قصة واقعية ولا كان الحب عمره باختيارنا دا كان قدرنا وبإدنا ايه

: ولا كان الحب عمره باختيارنا دا كان قدرنا وبإدنا ايه؟
_ صوتك جميل
كنت واقفة فى البلكونة وبغنى والدنيا ضلمة اوى وبشرب شاى بنعناع، وسمعت الصوت دا واتخضيت
: بسم الله انت مين وفين وازاى
_ اهدى اهدى فى ايييه لكل دا، انا واقف فى البلكونة اللى جنبك يا ستى بس عشان الضلمة مش شيفانى
: اه..طب عن اذنك انا داخلة
_ استنى..احم كنت عايز اقولك بس..
ملك بحدة: مبتكلمش مع غربا عن اذنك..ودخلت وسبته
ادهم: مالها دى..بس صوتها حلو
_______________&
/ طيب يا دكاترة دلوقتى هتيجى معيدة جديدة تحت التدريب واللى هيشرف عليها دكتور أحمد
احمد: تمام
..دخلت بنت بخطوات واثقة وهى مبتسمة ابتسامة خفيفة وكانت لابسة ادناء وخمار وكانت رقيقة جدا..
احمد بصدمة: ملك
ملك اول ما شافته ابتسامتها اختفت واتخنقت لا إراديا ووشها حمر اوى وعيونها دمعت تلقائى
/ انتو تعرفوا بعض ولا ايه
ملك مسحت دموعها وبصتله بتحدى وثبات عكس اللى جواها: لا يا فندم معرفهوش
احمد كان متوقع منها ردة فعل اقوى ولكن صدمته بردها بأنها متعرفهوش
/ تمام، دكتور احمد هيشرف على تدريبك يا دكتورة
ملك: تمام حضرتك
خرج العميد ورئيس القسم وباقى الدكاترة وبقى احمد وملك بس..
احمد بلهفة: ملك ازيك
ملك بحدة: أسمى دكتورة ملك، ياريت نحافظ على الألقاب يا دكتور
احمد بتردد: ملك..انا..انا
ملك بكره: أسمى مياجيش على لسانك يا دكتور بدون كلمة دكتورة، واتمنى الحدود ما بينا ما تزدش عن الشغل وبس...عن اذنك
طلعت ملك وهى منهارة تماما عكس الثبات اللى كانت عليه، خبطت فى حد وهى ماشية فى طرقة الدور ووقعت فى الارض
: أنا آسف اوى مقصدش والله خلينى اساعدك..هاتى ايدك
ملك رفعت وشها ليه واللى كان متغرق دموع ومحمر وبدون وعى مسكت أيده وقامت ومشيت بسرعة
أدهم بصدمة: مش معقول كتلة الجمال دا وهى معيطة اومال هى وفرحانة بقى شكلها عامل ازاى...بس هى بتعيط ليه
ادهم مش انت دكتور علم نفس تحليل شخصية ما تلحقها يابنى لتعمل حاجة..صح انا صح الحقها أحسن..



: ليه ياربى أقابله تانى ليييه، دانا ما صدقت أنساه، ااااه يا رب يا رب..
ادهم جيه من وراها وسمعها ومكانش فاهم حاجه بس حمحم وهو بيمدلها منديل: احم احم. اتفضلى امسحى دموعك
ملك بصتله وزعقت: وانت مين انت كمان ماشى ورايا ليه
ادهم قعد جنبها وهو بيقول بنبرة مرحة فيها بعض الاستفزاز: وانا همشى وراكى ليه ياختى كنتى مين انتى عشان امشى وراكى
ملك نفخت بضيق ومردتش عليه
ادهم: انا فعلا كنت ماشى وراكى وبراقبك وهراقبك
ملك بسخرية: ليه يابنى هو انا كرة البعبع وانت روز زهرة الخريف المتفتحة هتراقبنى
ادهم ضحك بعلو صوته لدرجة أن كل الطلاب اللى فى المكان بصولهم وضحكوا وملك اتكسفت جدا
ادهم بضحك: فظيعة انتى والله يا...هو انتى اسمك ايه صحيح
ملك: أسمى م...وانت مالك أسمى ايه هو انت هتصاحبنى ولا ايه
ادهم: يابنتى اتهدى واتكلمى براحة شوية الله
ملك بنفاذ صبر: عايز ايه انت مش فاهمة انا
ادهم بهدوء: كنتى بتعيطى ليه..ومتقوليش وانت مالك عشان هعرف يعنى هعرف
ملك ببرود: انت مالك برضو
ادهم بجدية: بصى اى إن كان سبب عياطك ايه، بس لو عشان شخص بلاش تعيطى عليه دا مش الحل الوحيد
ملك: اومال اعمل ايه
ادهم وطى شوية لوشها وقال بنبرة أشبه بالهمس: اجلطيه ، افقعيله مرارته ، بصى من الاخر كدا خليه يتجن ويسال نفسه مين دى وازاى بقيت كدا
ملك حودت عينها فى كل الاتجاهات وبعدين بصتله وقالت: أبعد
أدهم: ها
ملك قامت بسرعة ومشيت وهى بتسرع خطواتها وادهم قالها بصوت عالى: متنسيش تجبيله السكر يااا...يا سكر
ملك وقفت ولفتله وابتسمت ليه ومشيت تانى
ادهم حط أيده على قلبه بحالمية وقال: ضحكت يعنى قلبها مال...ولا ووقعت يا دكتور ومحدش سمى عليك



ابتدت ملك التدريب فى السكاشن وكان أحمد بيقيمها، كانت بتحس بنظراته ليها ولهفته لما يشوفها، كانت بتتجاهله تماما ومتردش عليه ولا ترضى تتكلم معاه.
عدى شهر على الأحداث وما زالت ملك بتتجاهل احمد وتشوف ادهم بالصدفة ويحصل بينهم كلام خفيف زى صباح الخير، عاملة ايه ، واستفزاز ادهم ليها..
: ملك انا لازم اتكلم معاكى بجد، لازم تسمعينى
ملك بتأفف: اوووف خير نعم عايز ايه
احمد: خلينا ننزل تحت فى الكافتيريا ونتكلم
ملك: مبقعدش مع حد انا لا فى كافتيريا ولا غيره
احمد بغيرة: بس بتقعدى مع حد تانى غيرى صح زى دكتور ادهم مثلا
ملك بصتله بحدة وقالت : انت ملكش كلمة عليا عشان تقولى اقعد مع مين ولا مقعدش، انت اخر واحد المفروض انك تتكلم معايا اصلا مفهووووم
احمد: اتغيرتى يا ملك اوى وبقيتى حادة وقوية
ملك بجمود: ملك البريئة اللطيفة الهادية اللى ضحكت عليها وكسرتها ماتت من سعة اللى عملته
احمد بندم: والله العظيم ندمت صدقينى، تعالى نرجع لبعض ووالله هعوضك عن كل حاجة عملتها
ملك هزت راسها بدون تصديق: لا لا مش ممكن انت مجنون صح، انت عايزنى بعد كل اللى عملته ارجعلك تانى؟ دا بعينك يا احمد ومشيت وسابته
احمد بحزن وهو باصصلها وهى ماشية قدامه(يعنى هى وماشية قصاده هو باصص عليها): ندمت بس بعد ما خسرتك يا ملك



ادهم كان قاعد فى الكافتيريا على جنب وبيفطر ساندوتشات طعمية وشاى ولا كأنه دكتور وليه هيبة
ملك دخلت الكافتيريا وكانت بتدور عليه ولقيته فى ركن لوحده، راحتله وخدت ساندوتش وكلته قدامه وهى بتعيط ومش حاسة بنفسها
ادهم بصلها بهدوء وسابها على راحتها ومتكلمش وكان مبتسم
خلصت الساندوتشات كلها وبصتله ببراءة وقالت ما بين دموعها بنبرة لطيفة: آسفة اكلتهم كلهم
ادهم قربلها وقال بابتسامة جذابة: لو عيزانى اجبلك تانى فى مقابل تورينى كل يوم شكلك المحبب دا معنديش مانع
ملك شهقت وفضلت تكح وهو يضحك عليها واداها مية تشرب: يوووه اومال لو قولتلك انك النهاردة حلوة اوى بقى
ملك كحت جامد ووشها حمر اوى ومقدراش تاخد نفسها وهو كاتم ضحكته وبيشربها مية...بعد دقيقتين هديت ملك واخدت نفسها وقالت بصعوبة: مش معقول كنت هتموتنى والله
ادهم بمرح: ياااه يا جدع عشان اكلتى سادوتشاتى شوفى حصلك ايه
ملك: انت باصصلى فيهم بقى
ادهم: يا ستى لا بهزر
ملك بصت الناحية التانية ومردتش
أدهم: مالك بقى؟ ايه اللى رماكى عليا المرادى جيالى من نفسك
ملك من غير ما تبصله قالت بألم: ملقتش حد اقعد معاه ومعرفش حد غيرك فجيتلك
ادهم فرح من جواه أنها قصدته ولكن محبش يبين دا فقال بثبات: والسبب ايه بقى
ملك بصتله بعمق وقالت: السبب انى تعبت..تعبت اوى، تعرف ليا سنتين بدفع تمن حاجة معملتهاش يا أدهم، ليا سنتين بسال نفسى هو انا عملت ايه عشان يحصلى كدا..انا انا وحيدة اهلى كنت. هادية ومنطوية ومع نفسى، كنت بحاول التزم فى دينى ودراستى، ظهر هو فى حياتى..خطبنى، ساعدنى ابقى معيدة..كتبنا الكتاب..وسافر بعثة لأمريكا و..ههه طلقنى غيابى
ادهم اتصدم من كلامها وهى كملت: طلقنى غيابى لسبب مجهول..كنت فى بيتنا بجهز بقى لفرحنا واشترى فى جهازى وادعيله يرجع بالسلامة غاب سنة بالظبط كنت فى السنة الأخيرة من الكلية وعلى مشارف ابقى معيدة..وفجأة الاقى مبعوتلى جواب فيه ورقة طلاقى بدون سبب، فضلت سنتين تانيين فى بيتنا مبخرجش ولا بتكلم مع حد وبابا من حسرته عليا..ورفعت عيونها لعينه وقالت بنبرة متحسرة: مات. بابا من حسرته عليا مات يا أدهم، حالتى اتبدلت ١٨٠ درجة، تفكتر ايه السبب يا ادهم ليه طلقنى طب ليه اتجوزنى وعشمنى ويرفعنى لسابع سما وفجأة يرمينى لسابع ارض لييه يا ادهم لييييه..
ادهم كان بيتوجع من جواه عليها ومكانش عارف يعمل ايه
ملك مسحت دموعها باديها وفجأة بكيت بعنف وهى حاطة أيدها على وشها وادهم مش قادر حتى يمسك أيدها يطمنها فقال بنبرة مطمنة: عيطى براحتك وانا معاكى وهفضل هنا سامعك
ملك شالت أيدها وبصتله بوشها المحمر وادهم ابتسم وقلبه دق جامد وقال بحب: يا ويلى يا ويلى من هالجمال والله. ملك تتجوزينى
ملك بصدمة: ها
ادهم بحماس: تتجوزينى...موافقة صح. أيوة وافقى بالله لتوافقى
ملك بسخرية: ادينى فرصة افكر طيب
أدهم: امممم يبقى هسمع رايك شوية على البلكونة بقى
ملك باستغراب: بلكونة ايه
ادهم بخبث: ولا كان الحب عمره باختيارنا دا كان قدرنا وبإدنا ايه
ملك بصدمة: هو انت ال..
ادهم بضحك: اه انا..شوفتى الصدف بقى عرفتك علطول ازاى..يلا سلام ورايا محاضرة بقى..
ملك بابتسامة قالت بعد ما مشى: ادهم اللطيف


بليل كان ادهم وملك قاعدين فى البلكونة وبيبصوا للنجوم والقمر
ادهم: لسة زعلانة
: من ايه
ادهم: مش عارف بس يعنى شايف فى عيونك حزن
ملك: اللاه هو انت منهم بتوع الازر
ادهم بضحك: هههههههه لا يا ستى مش منهم ولا عمرى دخلت لواحدة اصلا
ملك: ابننا مؤدب ماشاءالله
ادهم بغرور مصطنع: اومال يا بنتى
ملك لسة هترد لقيت احمد واقف تحت وباصص عليهم بعصبية هز راسه ومشى شوية
ملك كانت نزلاله بس ادهم وقفها وقال بترجى: متنزليش
ملك بصتله وبصت لاحمد اللى رجع تانى و:... ملك فتحت درج التسريحة واخدت حاجة ونزلت لأحمد
ملك وهى بتسمك دراع احمد توقفه: استنى انتى جاى ليييه
احمد بعصبية: كنت جاى اصلح كل حاجة بس الظاهر انك لقيتى واحد غيرى خلاص
ملك بحدة: احترم نفسك، انت ايه يا اخى ها ايه الأنانية اللى انت فيها دى
احمد بندم: ملك انا..
ملك بصراخ: بس اسكت.. اسكت خالص، انا اللى هتكلم انا اللى من حقى أسأل..ليه يا احمد لييييه
احمد بنفس النبرة: مش عااارف مش عارف صدقينى مش عارفة
ملك هزت راسها بدون تصديق: لا لا..ازاى مش عارف ليه طلقتنى غيابى ازااااى
احمد بتوتر: انا..انا ماشى
ملك مسكت دراعه ورجعته لورا بعن.ف: انت مش هتمشى قبل ما تجاوبنى على سؤالى، ريحنى بقى لمرة واحدة
احمد بص لادهم وبصلها وقال بحدة طفيفة: يا ترى والدك يعرف انك بتقفى مع شاب فى البلكونة لوحدكم فى نص الليل
ملك غمضت عيونها بألم وفتحتها بهدوء وقالت بنبرة مهزوزة: روح اشتكيله منى على قبره بقى...اه متتصدمش ابويا مات من حسرته عليا..مات بسببك
احمد بحزن: ملك صدقينى انا ندمت اوى والله..أرجوكى بلاش تجيبى شخص تانى غيرى زى ادهم دا وتحبيه..
ملك بقرف: أنت أحق.ر ما شوفت بحياتى..ادهم دا انضف منك
احمد: وانا يا ملك نستينى
ملك بقهر: انت مش زى اى شخص عندى..انت عدوى.. اى إن كان اللى خلتنى أعيشه. تعيش نفسه...وحطت أيدها على قلبها وقالت بقهرة اكبر ودموعها مغرفة وشها..كان هنا فى قلب..كان فاكرك قدر ليه..ولكن القلب دا معدش موجود دلوقتى..اتمنى ترافقك لعنتى دايما..امشى...امشششششى امشششى( صرخت فى آخر كلمة وهى بتزقه) مش عاااايزة اشوفك تاانى وخد دبلتك دى...رمتها وهو وقف ولف لقى الدبلة واقعة على الأرض وهى مشيت..
احمد كان بيسمعها ومع كل كلمة بتقولها كان بيحس بوجع فى قلبه وبيبلع ريقه بصعوبة...مسك الدبلة وبصلها بندم، شدد عليها بقبضة أيده. ومشى..



أما ملك أول ما دخلت شقتها قفلت الباب وفضلت وراه وهى بتبكى جامد: اااااااه يااارب انا تعبت ياااارب اااااه اااااااه
: ملك افتحى الباب دا،
افتحى يا ملك الا والله هكسره عليكى
ملك فتحت الباب لادهم وهى معيطة ووشها محمر وقالت: قالى أنه ميعرفش ليه طلقنى غيابى يا ادهم
ادهم بيحاول يمسك نفسه أنه يحضنها وميتعصبش على احمد كمان فقال بهدوء نسبى: ميستاهلكيش..حس انك حاجة كبيرة عليه وخسرك
ملك بدون وعى: طب ليه ؟ ما كان من الاول ليه يتجوزنى وبعدين يسيبنى
ادهم بحب: يمكن عشان تبقى من نصيبى مثلا
ملك بصتله بعيونها المدمعة وقالت: خايفة
ادهم بصدق: اوعدك انى هعوضك عن كل حاجة وحشة عشتيها..واوعى تخافى منى ابدا
ملك فضلت بصاله وهو بيبتسم بأمل أنها تقول موافقة..
___________________&
عدى شهرين على ملك وهى بتحاول تتعافى من اللى حصل بمساعدة ادهم اللى مسبهاش لحظة، كان بيشجعها ويقويها ويساعدها تقف على رجلها من تانى وتكمل شغلها..
ملك كانت ماشية فى طرقات مبنى الكلية وبتنفخ بضيق: اوووف ماله دا بقى متغير كدا معايا ليه..ماشى يا ادهم أما نشوف حكايتك
ملك دخلت مكتب المعيدين وقعدت على مكتبها بضيق، بعد لحظة اخدت ورق وراحت تشرح السكشن للطلاب، وهى وماشية لقيت ادهم واقف مع بنت وبيضحكوا
ملك بسخرية: الله الله طب ما انت حلو اهو وبتضحك...
ملك راحتلهم وقالت بحزم: دكتور ادهم لو سمحت عيزاك
أدهم: معلش ثانية يا دكتورة مشغول فى حاجة مهمة بس
ملك ادايقت من تجاهلها ليه فقالت بحدة طفيفة وهى بتجز على سنانها: بقول عيزاك ضرورى دلوقتى
/ طيب يا دكتور هبقى اكلمك واتساب نكمل كلامنا
ادهم: اوكى اتفضلى...نعم عايزة ايه ياختى اهى مشيت اهى
ملك بسخرية: لتكونشى زعلانة عشان مشيت
ادهم بضيق مصطنع: اااه للاسف ياختى زعلت
: والله..ممكن افهم انت متغير معايا ليك فترة ليه
ادهم ببرود: والله انتى مردتيش عليا فى رأيك..فبجرب حظى مع واحدة تانية
ملك: ياااا سلاااام يا خويا..ايه بتلحق تعمل موڤ اون بالسرعة دى
ادهم: انا جرحى بيلم بسرعة ايش دراكى انتى، ثم انك انتى مالك اصلا مش انتى رفضتى ليكى شهرين مطلعة عينى ايه مالك
ملك بتلقائية: تقوم تدور على واحدة تانية
ادهم بسخرية؛ اومال اعيش زاهد فى الدنيا يعنى ولا ايه مش فاهم
ملك اخدت نفس عميق وبصتله وقالت: بالليل الساعة ١٢ مع بداية يوم جديد تكون واقف على البلكونة وانت عامل اتنين شاى بنعناع وردى هيوصلك تمام، ولغاية بليل عينك لا تحود يمين ولا شمال امشى مستقيم كدا مفهوووم...بصتله بتحذير وهى بتبرقله ومشييت..
أدهم بصوت عالى: طب اجهز اغنية ايه طيب
ملك من غير ما تلفله ردت عليه: اغنية اول لقاء بينا..
ادهم بحب: انتى مش خسارة فى احمد بس انتى خسارة فى العالم كله والله.



ادهم جهز الشاى واول ما جات١٢ طلع للبلكونة وبص للقمر بابتسامة صافية ومن غير ما ياخد باله غنى اول أغنية سمعها من ملك فى أول لقا بينهم: ولا كان الحب عمره باختيارنا دا كان قدرنا وبإدنا ايه،سلمنا قلوبنا دبنا وبعيونا انا وانتى شفنا الحب ايه
ملك دخلت البلكونة وهى بتكمل: يا زمان انت اللى عارف هنشوف ايه يوم بعد يوم
يا زمان هون علينا اى شىء
ادهم بحب وهو باصصلها: يا زمان خلينا نسهر فى القمر ويا النجوم
: يا زمان انت اللى كاتب كل شىء..
أدهم: يابنتى وافقى بقى وهنعمل دويتو مع بعض
ملك بابتسامة خجولة: موافقة
ادهم عدل وقفته وقال بصدمة: ايه؟ قولى تانى كدا
ملك بضحك: يابنى بقى
أدهم بفرحة: ابنك بس دانا ابنك وحبيبك وجوزك وأبو عيالك يا ام العيال
ملك: ابقى كلم ماما بقى اطلبنى منها
ادهم بفرحة عارمة: ماما بس دانا هكلم مصر كلها والله
ملك ضحكت جامد بفرحة وهو مش مصدق نفسه وعمال يرقص ويغنى وهى تضحك عليه..



_ بس يا ستى هى دى حكايتى انا وتيتة حبيبة قلبى
نور: ياااه يا جدو كل الحب دا لتيتة ملك
ادهم بحب: ملك دى يا نور أكبر هدية عطهانى ربنا..هى اللى تستحق كل حاجة حلوة زيها
نور: طب وأحمد يا جدو راح فين
ادهم بحزن: من بعد اللى حصل فى الليلة دى مشوفنهوش فى الجامعة تانى وبعد فترة اكتشفنا أنه قدم استقالته وسافر لأمريكا يكمل شغله هناك
نور سقفت بحماس: لا بس يا جدو اكيد تيتة هتعجبها التورتة صح
ادهم: اكيد يا حبيبة جدو
" سنة حلوة يا جميل سنة حلوة يا جميل سنة حلوة يا ملك سنة حلوة يا جمييييل. هييييي"
ادهم حضن ملك بدراعه وباس راسها وقال:
""عٍيناڪى الُِڪوُن ڪلُِه، لُِا هى الُِشُمس وُلُِا الُِقٌمرٍ""
ملك ابتسمتله بحب وميلت راسها على كتفه وقالت بهمس هو بس اللى سمعه: ""صادِفُت معٍڪ حٍبَ جٍدِيدِ لُِم اعٍشُه من قٌبَلُِ،وُعٍدِت فُصدِقٌت""

تعديل المقال