هناك الناس عارفه ادم كلهم رحبوا بيه جدا يمكن فرقت معاه حسيت ان فرحانه ان الناس فعلا مقدراه
اتكلم سامعاك
ساعات بسال نفسي ازاي عيله صغيره قادره تخرجنى من اللي انا فيه بعد ما امي ماتت ابويا قرر يتجوز عشاني وفعلا اتجوز وجاءت ماما مديحه عاملتني زي ابنها ويمكن اكثر لحد ما جيه كرم اخويا وفضلت برده على ما عملتها ليا بعد ما كرم تولد بكم شهر امي خرجت ورجعت معاها بنوته صغيره قالتلى دى اختكم اعتبرتها اختي فعلا كنت لهم الاخ الكبير فعلا كان عندي ساعتها 12 سنه مرت ايام وسنين وانا بعامل لهم المعامله دي وخصوصا البنت كنت باختار لها لبسها واسرح لها شعرها واوصلها المدرسه و اجيبها من المدرسه لحد ما وصلت ثالثه اعدادي قررت ابعد عنها حسيت ان مشاعري جوايا بتروح في حته ثانيه خفت دفنت مشاعر جوايا بس لحد النهارده مشاعري ناحيتها زي ما هي
لقيت نفسي بساله اخت!!!؟
هتصدقيني لو قلت لك لا
ها•••••• ها ايه يا فريده انتى معايا
مش فاهمه
فريده تجوزيني
ما حستش بنفسي كنت طائره طائره من الفرحه جدا كنت حاسه اني باحلم اخيرا الحلم هيتحقق
فريده تقبلي تعيشي مع واحد اكبر منك ب12 سنه
تقبلى تعيشى مع واحد عا
موافقه
واياك تقول كده ثاني بس عندي طلب طلبين
اسمه شرط لا لا هم طالبين بس هنروح للدكتور ونركب طرف وتأكدتاكد ان الموضوع ده مش فارق معايا خالص عشانك مش عشاني عشان ادم قوي ولازم يكمل
هاكمل وانتى معايا
هنكمل سوا هاعمل فرح على الضيق ونروح نعمل عمره سوا موافق
طبعا موافق عدت ايام وسنين والحمد لله ادم وكرم فتحوا مكتب هندسه وانا كنت معاهم في اغلب الاوقات والحمد لله ربنا رزقنا بيزيد ويزن
تمت بحمد الله اتمنى اعرف رايكم حلوه ولا وحشه