قصة ازمة زواج
_إحنا مستحيل نسمح بقـلة الأدب دي يا دكـتور..
ليـلي: إخـر'سي قطـع لسانك، والله ما في حد قليل الأدب غيـرك، دكـتور أدهم يبقي جـوزي علي سنة الله ورسـوله..
أدهم: بالظبـط، إتفضـلي بقي يا آنسـة إستنيـني في مكتب العميـد..
_ يـا دكـتور أنا مكنتش أعـرف والله، أنا والله فكـرت أنها بتتقـرب من حضـرتك عشان الدرجـات وو...
أدهم: خلص الكـلام يا آنسـه، أتفضلي أطلعـي بـرا..
خـرجـت البـنت و وقفـت ليـلي في نص المـدرج وبصت للكـل بغضب..
ليـلي: أظن كلكم بقيتـوا عـارفيـن.. أنا مـرااته و في بيت واحد مش بس كتب كتـاب، يا ريت بقـي مسمعش حد بيجيب سيـرتي تـاني..
أدهم أبتسم بخـفوت و بعـدين أتحكم في إبتسـامه و حول نظراته للهدوء...
أدهم: خلاص يا ليـلي أقعدي.. نكمل المحـاضرة..
قـعدت ليلي بعد ما صاحبتهـا "ضحي" شدتهـا بصعوبه عشـان أدهم ميتعصبش عليـها...
ضحي بهمس: أقعـدي بقي خلاص الكـل عرف..
ليلي: أيـوا وكدا أحسن عشان أنا أتخنقـت من كلامهـم دا..
ضحي: يا سلام، ما أنا بقـالي إسبـوع من ساعة ما نزلتي الجامعه و أنا بقـولك يا تقـولي للكـل، يا إمـا تبطلي تقـعدي معاه في مكتبـه بالساعات..
ليـلي: لا يا أختي وأستخبي ليه وأصلا يا بنتي والله بروح أقعد أذاكر بس خلاص أنا قولت للكـل، وهحط صباعي في عين التخيـن فيهم..
ضحي بضحك: طب ركزي بقي قبـل ما يطـردنا إحنا الإتنيـن..
خـلصت المحـاضـرة و قررت ليـلي تخلي ضحـي توصـلها للقصر الكبير اللي بقت تسكنـه بعد ما كانت بنت عـادية من أسرة متـوسطـه..
ضـحي: هتعـوزي حاجه..
ليلي: لا يا قلبي مع السلامه.. متنسيش تبعتيـلي pdf المحـاضرة عشان ألحق أذاكرها..
رن مـوبايل ضحـي ف مسكـته وردت...
ضحي: أيـوا يا مراد أنا جايـة أهوه... خلاص يا ليـلي هبعتلك المحـاضرة..
مراد بضيق: أنا مش قولت بلاش ليـلي دي..
ضحي بهدوء: باي يا ليـلي، هبعتلك المحاضره..
إتحـركت ضحـي بعربيتهـا بعيد عن قصـر ليلي و أتكلمت بهدوء...
ضحـي: ليـه يا مراد، مالها ليلي، دي صاحبتي من أول سنه في الكليـة و خلاص هنتخرج ، إشمعنا اليومين دول بس بلاش ليلي...
مـراد: خـلاص يا ضحي، خدي بالك وأنتي سايقـة أنا مستنيكـي في البيـت..
ضحـي: و إسـلام عندك!!
مراد: وأنتي عـاوزة إيه من إسلام!!
ضحي: إيه يا مراد، بسأل عشان هجيب أكل وأنا جايـه و هعمل حسابه لو موجـود!!
مراد: إسلام واقف في المطبـخ بيحضـر الأكل..
ضحي بضحك: حبيبي دا..
مراد: ضحي، يا ريت تاخدي بالك أني جـوزك..
ضحي بضحك: مهو أنت أكيد مش بتغير يعني، هو أنت بتحبني مثلا!!
مراد: لا..مستنينك..
أنهـت المكـالمه ورمت تليـفونها جمبهـا و شغلت قرآن في العربيـة و أتجـهت لشقتهـا....
ضحـي: مساء الخير يا أهل الدار...
إسلام بضحك: أهوه الدوشه جـت..عندك برشام للصداع!!
ضحي: لا والله! بقي هي كدا يا أستاذ إسـلام!
إسـلام: لا لا، بنتنـا عاقـلة، عاملك بقي شويـة مكـرونه هتاكلي صوابعـك وراهم..
مراد: أهو أي أكـل، الواحد بطنه نشفت من أكل الشـارع..
ضحي: وحضـرتك بقي متطبخش ليه كدا زي الشيف إسلام..
مراد: والله المفروض أنتي اللي تطبخي..
ضحي: اااه، عشان أنا الست وأنت الراجل مش كدا!
مراد: بالظـبط..
إسلام: الاه، خلاص هو أنا خليتكم تتخـا'نقوا ولا إيه!!
مـراد: ولا خنا'ق ولا حاجه، يلا خـدي الأطبـاق علي السفرة..
ضحي: طيب..
إسـلام بهمس: السفـره!! الله يرحم..
مـراد بضحك: علي رأيـك، كنا بناكل علي التراب، عيش بالتراب..
إسلام: فـاكر لما كنا بنسـرق بواقي الفراخ من محل الواد محمود بتـاع المشاوي.. كنا بناكـل الخضرا اللي تحتهـا وندي لضحي اللي باقي من الفراخ...
مراد بضحك: والواد محمـود يمسكـنا يرننا العلقـه.. قال يعني كان هيعمل بيهم حاجه..
إسلام: كان بيرميهم للقطط..
مـراد: يلا.. منهم لله اللي كـانوا السبب..
إسلام بإبتسامه: خلاص بقي يا صاحبي مش هنقلبها أحزان، أدينا أهوه في أحسن حال..
مراد: أحسن حـال.. من فـلوس حر'ام يا إسلام..
خـرج مراد بالطبـق وإسلام من بعـده بباقي الأكـل، وقعدوا علي السفـرة ساكتيـن لحد ما قاطهم كـلام ضحي...
ضحـي: مراد في درس النهـارده في المسجد اللي في أخر الشـارع وعـاوزة أروح..
مراد: هتروحي مع مين؟
ضحـي: مع تـونه و إحتمال أخد ليلي..
مراد: لا متاخديش ليلي، روحي مع تسنيم وأرجعي..
ضحي: ليـه يا مراد، مالها ليلي بجد أنا تعبت.. دي صاحبتي يا مراد..
مراد: كدا أنا قولت اللي عندي..
ضحي بغضب: لا يا مراد انا عاوزة اخدها و هاخدها معايا..
مراد: طب مفيش خروج من البيت يا ضحي..
إسلام بحده: أنتـوا هتتخا'نقـوا وأنا قـاعد!!
ضحي: طب ما تحكم إنت!! من ساعـة ما ليلي أتخطبت و هو مخليني أبعد عنهـا، يا تري بقي أنت كنت سايبني أصاحبهـا علشان تقدر تشوفهـا براحتك!!
مراد بغضب: أنتي قليـلة الأدب.
إسلام: مراد!!
ضحي بغضب: لا.. أنا مش قليلـة الأدب.. هو أنت أتجـوزتني ليه بجد! أنت عـاوز تق.هرني وخـلاص.. طلقني وريحني أنا تعبت منك..
إسلام: ضحي.. متعليش صوتك وأدخـلي جـوا..
ضحـي: مش همشي، أنا خلاص خدت قـرار و عـاوزة أتطـلق، أنا بكـر'هك يا مراد و مش عـاوزة أشوفك تاني، أنت أكتر شخص مؤ'ذي شوفته في حيـاتي.. طلقني وسيبني أعيش حيـاتي مع اللي بيحبني..
مراد: اللي بيحبك!!
ضحي: أيـوا، زميلي في الكلية بيحبني و عاوزاني وأنا ع.....
قاطـعها قلم نزل علي وشهـا بقـوة من مـراد وإسـلام قرب منه مسكه، مسكت وشهـا وعنيهـا دمعـت...
ضحي: بردو عـاوزة أتطلق.. طلقني..
مراد بغضب: ولا أنا بحبك يا ضحي، أنا مبحبكيش، أنا أتجوزتك بس عشان أصلح غلطه فااااهمه، أنا اللي مش عـاوزك فااهمه!
ضحي: غلطه!! مراد بغضب: ولا أنا بحبك يا ضحي، أنا مبحبكيش، أنا أتجوزتك بس عشان أصلح غلطه فااااهمه، أنا اللي مش عـاوزك فااهمه!
ضحي: غلطه!!
إسـلام: مراد، أسكت بقي، أنتم الإتنيـن إسكتـوا..
ضحي: لا أنا عـاوزة أعـرف أنا غلطـة إزاي!!
مراد بغضب: عشان أنا السبب في إنك كنتي بنت شوارع..
ضحي: يعني إيه أنت السبب!!
إسـلام بغضب : إهدوا وبعدين إتكـلموا..مش عاوز أسمع صوتكـم خالص..
ضحـي: أنت عـارف صح! أنت عارف هو إتجـوزني ليـه يا إسلام!!
إسـلام: هيكـون ليـه يا ضحي! عشان هـو بيحبك بس هو غـبي.. هو بيقول الكلام الأهبل دا من عصبيـته وبس..
ضحي: أنا عـارفاه كـويس، في عز عصبيتـه مبيقدرش يتحكم في كـلامه، وبيقول الحقيقـة..
ولو فعلا هو السبب في إني أتربي في الشارع يبقي أنا مش مسمحـاك، مستحيل أسامحك..
وإن كـان جـوازك مني معتبره بيصلح غلطك دا أيا كان ف أنت غلطـان..
أنا عايشـه هنا في جح.يـم، جح٠يم حبي لجوزي اللي مبيحبنيش، اللي بيكـر'ه حتي يقعد معـايا، أنت بترتكب في حقـي ذ: نب أكبر و أقبح..
طلقنـي يا مـراد، حررني من إسمك عشان بقيت أكـر'هه...
إسـلام: بس بقي، الطـلاق مش كلمه سهـله تقوليهـا عند أول مشكـله، إعمـلي إعتبـار للسنين اللي بينكـم، السنين اللي كنا فيهـا في الشـارع وبنام علي الرصيف و ال3 سنيـن جواز اللي بينـكم..
مراد: أنا مش هطـلقك دلوقتي، الأول هأمنلك سفـر لأي دولة في أوروبـا، تشتغـلي و هأمنلك سكن، وبكـدا هكون عملت كل اللي في مقدرتي تجـاهك..
وأظن إننا مقصـرناش معاكي و خليناكي تتعلمي أحسن تعليـم..
ضحي: الله، برافو بجـد، هي دي خطتـك الجميـلة علشان تخلص ضميـرك، ياااه دا أنتي اذ.يتني جـامد أوي وأنا معرفش.. بس للأسف مستغنيـه عن خدمـاتك ومش عـاوزة منك حاجه..
مـراد: أنا قـولت اللي عنـدي، واللي اسمهـا ليلي دي مش هتقابليـها والكليـه هتنزليهـا علي الإمتحـانات، مفيش دروس في المسـجد..
إسـلام: أنت أتجننت أنت كمان!!
مـراد: إسـلام، متتدخـلش بيني وبينهـا..
ضحـي: لا هيتدخل، أنت عـاوز تحبسني هنا!! أنا مستحيل أفضل هنا ثانيـة واحده أنت فـاهم!
مـراد مسك إيديهـا وسحبهـا لأوضتهـا بالقـوة و قفـل البـاب...
مراد: اللي أنا قـولته هو اللي هيتنفـذ..
إسلام: بطل جنـان يا مراد..
مراد: دا اللي عندي، مراتي وأنا حر فيها و دا إسلوبي و دي طريقتـي و مش عـاوز نقـاش..
إسـلام: يا أبني أنت بتعمـل كدا ليـه، أنت بتحبهـا يا مراك بطل عك..
مـراد بعـد عن الأوضة بعد ما قفل الأوضـة كويس بالمفتـاح و أتجـه للأوضـه التانيـه وقعد علي سريره و إسـلام باصصله بضيق..
مراد: أنا هعمـل اللي أنا قولت عليـه، بس مش عـاوزها تفضل تحبني، عـاوزها تكر'هني.. بس هي مكرهتنيش برغم رفضي ليهـا اللي بحـاول أبينـه..
إسلام: يعني بتحبهـا!
مراد: أيـوا بحبهـا، بقالي تلات سنيـن بحـاول مظهرش الحب دا...
إسـلام: وإزاي عيشتوا مع بعض 3 سنين!!
مراد: كنت نـاوي أبطـل شغـل بجد، بس معرفتش، أنا أكتر شخص فـاشل يا إسـلام، مرعوب وخـايف نرجع تاني للفقـر لو ملقيتش شغل يخلينا في نفس المستوي دا، و بردو مش عـاوزها تتعب تاني وتجـوع...
بس هي مفكـراني مبطـل و بشتغـل في مصنع كبير، عايزة حـياة نضيفه أوي يا إسلام وأنا مقدرش عليـها، بتـروح دروس في جـامع وبتيجي أنا ببجاحتي أأكلها بفلوس حـرام..
أنا هسـفرها برا بعيد عن كـل عدو ليـنا، و هشتغل في أي حاجه حلال ابعتلها فلوس منهـا، لو مكـاني هتعمل كدا!
مش لو مكـاني هتبعد!! ولا مكاني إيه ما إنت عملت كدا بالفعـل..
شيلت من دماغك خـالص فكرة أنك تتجـوز تسنيم، فكرة حتي أنك تحبهـا، عشان أنت زيي و شبهي..
إسـلام أنا.. أنا كنت مقرر أني مش هقرب منهـا إلا لما أسيب الشغـل دا و القرار دا خلاني بـعد 3 سنيـن مفيش بيني وبينهـا حاجـه..
محرمهـا علي نفسي..
الجـوازة دي بقت بالنسبـالي ازمة حيـاتي يا إسلام، مخلياني واقف، لا أنا عارف اكمل في حياتي اللي اتعودت عليها و لا مخلياني عارف أتغير، أنا بموت يا إسلام و جوايا تعب الدنيـا كلهـا.. جوايا تعب محدش حاسس بيـه..
ضحي مسئوليـتي، من اليـوم اللي كنت السبب فيه في حـادثة العربيـة اللي أبوها وأمها ما'توا فيها لحد النهـاردة و هي مراتي، وانا يا إسلام مش عاوزها تفضل كدا كتيـر، عاوزة تنجح نجاح يشرفهـا و تتجـوز... لا مش عـاوزها تتجوز غيري يا إسلام، أنا عاوزها ليا أنا، ليا أنا ومحدش يبصلها حتي، بس أعمل إيه..
إسـلام بحزن: سيب كل حاجه..
مـراد: مينفعش، أنا واقع في قلب الطيـن يا إسلام، و مفيش مايه تغسلني و السماء مش راضيه تنزل مطـر..
إسلام: أنت مستني المطر في عز الصيف يا مراد.. سيب كـل حاجه، محدش بيموت من الجـوع، إحنا زمان كنا عيـال بس دلوقتي رجـاله، متأكد أن ضحي هتعيش معـاك علي المر قبـل الحلو..
مـراد: صدقني مبقـاش ينفع، تعيش معايـا في المر ليه وأنا ممكن أبعتهـا في مكان كويس و متقدم، ومتأكد أنها هتحـافظ علي نفسها فيـه..
إسـلام: يا أبني أنت مش ضعيف ولا جبـان للي بتعمله دا..
مراد: قدام خوفي عليها وحبي ليها أنا جبـان..
إسـلام: يعنـي دا أخر كـلام عندك!!
مراد: أيـوا..
مـر إسبـوع و مـراد مسمحش لضحي تخـرج من البيـت و متكلمتش معـاه طول الوقت دا..
إسلام بنوم: ألو..
ضحي: مراد معاك يا إسلام؟ الساعه بقـت 2 ولسه مرجـعش..
إسلام بنوم: لسه مرجعش!!
ضحي: أيـوا، دا خلاص الفجر هيأذن، عمره ما أتأخر كدا، قوم شوفـه فيـن..
إسـلام: حاضر حاضر متقلقيش..
ضحي: بسرعه يا إسلام و طمني أول ما تعرف حـاجه عن.... استنـي..
خـرجت ضحـي من الأوضـة ولقتـه داخل من باب الشقه...
ضحي: خـلاص يا إسـلام، رجـع...
قفـلت الموبـايل و قربت ناحيـته ف قرب ناحيـة موبايـلها و أخده منهـا و رمـاه في الحيطـة نزل متكسـر..
مراد: إسلام، إسلام، إسلام... الهانم بتكـلم إسلام في نص الليل ليـه!!
ضحي: مراد خلي بالك من كـلامك..
مراد: أنا خلاص هتجـنن بسببك، هتجننيني، أنا تعبت من البـعد عنك بقي...
ضحي بدموع: مش أنت اللي مخـتار تبـعد يا مراد؟
مراد بدموع: مش أنا، والله العظيم الظروف هي اللي حاكمه عليـا..
قـربت ضحـي منه بس إتـراجعت بصدمـه..
ضحي: أنت شـارب!!!
مراد: لا لا.. دا كاسيـن بس، صغيرين مع أدهم..
ضحي بغضب: أدهم ميـن دا كمـان.. و من إمتي بتشـرب؟؟
مـراد بضحك : دكـتور أدهم.. جـوز ليـلي، كان بيحكيلي قد إيـه بيحبهـا، بس أنا.. أنا متأكد أن مفيش حد بيحب مراتـه قد ما أنا بحـبك.. أنتي بتجننيني يا ضحي.. كل حاجه فيكي..
ضحـي: ولما كـل حـاجه فيـا بتجننك ليه بتقولي أنك مبتحبنيش يا مراد، ليه رافضني كحبيبـه و كزوجـه، ليه!!
مراد بحزن: خايف عليـكي حتي من نفسـي، أنا بحبك..
ضحـي: وأنا كمـان بحبـك.
أقتـرب منهـا مراد وضمهـا لـه و أخذهـا في عالمه، لتصبـح زوجته بعد سنوات من البـعد..
تـاني يوم...
صحـيت ضحي السـاعه 11 قبل الضهـر ودورت علي مراد حـواليها ملقيتهوش، خرجت من اوضتـه دورت عليـه في كل البيت ولكن ملوش أثر..
مسكت تليفـونها علشان تتصـل بيـه ولكن قبل ما تدور علي رقمه الموبـايل رن..
ضحي: صباح الخير يا لي....
ليلي ببكـاء: ضحي، مراد وأدهم و إسـلام عملوا حـادثه و حـالتهم خطـر في المستشفي..
ضحـي بخوف : إيـه!!! مستشفي إيه يا ليلي!!
ليـلي ببكاء: مستشفي الجامعه، تعـالي بسـرعه، مفيش حد هنا بيقولي اي حاجه...
غيـرت هدومهـا وخرجت بسـرعه وهي بتعيـط و خبطت في تسنيم علي السلم...
تسنيم بخوف: في إيه!!
ضحي ببكاء: مراد، مراد وإسلام عملوا حادثه بالعربية...
تسنيم: حادثـه! و حالتهم ايه و هما فين دلوقتي؟
ضحي ببكاء: معرفش حاجه..
تسنيم: طب يلا أنا هـاجي معاكي.. هطلع أجيب مفاتيح عربية زيـن..
ضحي: بسرعه بالله عليكي..
تسنيم: حاضر...
اتحركت تسنيم ومـعاها ضحي للمستشفي، وصـلوا هناك و قـابـلوا ليلي قـاعده قدام أوضة العمليات بتعيط...
ضحي: همـا فيـن، قالوا ايه؟
ليلي ببكـاء: مش عـارفه حاجه يا ضحي، مش عـارفه.. التلاته جـوا..
فضـلوا أكتر من أربع سـاعات واقفيـن بـرا العمليـات لحد ما الدكـاترة خـرجوا...
الدكـتور: مسـاء الخير يا جمـاعه.. مش عـاوزكم تقلقوا، خير بإذن الله..
بالنسبـة للدكـتور أدهم.. كان في نز'يف في الكبد و عملنا إستئصال للجزء المتضرر لأن كان وقف النز'يف صعب جدا، وعنده كسر مضاعف في رجـله اليمين و بكرا هندخل عمليات نركب شرايح ومسامير..
ليلي بدموع: يعني هو هيبقي كويس..
الدكتور: بإذن الله.. بالنسبـة لإسـلام حصـل كسر في إيديه الشمـال وكسر في 3 ضلوع و رجـله الشمال.. هيكـون صعب جدا يتحرك بشكل صحيح لمدة 6 شهور... وبكـرا هيكون عنده عمليـه بردو تركيب شرايح ومسامير..
أما أخر شخص.. مراد.. حصـله نز'يف في المخ مع كسـر في دراعه اليمين.. وقفنـا النز'يف ولكـن للأسف في مضـاعفات كتيـر.. وعلشان كدا هيفضل في العنايـة المشدده..
أما الدكتور أدهم فهيفضل في العناية المتـوسطه و إسلام هيتنقـل بعد الإفـاقه لأوضـه عاديـة مع منع الزيارة لحد ما حالته تستقر..
ضحـي ببـكاء: عـاوزة أشـوفه..
الدكتور: مين فيـهم بالظبط..
ضحي بقهر: مراد وإسلام..
دخـلت ضحـي العنايـة وشافت مـراد وهو نايم و حـواليه أجهزة كتير وراسـه متغطيه بالشاش.. فضلت واقفه مكـانها مصدومه، مش قادرة تتكلم ولا تتحـرك لحد ما الممرضه سحبتهـا لبـرا...
قعـدت مصدومـه في مكـانها وهي مش مصدقـه اللي بيحصـلها... فضلت ساكته وباصه في الأرض لحد ما المكـان إتمـلي دوشـه..
كان فيـه عدد من الظبـاط، قـرب منهـا واحد منهم..
الظابط: حضرتك المدام ضحي أحمد جابر..
ضحي: أيوا أنا..
الظابط: أنا جاي أبلغك أن إحنا لقينا شنطة مخدر'ات في العربية...
ضحي بصدمه: مخدر'ات!!! الظابط: أنا جاي أبلغك أن إحنا لقينا شنطة مخدر'ات في العربية...
ضحي بصدمه: مخدر'ات!!!
الظـابط: أنتي المشتبـه بيه الرابـع، بعد التلات شبـاب، إن الشنطـة تكون بتاعتك، خاصـة إن العربيـة بإسمك أنتي.. في الحقيقة أنا جاي أقبض عليـكي..
ضحي: أنا!! بس، هو معـني إنهـا في العربيـة انها بتاعت حد، ممكن يكـون حد حطها معاهم بعد الحـادثه..
الظـابط: بصي أنا عـارف أنها مش بتاعتك و كـل الإجـراءات دي روتينيـه، كمان العربيـة بإسمك أيوا بس بتاعت جـوزك.. انا عـاوزك في التحقيق..
ضحـي بتوتر: تحقيق.. طب ممكن أتطمن عليهم الأول..
الظـابط: الزيـارة ممنوعـه ليهم، وجودك هنا ملوش داعي، حضرتك مطلوبه في تحقيق رسمي، ويا ريت تتعـاوني معانا.. مظنش أنك هتحبي تركبي بوكس..
ضحي بقلق: حاضر..
في مـركز الشرطـه...
الظابط: يعني أنتي مصممه أن جـوزك و إسلام ملهومش شغل سابق في المخد'رات..
ضحي: أيوا..
الظابط: ممكن أعرف طبيعة العلاقة بينكم و إبتدت إزاي.. أنتم التلاته تعرفوا بعض من إمتي؟
ضحي: من عشرين سـنه.. إحنا ملناش أهل، إسـلام و مراد هما اللي لقوني و ربوني في وسطهم.. لحد ما بقوا يشتغـلوا و أنا و مـراد اتجـوزنا من تلات سنين..
الظابط: وشغل إيه اللي يجيب عـربيـة و شقتيـن مره واحده..
ضحي: شغـالين في مصـنع كبير و بياخدوا مرتب عالي..
الظابط: أنتي مقتنعـه بالكلام دا!
ضحي: هو دا اللي أعـرفه يا سعادة الباشا..
الظابط: تمام يا ضحـي..
ضحي: أقدر أمشي؟
الظابط: طبعا بعد ما تمضي علي أقوالك..
ضحي رجـعت للمستشفـي و فضـلت قاعده برا مع ليلي اللي حققوا معاها و اتصدمت ان أدهم ليه علاقه بالمخد'رات...
ليلي بتعب: مفيش تحسـن؟
ضحي: لا.. مراد تعبان أوي و إسلام لسه مفاقش.. أدهم عامل إيه؟
ليلي بتعب: الدكـتور قالي أنه فاق بس واخد منوم عشان الألم اللي عنده..
ضحي: ان شاء الله خير..
ليلي: ضحي أنتي كنتي عـارفه حاجه عن موضوع المخد'رات دا؟
ضحي بشرود: لا..
سندت ضحـي راسهـا علي الحيطـه و هي بتفتـكر حياتهم القديمه...
فـلاش...
مراد: إحنا متفقين علي 500 للكيس..
_ بس الكيس دا صغير، دا يدوب هيخلص في مره واحده..
مراد: مليش فيـه، مش عاجبك السعر خلاص غيرك ياخده..
_ لا لا خلاص أنا في عرضك، عاوز أربعه..
مراد: هات ألفين جنيـه الأول..
_أتفضل..
...........................
ضحي: منين الفلوس دي يا مراد؟
مراد: هتكون منين يعني!!
ضحي: حرام عليك، حرام عليك.... قوم يا إسلام، إصحي شـوف صاحبك..
إسلام بنوم: يعني هناكل ونشرب منين يا ضحي..
ضحي: نموت من الجـوع أحسن..
مراد: كلام الأفلام دا مش هينفعك و انتي جعانه بجد يا ضحي..
ضحي: تمام... انا رايـحه أوضتي و مش عاوزة اشوف وش حد فيكم تاني..
خـرجت ضحي من اوضتهـم اللي كانت علي سطح عماره عاليـه وراحت لأوضتها اللي علي الجهه التانيه من السطح...
قفلت البـاب وقعدت تعيـط...
................................
مراد: وانت بقي بتشتغل إيه وشوفتها فين؟
_أنا اخويا بيدرس معاها، أولي جامعه السنادي زيها، وشوفتها كذا مره لما بعدي اخده نروح سوا..
مراد: اه..
_انا بس عاوز اسأل هو والدها أو والدتها فين؟
مراد: وانت مسألتش عنها قبل ما تشرفنا في الزيارة؟ يمكن كنت عـرفت انها يتيمه..
_اه انا أسف مكنتش أعرف، أنا مسألتش من كتر ثقتي في أخلاقها...
مراد: لا حصل خير..
إسلام: حضرتك مقولتش بتشتغل إيـه؟
_ شغال في شركه إستثمارات معروفه..هو حضراتكم اخواتها و لا ولاد عمها، لاني الحقيقه مش عـارف..
مراد: حضرتك لازم تبقي عارف ان ضحي اهلها مش موجـودين لاننا منعرفش هما مين، زيي انا وإسلام، إحنا التلاته اتربينا سوا من زمان.. احنا لا اخواتها ولا ولاد عمها...
_نعم!! يعني ايه!!
مراد: ايه اللي مش مفهوم؟
_ يعني انتوا غرب، يعني هي عايشه مع رجـاله ميقربولهاش..
إسلام: لا لا، أنت فاهم غلط... هي عايشه في اوضة تانيه..
_أوضـة تانيه.. طيب مع السلامه اتشرفت بيكم..
إسلام: أنت غبي يا أبني!!
مراد: لازم يبقي عـارف كل حاجه عنها..
إسلام: ايوا بس مش بالطريقه دي..
مراد: الحقيقه كدا مش هنجمل فيها يا اسلام..
اسلام: طيب هنقول لضحي ايه!! دا رابع عريس يهرب بعد ما يعرف..
مراد: مش هنقولها.. انا كدا كدا واخد قرار.... انا وضحي هنتجـوز...
بـااك...
ضحي اتعدلت من علي استندات المستشفي و هي بتفتكـر اسلام و هو بيحكيلها كل دا...
راحت لأوضـته و دخـلت..
الممرضه: لو سمحتي ممنوع..
ضحي: دقيقـة وهخرج، هو حالته ايه دلوقتي!!
الممرضه: حالته مستقرة، بس الدكتور بيقول أنه عنده صدمه كبيـرة هي اللي مخلياه ميفوقش..
ضحي: صدمه.. يا رب عديها علي خير..
ضحي دخلت وقعدت جمب إسـلام لدقايق وخـرجت تاني..طلعت للعنـاية المركزة..
ضحي: أرجوكي هشوفه لثانيه واحده حتي..
الممرضه: أنا مقدرة والله اللي أنتي فيه، بس هو حاليا معاه تلات دكـاترة بيشوفوا حالته وجودك صعب.. ارجوكي افهمي الحاله مش سهله..
ضحي بحزن: حاضر.. بس ابقي طمنيني عليه ارجوكي لو حصل حاجه قوليلي، اعتبريني زي اختك..
الممرضه: حاضر، ربنا يقومهولك بالسلامه..
ضحي: يـا رب..
مـر يوم كـامل وضحي في المستشفي، عرفت أن أهل أدهم عملوا كل اللي يقدروا عليه عشـان يثبتـوا ان الشنطـة بتاعت مراد علي أمل أنه هيمـوت بسبب حـاله الخطيـرة..
ضحي كانت عـارفه ان معـارف أهل أدهم ممكن بسهوله يثبتـوا التهمه علي مراد..
و هي كانت عـارفه ان الشنطـه بتاعت مراد او إسـلام...
الممرضه: يا مدام.. الاستاذ اسلام فاق..
ضحي نـزلت بسرعه لأوضـة إسلام ولقته فـاق و بيتألم بسبب الكسور اللي عنده...
ضحي: الحمد لله علي سلامتك..
اسلام بألم: اااااه.. الوجع فظيـع.. اااه.. أنتي.. أنتي مين!!
ضحي بصدمه: أيه!!
إسلام مكـانش فاكـر بسبب الصدمـه اللي حصلتله، و الطبيب النفسي اكد ان دت بسبب رفض عقله للي حصـل معاه فعمل مسح مؤقت لذاكرته..
قعدت ضحي بقلة حيـلة علي الاستند و فضلت تفكـر..
مـر يوم تـاني و حالة مراد زي ما هي.. اسلام مش فاكر حاجه ومش عـارف ضحي و أدهم متكلمش في حـاجه بسبب حالته الصحيه...
الظابط: يا تري في أقوال حـابه تضيفيها يا مدام ضحي..
ضحي: أنا عـاوزة أغير أقوالي يا فندم..
الظابط: اتفضلي..
ضحي: الشنطه بتاعتي يا حضـرة الظابـط.. كانت موجوده في العربية و مكنتش أعرف أن مراد هياخدها..
الظابط: حمايتك لجوزك هتضرك مش هتنفعك يا ضحي..
ضحي: حمايه!! مراد بيمـوت.. انا مش عاوزاه يموت والناس بتقول عليه مجرم بسببي... عشان كدا انا بعترف لحضرتك انها بتاعتي..
الظـابط: وإشمعنا مراد اللي هيتقال عنه كدا؟ ليه أجزمتي ان مراد هو المتهم...
مع إن أنا تحليلي للقضيـه هو ان في عمليه بيع وشراء كانت بتحصل بين أدهم و بين اسلام ومراد، و بالتالي التلاته هيشيلوا القضـيه.. ليه تضيعي نفسك عشانهم..
ضحي: مبضيعش نفسي عشانهم، انا مش عاوزة حد يدفع تمن جريمتي..
الظابط: مش منطقي..
ضحي: ممكن يا فندم الحقيقـة تكون مش منطقيه، مش لازم كل حاجه تكـون ليها تفسيـر..
الظابط: كل حاجه عندنا لازم يكـون ليها تفسيـر، يعني مثـلا تقدري تقوليلي اي نوع المخد'رات اللي كانت موجوده في الشنطـه!!
ضحي: بس أنا...
الحـارس: منير بيه بـرا يا فندم وعاوز يقابلك ضروري..
الظابط: دخله...
خـرج الحـارس و ضحي سكـتت و دخـل الظابط التاني...
منيـر: في تطـور مهم في القضيه و وصلت لصاحب الشنطه يا خـالد..
خالد بإبتسامه: امم.. صاحب الشنطه و يا تري بقي واحد ولا واحده...
منيـر: احنا تتبعنا العربيـة من أول ما خرج بيهـا مراد و اسلام من تحت العماره بتاعتهم...
منيـر قعد قدام مكـتب خالد و فتح اللابتوب بتـاعه...مقدرناش نرصد اللي حصل في الشارع دا لأني جانبي و فيه عدد قليل من الكـاميرات، بس في كاميرا منزليـه... اهوه بيظهر فيها الواد دا و هو بيحط الشنطـه من الشباك اللي ورا.. هو استغل ان اسلام سايق بسرعه بطيئـه عشـان الشارع ضيق و بعد شوية ظهر عناصر من البوليس بيجروا وراه...
خالد: يعني الشنطه مش بتاعتهم أصلا...
ضحي بقلق: طيب أنا همشي أنا بس..
خالد: لحظه يا مدام ضحي.. تمام يا منير اتفضل انت و شوية وهجيلك مكتبك..
منير بإستغـراب: تمام....
منيـر خرج و ضحي قعدت تاني و هي بتبص لخالد بتوتر و حرج...
خالد: الحب شئ جميل ولكن التستر علي مجرم جريمه تانيه.. ممكن اعرف انتي ليه كنتي متأكده كدا ان جوزك هو صاحب الشنطه...
ضحي بكـذب: انا مكنتش متأكده، بس علشان كان فيه مشاكل ماديه وهو كان دايما متضايق و تصرفاته غريبـه و كـان شارب كحول من يومين...
خـالد: أنتي شكلك بتحبيـه بس لازم تبقي واثقه فيه عن كدا، كدا القضية اتقفلت وان شـاء الله ربنا يقومهولك بالسلامه...
ضحـي خـرجت من مركز الشرطـه ورجـعت تاني للمستشفي...
تسنيم: أدهم فـاق و ليلي دخلتله.. هتروحي؟
ضحي: أيـوا..
راحـوا الاتنين لأوضـة أدهم و سمحوا ليهم يدخـلوا...
ضحي: الحمد لله علي السلامه يا دكتور أدهم...
أدهم: الله يسلمك... الشنطه مش بتاعتنا ياضحي..
ضحـي: عرفت.. خلاص القضيه هتتقفل علي كدا..
ليلي بسعاده: بجد..
ضحي: أيوا... الحمد لله.. بعد أذنكم...
خـرجت ضحـي راحت لأوضة إسلام وقعدت معـاه شويـة....
ضحي: احنا صحـاب.. انت زي أخويا..
إسلام بتعب: ليه محدش من اهلي موجود؟ مفيش غيرك أنتي والبنت التانيه اللي بتيجي!!
ضحي: أنا وأنت أيتام.. ملناش حد.. ملكش غيري دلوقتي بالفعل.. ارتاح ومتفكرش كتير..
إسلام: انا دخلت كام عمليه؟
ضحي: بقـالك يومين هنا و عملت عمليتين..
إسلام: رجلي هعرف امشي عليها طبيعي؟؟
ضحي: أيوا متقلقش الدكتور طمني..
إسلام: تمام..
خـرجت ضحي من أوضة إسلام وطـلعت قدام العنايـه......
ضحي: أرجـوكي سيبيني أشوفه ولو مره واحده..
الممرضه: طيب هتدخـلي دقيقتين بالكتير و تخرجي..
ضحي: ماشي...
ضحـي دخـلت للعنايـة اللي كانت في أخر ممر.. هدوء تـام فيها دخلت ضحي لأوضة مراد ورا الممرضه و وقفت مكـانها لما عنيها وقعت عليه...
حـواليه أجهزة كبيره و أنابيب كتير خـارجه من جسمه و من فمه...
قربت منه في هدوء و لمست إيده و هي بتبكي بضعف وقلة حيله...
الممرضه: يلا يا مدام...
ضحي ببكـاء: حاضر.. حاضر ثانيه واحده...
ضحـي بصتـله بحـزن و باست إيده و أتحـرت لبرا مع الممـرضه...
قضت بـاقي اليـوم قدام العنايـه و جـابت أكل لإسلام و رجعت تـاني لمـراد لحد بليل..
تسنيم: ضحي قومي روحي و غيري هدومك و ارتاحي شوية...
ضحي: لما اتطمن علي مراد هروح..
تسنيم: طيب كـلي الساندوتش دا..
ضحي: مش جـعانه.. حطيه و شويـة لو جوعت هاكل..
تسنيـم: هيبقي كـويس متقلقيش..
ضحي: ربنا يعديها علي خير.... قومي أنتي روحي قبل ما الوقت يتـأخر...
مـر إسبـوع و حـالة مراد مفيش تقدم أو تدهـور، لسه محطـوط تحت الملاحـظه...
إسـلام رجـع لشقـته و جاب ممرض يقـعد معاه و عاملة منـزل و رفض أن ضحـي تسـاعده بأي حـاجه...
ضحي: بقاله اسبـوع يا دكـتور وحالته زي ما هي...
الدكـتور: انا بعتلك علشـان أوضحلك الحاله بالتفصيل عشان تقرري هتعملي إيه بعد كـدا..
ضحي: تمام يا دكـتور اتفضل..
الدكـتور: أولا انا عـاوزك تتطمني الخطـر اتشال من عليـه.. بس للأسف الأستاذ مراد دخـل في غيبـوبه.. هو بالفعل عقله بيقـاوم الغيبوبه دي ولكـن الجسم مستسلم تماما ليـها..علشان كدا أستنيـت شويـة قبل ما أقولك بشكل رسمي انه دخـل غيبـوبه وربنا العالم هيفوق منهـا إمتي..
ضحي بحزن: غيبوبه!
ضحـي خـرجت بـرا و راحـت لأوضـة مـراد وقعـدت جمبـه وهي بتعيـط...
ضحي بحـزن: هعمل إيـه دلوقتي...
...................................................
بعـد مرور 10 شهـور...
الممرضه: أيه دا!! الأستاذ مراد صحي..
مراد بـتعب: أنا فيـن!!
الممرضه: الحمد لله علي السـلامة.. ايه الغيبـه الطويـلة دي بس..
مـراد: غيبـه...... ااااه أنا عملت حادثـه.. إسلام كويس.
الممرضه: من زمـان..
مراد: زمـان إيـه!!
الممـرضه: لا ثـواني بقي أنادي للدكتـور..
خـرجت الممرضـه ورجـعت بعد دقايق ومعـاها الدكـتور...
الدكتـور: الحمد لله علي السـلامه يا بطـل... أنت نجـاتك دي معجـزة حقيقيه..
مراد: الله يسلمك يا دكتـور..
الدكـتور: طيب يا مراد.. انا دكـتور أحمد المشرف علي حالتك.. هسألك بس سؤالين نتطمن عليك بيهم..
مراد: تمام..
الدكـتور: ممكـن تقولي احنا في شهر إيه؟
مراد: في شهـر سته..
الدكـتور: سنة كام؟
مراد: 2022...
الدكـتور: طيب عرفني بنفسك كدا.. اسمك و سنك و متجوز ولا لا!!!
مراد بتعجب: إسمي مراد وعندي 29 سنه و اه متجـوز من ثلاث سنين..
الدكـتور: طيب كـويس جدا.. أنت تمام يا مراد.. أنا بس كنت خايف ليكـون حاصلك فقـدان في الذاكره.. زي ما حصل مع إسلام..
مراد بصدمه: إسلام فقد الذاكره؟
الدكـتور: أيوا.. أنا بس عـاوز أوضحلك شئ..
مراد: إيه هـو؟
الدكـتور: إحنا في شهـر 3 مش سته و في سنة 2023... حضرتك في غيبوبـه بقالك عشر شهـور..
مراد بصدمه: نعم!!!
الدكـتور: بس أنت كويس و ربنا يعوضك خير في السنين الجايه.. احمد ربنا انت حالتك كانت صعبه جدا..
مراد: طيب مراتي فين؟ ضحي!!
الدكـتور: أنا هتصـل بيها أبلغهـا تيجي..
مراد: لا يا دكـتور.. خليني أعملها مفاجأه..
الدكـتور: بس انت مش هتخـرج النهارده..
مراد: لا لا مش هقعد تاني.. كفايـه كدا..
الدكـتور: طيب.. حمد لله علي السلامه..
مراد: الله يسلمك..
مـراد خـرج من المستشفـي بمسـاعدة الممرضيـن و ركب تـاكسي..
أول مـا وصـل الشقـة دق علي البـاب بهدوء و بعد عن العيـن السـحريـة.. ولكـن مفيش رد..
فضل واقف قـدام البـاب حوالي عشـر دقايق ولكـن مفيش رد..
مش معاه مفتـاح أو موبـايـل.. فضـل قاعد علي السلم مستنيـها تـرجع لحد ما لقي تسنيـم طالعه علي السلم..
اتصدمت لما شافته وبصتله بذهول كأنها مش متأكده أن هو...
تسنيم بصدمه: مراد!! أنت فوقت إمتي؟
مراد: ازيك يا تسنيم.. انا فوقت النهـارده الصبـح..
تسنيـم: الحمد لله علي السلامه..
مراد: الله يسلمك... هي ضحي متعرفيش فين..
تسنيـم بحزن: ضحي.. معرفش مكـانها بقالي 8 شهـور.. اختفت و سابت البيت.. محدش يعرف هي فين...
مراد بصدمه: سـابت البيت!!!
تسنيـم: ايوا.. ان شاء الله هتلاقيها يا مراد و ترجعها البيت..
مراد بحـزن: يا رب...
تسنيم: هي قبل ما تمشي سابت نسخه من مفتاح الشقه تحت سجـادة شقتـي و انا خليتها معايا..
مراد: طيب هاتيهـا بالله عليكي..
تسنيم: حـاضر.. ثواني..
مـراد وسع لهـا الطريق علشان تطـلع فوق ولكـنه اتفاجأ بيهـا بتفتح بـاب شقة إسلام اللي قصاد شقتـه..
مراد: هو أنتوا نقلتوا هنا؟
تسنيـم: لا.. انا بس.. أنا وإسلام اتجوزنا من شهرين..
مراد: بجد!! ألف مبروك.. هو لسه ناسي ولا افتكر..
تسنيم: لا.. لسه مش فاكر حاجه..
مـراد: طيب هو فيـن دلوقتي؟
تسنيم: في الشغـل..بيجي بليل..
مراد: خلاص بليل أجيله يمكن يفتكرني ولا حاجه..
تسنيـم: اه يا ريت.. لحظه هجيبلك المفتاح...
مراد أخد المفتـاح ودخـل شقتـه وقـعد محـتار وبيفكـر هي راحت فين ومشيـت ليـه؟؟
فضـل قـاعد بالسـاعات يفكـر لحد ما جـرس الباب رن.. مراد فتح البـاب و اتفاجئ براجل غريب قدامه..
مراد: نعم!
خالد: انا الرائد خـالد عبد العزيز.. ممكن كلمتين!!
مراد بتوتر: اتفضـل...
خـالد دخـل جـوا وقعد ومراد قعد قدامه و بيبصله بتوتر...
خالد: أنا عـارف مكان زوجتك..
مراد: بـجد! هي فيـن؟
خالد: هوديـك ليهـا.. بص أنا الظابط اللي كان مسئول عن قضية الحـادثه بتاعتك..
كان في شنطـة مخد'رات في العربيه وقت الحادثه.. لكن قدرنا نوصل لصاحبهـا و لكن كان لازم تفضلوا تحت المراقبه.. وضحي كمان كانت تحت المراقبه.. واستغربت انها سابت الشقه..و بصراحه لما انت فوقت النهارده انا فكرت فيك وفي موقفك لما متلاقيهاش انا هوصلك ليها...
مراد: يا ريت يا فندم...
خـرج مـراد ورا الظـابط وهو بيـدعي ان ضحي تكـون بخير وانها متكـونش زعـلانه منـه.. وبيحمد ربنا ان ضحي معرفتش انه كان لسه شغال في الشغل القديم وقرر انها يقفل القديم ويفتح صفحه جديده..
وصـل بيه خـالد لعمـاره كبيرة و طـلع بيـه لأخر دور.. خرجـوا من الاسانسيـر علي السطـح..
خالد: هي اللي عايشه في الأوضة دي... هسيبكم انا بقي..
مراد: انا متشكـر جدا لحضرتك.. متشكر..
نـزل خـالد وسـابه فـوق.. مـراد أتقدم لبـاب الأوضـه و دق البـاب...
ضحي بصـوت عالي: ميـن!! أنا خلصتلك الأكل يا مدام سلوي وال......
سكـتت ضحـي لما شافت مراد قدام عينيهـا و ملامحها اتحـولت من الصدمه للغبطـه و السـعاده و الدهشه...
ضحي بسعادة: مراد!!
مراد: وحشتيني..
ضحـي قربت منه وهي بتضحـك و حضنتـه و اتحـولت ضحكتها لبكـاء و دموع فـرحه...
ضحي بسعادة: يا ربي الحمد لله... الحمد لله يا رب.. أنت كـويس صح.. تعبان و لا كويس.. انت سيبت المستشفي ليه انت لسه تعبان..
مراد: أنا كـويس.. دا أنا بقـالي عشر شهور مرتاح..
ضحـي: انا كنت لسـه هاجـي عشان أشوفك..
مـراد: انا قولت أعملهالك مفاجأه.. لما روحت الشقة وملقتكيش كنت مرعـوب تكوني سيبتيني.. أنتي ليه مشيتي!!!
ضحي بسعادة: تعـالا أدخل وأنا أقولك..
مسكـته من إيده وسحبتـه لجـوا..
ضحي بسعادة: أقعد و غمض عينيك..
مراد: حاضر...
مـراد فضـل قاعد مغمض عينيه لحـد ما حس بثقل علي رجـله و ضحي بتسحب إيده...
ضحي: فتح عينيك..
مراد فتح عينيه لقي نفسـه ماسك طفـل صغير بين إيديه...
مراد بصدمه: مين دا!!!
ضحي بضحك: قصدك مين دي... دي يا سيدي ملك.. ملك مراد..
مراد بصدمه: مراد مين؟ مراد أنا!!
ضحي بتوتر: أنت.. ناسي قبل الحادثه..
مراد: لا لا مش ناسي.. أنا أسف اني شربت بس أنا مصدوم بس.. دي بنتي!! بنتي أنا!!
ضحي: أيـوا..
مراد: يا أبويا.. بنتي أنا.. اللهم صلي علي النبي.. بنتي أنا...
ضحي بضحك: هيجرالك حاجه من الصدمه..
مراد: طب هي نايمه ليه!! صحيها.. شوفي يا بت أبوكي.. هي عندها قد ايه يا ضحي؟
ضحي: عندها أربعين يـوم..
مراد: ايوا.. صغيرة أوي.. طب صحيها هي نايمه ليه؟
ضحي: يعم ابعد هات البت.. قال صحيها قال.. حرام عليك دا انا منمتش من ساعه الولادة..
مراد: هو انتي كنتي لوحدك وقتها!!
ضحي: لا لا.. انا ولدت الساعه 4 العصر و الجيران كلهم كـانوا حـواليا..
مراد: ممكن اعرف بقي انتي بتعملي ايه هنا!!
ضحي: بص يا مراد.. الشقة احنا اشتريناها بفلوس حرام.. وانا مكنتش عـاوزة لبنتي تعيش فيها.. و انت لو ناوي ترجع تاني للشغل دا مش هكمل معاك حتي لو بعدي عنك هيموتني...
بنتي لا يا مراد.. انا لقيت الأوضة دي و بقيت أعمل وجبات لأصحاب العمـارة.. بعمل هنا و بنزلوا ليهم مبدخلش بيت حد.. اهم حاجه ان الأربعين يوم اللي بنتي شافت فيهم الشمس أكلت فيهم بالحـلال..
مراد: أوعدك أني عمري ما هعمل حاجة غلط.. عمري ما همسك في ايدي جنيه واحد مش من تعبي.. و مش هنرجع الشقه.. هفضل هنا معاكي وهتعب و اشتغل لحد ما أجيبلك الشقة اللي بتتمنيهـا..
ضحي: انت مش متخيـل سعادتي.. ولا متخيـل كمان خوفي عليك كان عامل إزاي يا مراد.. انا تعبت اوي في الشهور اللي فاتت دي.. وراحتي معاك وبس..
مراد: أنا اللي راحتي معـاكي.. أنا بحبك أوي علفكرا من زمـان أوي.. انا كنت عاوزك ليا من زمان بس كنت بحسك كتير عليا و اني بظلمك..
ضحي: أنت عـارف أنا نفسي في ايه دلوقتي؟
مراد: ايه؟
ضحي: تاخد ملك و تقعـدوا في جمب كدا في الأوضة و تعوضني عن سهر الليالي بقي..
هنام وصحيني بعد عشر شهور اعوض فيهم...
مراد بضحك: انا اكيد هسهر معاها و هسيبك تنامي يا ستي.. بس انا جعان وريحـة الأكل دي مجنناني..
ضحي: لا لا.. الأكل دا بتـاع مدام سلوي.. انا هعملك دلوقتي....
مراد: لا انتي مش هتعمـلي.. احنا لازم نروح لإسلام!
ضحي: سيبـه لحد ما يفتكر.. الدكتور قال الضغط غلط عليـه...
مـراد: تمـام..عاوز ابقي اروح للدكـتور اشوف وضعه ايه بالظبط...
ضحي: تروح فين!!! لا يا مراد انت لازم ترتاح.. الدكـتور قايلي انك لما هتفوق مش هتكون بصحتك.. مش معني انك نايم يبقي مرتاح.. انت لازم تتغذي كويس انت كنت عايش علي المحاليل...
مراد: حاضر حـاضر..طب بصي انا هاخد البت الحلوة دي و انام علي ما تحضري أكل بإيديكي.. مع اني مش فاهم ازاي الناس حابه اكلك..
ضحي: لا دا انا بقيت شيف و اعجبك..
مراد: انتي بتعجبيني في كل وقت علفكرا..
صحـيت البنت الصغيـرة وفضـلت تعيط ومراد باصصلها بسعادة كبيرة...
مراد: الله دي بتغير.. شوفتي بتحبني علفكرا..
ضحي: و انا بحبك..
مراد: وانا بموت فيـكم يا ضحي..
تمت...